8 months ago
April 12, 2025
काठमाडौं (हाम्रो खेलकुद)- राष्ट्रिय गल्फ टोलीकी खेलाडी तारा कार्की चित्रकारले नेपाल उमन्स ओपन गल्फ प्रतियोगिताको उपाधि जितेकी छिन्।
रोयल नेपाल गल्फ क्लबमा आज ताराले ३७ अंकका साथ सम्झना खत्रीलाई हराउँदै उपाधि जितेकी हुन्। उनले उपाधिसँगै इलेक्ट्रिक स्कुटर हात पारिन्।
राष्ट्रिय टोली अर्की खेलाडी सम्झना ३६ अंकसहित दोस्रो भइन् । उनले तीन बर्डी प्रहार गर्दै मोस्ट बर्डिजको उपाधि पनि जितिन्।
अभनी राईले यु–१९ तर्फको उपाधि जितिन्। उनले ३४ अंक बनाएकी थिइन्। सन्ध्या राईले सिनियर र कल्याणी मोक्तानले सुपर सिनियरको उपाधि जितिन् । सन्ध्याले २६ अंक र कल्याणीले १३ अंक जोडे।
प्रतियोगितामा पार्वती सुवेदीले बेस्ट फ्रन्ट नाइन र अञ्जली योञ्जनले बेस्ट ब्याक नाइनको उपाधि जितिन् । पार्वतीले १८ र अञ्जलीले १९ अंक जोडेका थिए।
प्रतियोगितामा जुनी गुरुङले लङ्गेस्ट ड्राइभ, बलकशी गुरुङले क्लोजेस्ट टु द पिन, अञ्जलिका सिन्हाले स्ट्रेट ड्राइभ, रिजु राईले बेस्ट स्पोर्ट्सम्यानसिप र न्यायाधीश सपना प्रधान मल्लले लक्की ड्र को पुरस्कार प्राप्त गरे।
आजको खेलबाट १० खेलाडीले आइतवार हुने दोस्रो तथा अन्तिम राउण्डमा स्थान बनाएका छन्। तारा कार्की चित्रकार, सम्झना खत्री, अञ्जली योञ्जन, अभानी राई, पार्वती सुवेदी, रानु बानियाँ, सुषमा सिंह, सुमित्रा लिम्बु, सन्ध्या राई र देवी पुलामी मगरले विश्व वरीयताका लागि खेल्नेछन्।
विजेतालाई अभिनेत्री मनिषा कोइराला, न्यायाधीश सपना प्रधान मल्ल , आरएनजिसी अध्यक्ष मधुकर याकतुम्बा क्याप्टेन मिथुन राई, लेडी क्याप्टेन तथा प्रमुख आयोजक अर्शिया बानु, नेपाल गल्फ संघका अध्यक्ष टासी घले लगायतले पुरस्कार प्रदान गरे।
December 11, 2025
काठमाडौं (हाम्रो खेलकुद) – दोलखा चेस होम्सले आठौं तुल्सीलाल स्मृति राष्ट्रिय क्लब टिम चेस च्याम्पियनसिपको उपाधि जितेको छ। ललितपुर स्पोर्ट्स क्लबको आयोजनामा ललितपुर क्यास्पियन कलेजमा ५ दिन चलेको ७;चरणको राष्ट्रिय चेस टिम प्रतियोगितामा दोलखाले ६ खेलमा जित र १ मा हार बेहोरेको थियो। दोलखा १२ अंक प्रोग्रेसिभ २० प्वाइन्ट जोडेर च्याम्पियन बनेको हो। दोलखा जिल्ला […]
December 9, 2025
हिमाल खरेल, बिर्तामोड भोजपुरको रामप्रसाद राई गाउँपालिकामा चौथो संस्करणको ‘बासिखोरा रन २०८२’ को तयारी सुरु गरिएको छ । प्रतियोगिता यही पुस १९ गते हुनेछ । आयोजक तीन सहिद खेलकुद विकास संस्थाका अनुसार प्रतियोगिता ४ विधामा हुनेछ । बासिखोरामा हुने प्रतियोगितामा पुरुष तथा महिला खुला, पुरुष तथा महिला अन्डर १८, पुरुष तथा महिला अन्डर १३ र […]
December 9, 2025
काठमाडौं (हाम्रो खेलकुद )- विश्व शान्तिका अग्रदुत गौतम बुद्धको जन्मजयन्तीको अवसरमा थाइल्याण्डमा लुम्बिनी नेपाल मिनी म्याराथन हुने भएको छ । गौतम बुद्धको जन्मथलो लुम्बिनीको प्रचारप्रसार गर्ने हेतुले बैशाखको तेस्रो साता १० किमी र ५ किमी रेस आयोजना गर्न लागिएको हो । थाइल्याण्डस्थित नेपाली राजदुतावासको अगुवाईमा थाइल्याण्डमा कार्यरत विभिन्न संघसंस्था र सरोकारवालाबीच बृहत छलफलपश्चात हरेक बर्ष […]
