काठमाडौं (हाम्रो खेलकुद)– दुई खेलाडीसहित चार सदस्यीय नेपाली फेन्सिङ टोली हङकङमा आयोजना हुने एसियन फेन्सिङ च्याम्पियनसिपमा भाग मंगलबार त्यसतर्फ प्रस्थान गर्ने भएका छन् ।
असार १ देखि ६ गते सम्म हुने च्याम्पियनसिपमा नेपाली खेलाडी एपिएफका जंग गिरी र त्रिभुवन आर्मीका जलिन्द्र शाहीले भाग लिनेछन् । जंगले इपी इभेन्ट्स र जलिन्द्रले फोल इभेन्टमा प्रतिस्पर्धा गर्नेछन् । नेपाल फेसिङ संघका उपाध्यक्ष निराकरमान सिंह रेग्मी टोलीको व्यवस्थापक र कोषाध्यक्ष अभिषेक कार्की प्रशिक्षकका रुपमा टोलीका साथ हङकङ जानेछन् ।
राष्ट्रिय खेलकुद परिषद् (राखेप) सदस्य सचिव केशव विष्ट, संघका अध्यक्ष सुनिलकुमार श्रेष्ठ, महासचिव सुजन श्रेष्ठ र सदस्य ज्ञानेन्द्र बानियाँले टोलीको विदाई गरेका थिए ।
