default_image

4 months ago

June 27, 2025

चितवनमा खो खोको प्रशिक्षक प्रशिक्षण सुरु

270 views

0 Bookmark

सुशील पन्त क्षेत्री, चितवन

चितवनमा खो खो खेल क्षमता अभिवृद्धि प्रशिक्षक प्रशिक्षण सुरु भएको छ । जिल्ला खेलकुद विकास समिति चितवनले प्रदेश खेलकुद विकास परिषद् बागमती प्रदेशको सहयोगमा ५ दिने तालिम आयोजना गरेको हो ।

तालिमको आज जिल्ला समन्वय समितिको सभाहलमा एक कार्यक्रमकाबीच प्रदेश खेलकुद बिकास परिषद् बागमती प्रदेशका सदस्य सचिव दीपक लामाले उद्घाटन गरे ।

लामाले प्रदेशमा खेलकुद ऐन बनिरहेको बताए । उनले ऐन बनेपछि खेलकुदका लागि कोशेढुङ्गा हुने विश्वास व्यक्त गरे । यस्तै उनले तालिम उपलब्धिमूलक बनाउन आग्रह गरे ।

उनले तालिमबाट दक्षता हासिल गर्दै खो खो खेलमा विकासका लाग्न सम्पूर्ण प्रशिक्षार्थी प्रशिक्षकहरुलाई आग्रह गरे ।

खो खो संघका केन्द्रीय अध्यक्ष प्रदिप महर्जनले यो कार्यक्रम निकै महत्त्वपूर्ण भएको बताए । उनले हाल खो खो खेलमा नेपाली खेलाडीको अन्तर्राष्ट्रिय प्रतियोगितामा सहभागिता बढिरहेको बताए । यस कारण पनि यस किसिमको कार्यक्रम आवश्यक रहेको उनको भनाइ थियो ।

जिल्ला प्रहरी कार्यालय चितवनका प्रमुख प्रहरी उपरिक्षक गोविन्द्र पुरीले तालिमको सफलताको कामना गरे । उनले यसलाई उपलब्धिमूलक बनाउन पनि आग्रह गरे ।

असार १८ गतेसम्म सञ्चालन हुने तालिममा बागमती प्रदेश अन्तर्गतका १२ जिल्लाबाट प्रशिक्षार्थी प्रशिक्षकहरु सहभागी छन् । उनीहरुलाई खो खो प्रशिक्षक लक्ष्मीनारायण वैद्य र दीलिपकुमार महर्जनले प्रशिक्षण दिनेछन् ।

खो खो सम्बन्धी क्षमता अभिवृद्धिका लागि यो तालिम आयोजना गरिएको जिल्ला खेलकुद बिकास समिति चितवनका अध्यक्ष राजन कार्कीले बताए।

५ महिना अघि मात्रै भएको प्रथम खो–खो विश्वकप प्रतियोगितामा नेपाल उपविजेता भएको थियो । नेपालको महिला र पुरुष दुवै टोली फाइनल प्रवेश गर्दै ऐतिहासिक उपलब्धि हासिल गर्न सफल भएको थियो । जुन कुनै पनि टिम गेममा नेपाल विश्वकपको फाइनल खेलेको पहिलो पटक थियो ।

November 6, 2025

नेपालसँग श्रीलंका पराजित

काठमाडौं (हाम्रो खेलकुद)- नेपाली टोलीले श्रीलंकामा जारी काभा महिला यु १९ च्याम्पियनसिपमा आज घरेलु टोलीलाई पराजित गरेको छ। नेपालले श्रीलंकालाई ३-१ ले हराएको थियो। नेपालले २५-१८,२६-२४,१९-२५,२५-२० विजयी भएको थियो। नेपालले आफ्नो पहिलो खेलमा कीर्गिस्तानसँग ३-२ ले पराजित भएको थियो। कीर्गिस्तान २२-२५,२५-१४,१८-२५,२५-२२,१५-९ विजयी भएको थियो। च्याम्पियनसिपमा ४ टोलीको मात्र सहभागिता छ। राउन्ड रोबिन लिगपछि अंक तालिकाको […]

November 5, 2025

नेपाल र श्रीलंका खेल्दै

काठमाडौं (हाम्रो खेलकुद)- नेपाली टोलीले श्रीलंकामा जारी काभा महिला यु १९ च्याम्पियनसिपमा आज घरेलु टोलीको सामना गर्दै । नेपाल र श्रीलंकाबीचको खेल नेपाली समयअनुसार दिउँसो ४:१५ बजे सुरु हुनेछ। नेपालले आफ्नो पहिलो खेलमा कीर्गिस्तानसँग ३-२ ले पराजित भएको थियो। कीर्गिस्तान २२-२५,२५-१४,१८-२५,२५-२२,१५-९ विजयी भएको थियो। आज कीर्गिस्तान र माल्दिभ्सबीच पहिलो खेल हुनेछ। श्रीलंकाले आफ्नो पहिलो खेलमा […]

November 4, 2025

इडब्लुभीका बाँकी खेल यसै महिना हुने 

काठमाडौं (हाम्रो खेलकुद)- जन जी आन्दोलनका स्थगित एभरेष्ट महिला भलिबल लिग (इडब्लुभी) को बाँकी खेल यसै महिनाको अन्तिममा हुने भएको छ। पोखरामा इडब्लुभीको‌ दोस्रो संस्करण जारी रहँदा भदौं २३ र २४ को‌ आन्दोलनका कारण स्थगित भएको थियो। इडब्लुभीको बाँकी खेल काठमाडौं कात्तिक २६ देखि २९ (नोभेम्बर १२ देखि १५ ) गते सम्म पुनः सञ्चालन हुने […]

Success

Thank you for your time.