काठमाडौं (हाम्रो खेलकुद)- काठमाडौंमा जारी योनेक्स सनराईज नेपाल जुनियर इन्टरनेशनल सिरिज २०२४ मा भारतीय खेलाडीको दबदबा रहेको छ ।

प्रतियोगिताको पाँच वटै विधाको सेमिफाइनलमा भारतीय खेलाडीको मात्र प्रतिस्पर्धा रहेको थियो ।

शनिवार भएको सेमिफाइनल खेलको पुरुष एकल तर्फ भारतका अंश नेगीले भारतकै साइ प्रसाद तिगलालाई २४–२२, २९–२७ ले पराजित गर्दै फाइनल यात्रा तय गरे ।

अब नेगीले भारतका सुर्यक्ष रावत संग उपाधीका लागि प्रतिस्पर्धा गर्नेछन् । सुर्यक्षले विश्वजित चौधरीलाई २४–२२, २१–१२ ले पराजित गरे ।

महिला एकल तर्फ पारु चौधरीले इशिता नेगीलाई २१–१८, २१–१३ ले पराजित गर्दै फाइनल प्रवेश गरिन् । पारुले अव उपाधिका लागि मेधावी नागर संग प्रतिस्पर्धा गर्नेछिन् ।

नागरले दिया भिमैयालाई २१–१२, २१–१८ ले पराजित गर्दै फाइनल यात्रा तय गरेकी हुन् ।

मिक्स युगलतर्फ गर्व शानी र इशिता नेगीको जोडीले सौरभ साहु र प्रगती परिदाको जोडीलाई २१–१९, २२–२० ले पराजित गर्दै उपाधि निकट पुग्यो ।

अर्को सेमिफाइनलमा भाब्य छावरा र आङ्गेल पुनिराको जोडी जित हात पा¥यो । उक्त जोडीले बिजोन जैसन र आन्या बिष्टको जोडीलाई २३–२५, २१–१५, २१–१९ ले पराजित गर्दै फाइनलमा शानी र नेगीको जोडी संगको भेट पक्का गर्यो ।

पुरुष युगल तर्फ भाब्य छाबरा र परम चौधरीको जोडी लाई पराजित गर्दै उपाधि निकट पुग्यो । यो जोडीले दभ्यांश रावत र योगांश सिंहको जोडीलाई २१–१२, २१–११ ले पराजित गरेका हुन् ।

अर्को खेलमा दिभ्यांस अग्रवाल र निरज केशरीको जोडीले जित हात पार्यो ।  उक्त जोडीले सी. लालरामसंग र सौरभ साहुको जोडीलाई २१–१७, २१–१६ ले पराजित गर्दै फाईनल प्रवेश गरेका हुन् ।

नेपाल ब्याडमिन्टन संघको आयोजनामा जारी प्रतियोगितामा सहभागी ९९ खेलाडी मध्ये भारतका ६०, नेपालका १६, थाईल्याण्डका १०, युएइका ४, इरानका ३, न्युजिल्याण्डका २ तथा मलेसिया, अष्ट्रेलिया, बंगलादेश र इन्डोनेसियाका समान १ खेलाडीको सहभागिता छ ।