ललितपुर (हाम्रो खेलकुद)- फिडे मास्टर क्षितिज भण्डारीले महालक्ष्मी चेस एकेडेमीकाे आयोजनामा जेजे एस क्याफे दोस्रो ब्लिज रेटिङ चेस प्रतियोगिताको उपाधि जितेका छन्।

स्विस लिग प्रणाली अनुसार नवौं चरणको एकदिने द्रुतगतिको खेलमा क्षितिजले ८ खेलमा जित र एक खेलमा बराबरी खेली साढे ८ अंकसहित ट्रफि जितेका हुन्।

अन्तिम खेलमा ललितपुरका सानुराजा बज्राचार्यलाई पराजित गरेका क्षितिजले ८ हजार रुपैयाँ प्राप्त गरे।

त्यस्तै समान साढे ८ अंक नै जोडे पनि दोलखाका आशिष फुयाल ट्राईबेकरमा क्षितिजसंग पछि पर्दै दोस्रो स्थानमा रहे । साढे ७ अंक लिएका राजन पुरी ललितपुरका  तेस्रो स्थान प्राप्त गरे।

आषिशले ललितपुरका सरोज महर्जन र राजनले काठमाडौका प्रेमकृष्ण महर्जनलाई हराएका थिए ।
ललितपुरका सरोज महर्जन चौथो र फिडे मास्टर रुपेश जैशवालले पाँचौ स्थान प्राप्त गरे।

झापाका प्रकाश नेपाल छैटौं , पूर्व नेपाल च्याम्पियन  बद्रीलाल नेपाली सातौं ,झापाका सजल न्यौपाने आठौं , सुनसरीका मुहान नर्सिङ श्रेष्ठ नवौं र ललितपुरका सानुराजा बज्राचार्य दसौं भए ।

महिलातर्फ महालक्ष्मी चेस  एकेडेमीका ग्लोसी श्रेष्ठ विजयी भइन् । झापाका पुनम प्रसाईं दोस्रो र कुसुम घिसिङ तेस्रो भइन् ।

१ सय ३२ जना खेलाडी सहभागी रहेको प्रतियोगितामा भेट्रानमा पूर्व नेपाल च्याम्पियन नविन तण्डुकार उत्कृष्ट भए । १८०० मुनि रेटेडतर्फ काठमाडौका कुमार महर्जन र १६०० मुनि सुदिन नेपाल पहिलो स्थानमा रहे।
यु – प्रलेस महर्जन  र  यु १२ सातुकमान तुलाधर  उत्कृष्ट भए।

आयोजक कमिटीका हरिकुमार श्रेष्ठ, नेपाल बुद्धिचाल संघका अध्यक्ष हेराकाजी महर्जनले विजेता खेलाडीलाई पुरस्कृत गरे।