सुमन अधिकारी, बुटवल

विभागिय टोली नेपाल पुलिस क्लबले बुटवलमा जारी १० औं मणिमुकुन्द कप भलिबल च्याम्पियनसिपमा दोस्रो खेलमा पनि जित हात पारेको छ । एपिएफ भने दोस्रो खेलमा पनि पराजित भएको छ ।

मणिमुकुन्द भलिबल क्लबले आयोजना गरेको प्रतियोगिताको चौथो दिन मंगलवार भएको समूह एमा‌ आयोजक मणिमुकुन्दले एपिएफलाई ३-० को सोझो सेटमा पराजित भएको हो ।

मणिमुकुन्दले २५–१८, २५–१५ र २५–२२ मा विजयी भयो। एपिएफ आफ्नो पहिलो खेलमा त्रिभुवन आर्मी क्लबसंग पराजित भएको थियो ।

आर्मी साग भलिवल एकेडेमी गुजरातसंग पराजित भएको छ । सेमिफाइनल पुग्नका लागि आर्मीले बुधवार हुने मणीमुकुन्दको खेलमा सोझो सेटमा जित निकाल्नु पर्ने हुन्छ । एपिएफलाई पनि बिहिवार गुजरातलाई सोझो सेटमा जित्नै पर्ने दबाब छ ।

समुह बि मा पुलिसले कोशी प्रदेशलाई पनि ३–० को सोझो सेटमा पराजित गरेको हो । पुलिसले पहिलो सेट २५–२२, दोस्रो सेट २७–२५ र तेस्रो सेट २५–१८ मा जित हात पारेको हो । कोशी तीनै खेलमा पराजित हुँदै प्रतियोगिताबाट बाहिरिएको छ।

बाँकी टोलीले समान १ खेलमा जित निकालेका छन् । तीनै टोलीले सेमिफाइनल प्रवेशका लागि बाँकी खेलमा जित निकाल्नु पर्नेछ।

बुधवार पहिलो खेल गल्कोट भलिबल क्लब र गण्डकी प्रदेश भलिबल संघ तथा दोस्रो खेल मणिमुकुन्द र आर्मीबीच हुनेछ ।

पहिलो पटक दिन र रातिमा सञ्चालन गरिएको प्रतियोगितामा ८ टोली सहभागी छन् । समूह एमा मणिमुकुन्द, गुजरात, आर्मी र एपिएफ छन् । समुह बीमा पुलिस , गण्डकी, कोशी र गल्कोट छन् ।

प्रतियोगिताको विजेताले ३ लाख ११ हजार १ सय ११ रुपैयाँ तथा दोस्रोले २ लाख ११ हजार १ सय ११ रुपैयसँ प्राप्त गर्नेछ ।

तेस्रो टोलीले १ लाख ११ हजार १ सय ११ रुपैयाँ र चौथो टोलीले ६६ हजार ६ सय ६६ रुपैयाँ प्राप्त गर्नेछ । नवौं संस्करणको उपाधि नेपाल आर्मी क्लबले जितेको थियो ।