करिब डेढ दशकदेखि नेपालको खेलकुद पोशाक निर्माणमा सक्रिय रहेको आर जे स्पोर्टसले आफ्नो अनलाइन सेवा सुरु गरेको छ|
अनलाइन स्टोरको शुभआरम्भ नेपाली क्रीकेट टोलिका उपकप्तान ज्ञानेन्द्र मल्ल ले गरे
नेपालको राष्ट्रिय फुटबल, क्रिकेट, बास्केटबल, भलिबल लगाएत विभिन्न खेलका पोसाक तयार गर्दै आएको आर जे स्पोर्टसले आजबाट आफ्नो अनलाइन स्टोर आरजे स्पोर्टस नेपाल डट कम (rjsportsnepal.com) सुरु गरेको छ| आजै एक समारोहविच राष्ट्रिय क्रिकेट टोलीका उपकप्तान ज्ञानेन्द्र मल्ले वेभसाइट सुरु गरेका थिए|
कार्यक्रममा बोल्दै आरजे स्पोर्टसका प्रबन्ध निर्देशक जनक न्यौपानेले आरजेले अनलाइन मार्फतनै सामान खरिद गर्न सक्ने सुविधा दिइने कुराको जानकारी गराए| आरजेले सबै खेलका जर्सी, ट्र्याकसुट, टिसर्ट तयार पार्दै आएको छ|
नेपाली दर्शकमाझ जर्सीप्रतिको मोह पछिल्लो समयमा बढ्दै गएको र समयसापेक्ष अघि बढ्नुपर्ने कुरालाई मध्यनजर गर्दै अनलाइन सपिङ खोलेको कुरा पनि न्यौपानेले बताए|
