हेटौंडा (हाम्रो खेलकुद)- हेटौंडा चेस क्लबले आयोजना गरिएको विद्यालय स्तरीय छात्रवृत्ति बुद्धिचाल प्रतियोगितामा ५ विद्यार्थीले विभिन्न छात्रवृत्तिका पुरस्कार प्राप्त गरेका छन्। 

मकवानपुर बहुउद्देश्यीय क्याम्पस हेटौंडामा भएको ८ चरणको खेलबाट सिद्धार्थ शिशु सदनका व कृतार्थ ढोडारी ७ अंकसहित विजयी पभएका छन्। 

कृतार्थले अन्तिम चरणको खेलमा नवोदय शिशु सदन विद्यालयका नाइस लामालाई डाइरेक्ट इन्काउन्टर विधिमा पराजित गरे । कृतार्थले १ वर्षको छात्रवृत्ति प्राप्त गरे ।

समान ७ अंक जोडेका नाइसले ६ महिनाको छात्रवृत्ति प्राप्त गरे। ६.५ अंक बनाउँदै नवोदय शिशुका सरल मैनाली तेस्रो भए र उनले ३ महिनाको छात्रवृत्ति प्राप्त गरे ।

ज्ञान दीप शिक्षा निकै तन्का विषम कोइरालाले ६ अंक प्रोग्रेसिभ ३० प्वाइन्टका आधारमा चौथो भए र एक महिनाको छात्रवृत्ति प्राप्त गरे।

नवोदय शिशु सदनका श्रीस कर्मचारीले ६ अंक प्रोग्रेसिभ २५ प्वाइन्टका आधारमा पाँचौं भए र एक महिने छात्रवृति प्राप्त गरे ।

दुई दिन चलेको सेमी क्लासिकल खेलमा ६६ जना विद्यार्थीको सहभागिता थियो । विजयी खेलाडीलाई २ लाख रुपैयाँ बराबरको छात्रवृत्ति प्रदान गरिएको थियो ।

बागमती प्रदेशको युवा तथा खेलकुद मन्त्रालयका महाशाखा प्रमुख सूर्य बहादुर दाहालले विजयी खेलाडीहरुलाई छात्रवृत्ति पुरस्कार वितरण गरे।

हेटौडा चेस क्लबलर अर्को वर्ष थप छात्रवृत्ति पुरस्कार सहित दोस्रो संस्करण आयोजना गर्ने धरमबहादुर लामाले जानकारी दिए।