काठमाडौं (हाम्रो खेलकुद)- पुष्प सदन स्कुलका हार्दिक पन्तले मदन स्मृति नेकोस यु १५ विद्यालय स्तर  राष्ट्रव्यापी बुद्धिचाल  प्रतियोगिताको उपाधि  जितेका छन्। 

आठौं चरणसम्मको खेलमा ७ खेलमा जित र एक  खेलमा बराबरी गर्दै साढे ७ अंक सहित उपाधि जितेका हुन्।  उनले ट्रफी र २५ हजार रुपैयाँ प्राप्त गरे।
हार्दिकले अन्तिम चरणको खेलमा  पभलियन चेस एकेडेमीका कौशिक कार्कीलाई पराजित गरे।‌

एसियन पब्लिक स्कुलका दिपेन मैनाली दोस्रो र बसुन्धरा नेशनल एकेडेमीका अविन पाण्डे तेस्रो स्थामा भए । दिपेनले १५ हजार र अविनले १०  हजार रुपैयाँ प्राप्त गरे । 

संस्कार  गुरुकुलका आशिर्वाद थापा चौथो , पभेलियन चेस एकेडेमीका सुनन्द थापा पाँचौ  भए। उनीहरुले‌ समसन ५ हजार रुपैयाँ प्राप्त गरे।

त्यसैगरी कौशिभ कार्की छैंटौं , इन्टरनेसनल पब्लिक स्कुलका सार्थक पन्त सातौं, पभेलियनका हर्षबर्धन राठी आठौं ,लिटल बुद्ध एकेडेमीका शुभम् जोशी नवौं र  पभेलियनका ओस्कर पन्थी दसौं भए । उनीहरुले   जनही ३ हजार रुपैयाँ प्राप्त गरे ।

 यु- ९ तर्फ लेवोट्री स्कुलका छात्रामा अंकुर पोखरेल र छात्रमा अग्रता आचार्य उत्कृष्ट भए । यु – ११ मा हिमालयन चेस एकेडेमीका निहाना श्रेष्ठ छात्र र  साहश श्रेष्ठ पहिलो भए। त्यस्तै मार्भलोसका बृजन्दास छात्र र छात्रामा उजिभनी  कँडेल प्रथम भए ।

मदन भण्डारीको स्मृतिमा राष्ट्रिय बुद्धिचाल संघ र हेटौंडा चेस क्लबले संयुक्त रुपमा आयोजना प्रतियोगितामा ४० स्कुलमा १ सय २ खेलाडी सहभागिता थियो।

हेटौंडा चेस क्लबका अध्यक्ष धरम बहादुर लामाको अध्यक्षतामा भएको समापनमा बागमती प्रदेशका पूर्व श्रम तथा यातायात मन्त्री माननीय एकालाल  श्रेष्ठ ,  नेपाल बुद्धिचाल महासंघका अध्यक्ष हेराकाजी महर्जन कोषाध्यक्ष ताराबहादुर रानाभाट लगायतले विजेता खेलाडीलाई पुरस्कृत गरे ।