3 weeks ago
April 24, 2025
काठमाडौं (हाम्रो खेलकुद)- छ पटकको विजेता सशस्त्र प्रहरी बल (एपिएफ) समूह बीको विजेता बन्दै आठौं केएनपी नेरोल्याक राष्ट्रिय महिला भलिबल प्रतियोगीताको सेमिफाइनलमा पुगेको छ।
यो सँगै सेमिफाइनल समीकरण पूरा भएको छ।एपिएफको जितमा यो समूहबाट त्रिभुवन आर्मी क्लब उप विजेता बन्दै सेमिफाइनलको यात्रा तय गर्न सफल रहयो।
अर्को समूहमा दुई टिम मात्र रहँदा नेपाल पुलिस क्लब विजेता र टिप टप न्यु डायमण्ड उपविजेता बन्दै अन्तिम चारमा पुगेको छ।
लिग चरणको अन्तिम खेलमा एपिएफ विरुद्ध एभरेष्ट भलिबल क्लबलाई जितको विकल्प थिएन। तर बलियो प्रतिद्वन्द्वी एपिएफले २५-१९, २५-१५ र २५-१० को सोझो सेटमा खेल आफ्नो पक्षमा पार्यो। लगातार दुई जितमा एपिएफले ६ अंक बनायो।
लगातारको दोस्रो हारमा एभरेष्ट भलिबल क्लब समूह चरणबाटै बाहिरिएको छ। यसअघि आजै बिहान एभरेष्टलाई आर्मीले २५-१६, २५-१८ र २५-१७ ले हराएको थियो।
अब सेमिफाइनलमा एपिएफले न्यु डायमण्ड र आर्मीले पुलिससँग खेल्नेछ। प्रतियोगितामा कुल ५ टोलीको सहभागीता रहेको छ।
विजेताले ४ लाख ९९ हजार, दोस्रोले २ लाख ५० हजार र तेस्रो टोलीले १ लाख २५ हजार रुपैयाँ प्राप्त गर्नेछ ।
May 15, 2025
रविन्द्र वाईबा, मकवानपुर बागमती प्रदेश सरकारको युवा तथा खेलकुद मन्त्रालयले हेटौंडामा पहिलो पटक प्रदेश स्पोर्टस अवार्ड एन्ड युथ समिट आयोजना गर्दैछ । आइतवार हेटौंडा-४ स्थित हुप्राचौरमा अवार्ड आयोजना हुने बिहीवार हेटौंडामा पत्रकार सम्मेलनमार्फत जानकारी गराएको छ । प्रदेशका पूर्व तथा वर्तमान खेलाडी, प्रशिक्षक र पत्रकारलाई सम्मान गर्ने उद्देश्यले कार्यक्रम आयोजना गर्न लागेको बागमती प्रदेशका युवा […]
May 14, 2025
काठमाडौं (हाम्रो खेलकुद)- राष्ट्रिय खेलकुद परिषद् (राखेप) ले प्रकाशन गरेको ओलम्पिकमा नेपाल नामक पुस्तक विमोचन गरिएको छ। राखेपका सदस्य सचिव टंकलाल घिसिङ तथा ओलम्पियनहरु बैकुण्ठ मानन्धर, जितबहादुर केसी दिपक विष्ट, विष्णु बहादुर सिंह लगायत १५ जना ओलम्पियनहरुले बुधवार संयुक्त रुपमा पुस्तकको विमोचन गरे। राखेपले ओलम्पिकमा नेपाल सहभागी भएको सन् १९६४ देखि देखि २०२४ सम्मको इतिहास […]
May 13, 2025
काठमाडौं (हाम्रो खेलकुद)- नेपाल भलिबल संघको आयोजनामा अर्को महिना हुने नवौं पिएम कप एनभिए महिला पुरुष भलिबल लिगसँग शिवम् सिमेन्ट जोडिएको छ। लिगमा शिवम् सिमेन्ट ‘स्ट्रेन्थ पार्टनर’ रुपमा जोडिएको भलिबल संघले जनाएको छ। शिवम् सिमेन्टका सेल्स एण्ड मार्केटिङका भि.पि. निखिल अग्रवाल तथा भलिबल संघका महासचिव रोशन श्रेष्ठले मंगलवार सम्झौता पत्रमा हस्ताक्षर गरे। सम्झौता रकम खुलाइएको छैन। […]
