काठमाडौं, असोज १२ गते ।
पाँचौं एसियाली जोरखाने स्पोर्ट्स च्याम्पियनसिपमा सहभागी हुन ६ खेलाडीसहित ७ सदस्यीय नेपाली टोली मंगलबार इरानको तब्रिज प्रस्थान गरेको छ ।
एसियाली जोरखानेमा सहभागी हुने टोली सामूहिक तस्वीर खिचाउदै । तस्बिर – राखेप
अक्टोबर ७ देखि १० तारिखसम्म हुने च्याम्पियनसिपमा अनुजसिंह श्रेष्ठ, सूर्यबहादुर बुढाथोकी, अनन्त अर्याल, कमल श्रेष्ठ, अरुण सापकोटा तथा राजन सिलवालले प्रतिस्पर्धा गर्नेछन् । नेपालले टिम इभेन्ट, कुस्ती, साङ÷मिल बजी, चाखे तेज र कबड्डीमा भाग लिने बताइएको छ । टिम प्रशिक्षकमा रविन घिमिरे रहेका छन् ।
टोलीलाई राष्ट्रिय खेलकुद परिषद् (राखेप) का सदस्य–सचिव केशवकुमार विष्टले बिदाइ गर्दै देशभक्तीको भावना र इच्छाशक्ति भए सीमित श्रोत र साधनका बावजुद पनि पदक जित्न सकिने धारणा व्यक्त गरे ।
