6 years ago
March 24, 2018
काठमाडौं (हाम्रो खेलकुद) – युवा तथा खेलकुद मन्त्री जगत बहादुर विश्वकर्माले खेलकुदका सबै खाले विकृति, विसंगतिको अन्त्य र विवाद समाधानका लागि पहल लिने बताएका छन् । शनिबार राजधानीमा आयोजित एक कार्यक्रममा मन्त्री विश्वकर्माले नेपाल क्रिकेट संघ (क्यान) , अखिल नेपाल फुटबल संघ (एन्फा) र नेपाल ओलम्पिक कमिटी (एनओसी) लगायतका खेलकुद संघमा देखिएका विवाद वा समस्याको […]
काठमाडौं (हाम्रो खेलकुद) – युवा तथा खेलकुद मन्त्री जगत बहादुर विश्वकर्माले खेलकुदका सबै खाले विकृति, विसंगतिको अन्त्य र विवाद समाधानका लागि पहल लिने बताएका छन् ।
शनिबार राजधानीमा आयोजित एक कार्यक्रममा मन्त्री विश्वकर्माले नेपाल क्रिकेट संघ (क्यान) , अखिल नेपाल फुटबल संघ (एन्फा) र नेपाल ओलम्पिक कमिटी (एनओसी) लगायतका खेलकुद संघमा देखिएका विवाद वा समस्याको समाधान चाडै गर्ने विश्वास दिलाए ।
‘देशको तीनै तहको निर्वाचन सम्पन्न भैसकेको छ । तीनै तहमा सरकार गठन भैसकेको छ ’ मन्त्री विश्वकर्माले भने, ‘नेपाली खेलाडीहरुले अन्तर्राष्ट्रिय स्तरमा कठोर मेहनत गर्दै उपलब्धिहरु हाँसिल गरेको अवस्थामा खेलकुद हेर्ने मुख्य निकाय नै विवादमा रुमल्लिनु राम्रो विषय हैन । त्यसैले म यो तीनै तहको विवाद समाधान गरेरै छाड्ने प्रतिबद्धता व्यक्र गर्न चहान्छु ।’
मन्त्री विश्वकर्माले खेलकुद क्षेत्रमा भाईब्रेसन आउने गरि काम गर्ने प्रतिबद्धता समेत व्यक्त गरे । मन्त्री विश्वकर्माले सन् २०१९ मा १३ औं दक्षिण एसियाली खेलकुद (साग) हुने भएकोले उक्त प्रतियोगिता समयमै सम्पन्न गर्ने गरि आफूहरु तयारीमा जुटिसकेको पनि जनाए ।
‘तोकिएकै मितिमा हामी साग सम्पन्न गर्ने लक्ष्यमा छौं । अहिले हामी आवश्यक पूर्वाधार निर्माणको योजनाहरु बनाउनमा केन्द्रित छौं ’ मन्त्री विश्वकर्माले भने, ‘निर्माण कार्य सम्पन्न गर्नुपर्ने पूर्वाधारको बारेमा जानकारी लिन १५ दिनभित्रै प्रतिवेदन ल्याउने गरि मन्त्रालयका सह–सचिवको नेतृत्वमा समिति गठन भएर कार्य आरम्भ भैसकेको छ । आठौं राष्ट्रिय खेलकुदको आवश्यक तयारीमा समेत जुटिसकेका छौं ।’
May 2, 2024
हिमाल खरेल,इटहरीतेस्रो ओलम्पियन्स रियुनियन (पुनर्मिलन) तथा सेलिब्रेटी खेलाडी भेट कार्यक्रमअन्तर्गत सुनसरीको इटहरीमा वाकाथन (पैदल यात्रा) सँगै स्वागत कार्यक्रम सम्पन्न भएको छ । कोशी प्रदेशको खेलकुदसँगै आन्तरिक पर्यटन प्रवर्धनका लागि ओलम्पिकमा सहभागिता जनाएका खेलाडी तथा खेलकुदका चर्चित अनुहारलाई पुनर्मिलन गराउने कार्यक्रमको सुरुवात कोशी प्रदेशका उद्योग, कृषि तथा सहकारीमन्त्री रामकुमार मन्त्री खत्रीले गरेका थिए । आज बिहीबार […]
May 1, 2024
ललितपुर (हाम्रो खेलकुद)- नेपाल च्याम्पियन फिडे मास्टर रुपेश जैसवालले नवौं गणेशमान सिंह स्मृति राष्ट्रिय रेटिङ बुद्धिचाल प्रतियोगिताको उपाधि जितेका छन्। रुपेशले बुधबार फाइनलमा क्याण्डिडेट मास्टर मिलन लामासंगको क्लासिकलतर्फको पहिलो र दोस्रो खेल बराबरी खेलेका थिए। क्लासिकलमा १/१ को बराबरीले नतिजा नआएपछि खेल ट्राइबेकरमा धकेलिएको थियो। द्रुतगतिको ५/५ मिनेटको खेलमा सेतो र कालो गोटीको दुबै खेलका […]
May 1, 2024
हिमाल खरेल,मोरङ ओलम्पियन रियुनियन (पुनर्मिलन) तथा सेलिब्रेटी खेलाडी भेटमा सहभागी हुन ओलम्पिक खेलाडीहरू मोरङको विराटचोक आइपुगेका छन् । कोशी प्रदेशका विभिन्न सहरमा हुने चार दिने ओलम्पियन पुनर्मिलन कार्यक्रममा सहभागी जनाउन अस्ट्रिया, मलेसियाका साथै नेपालका खेलाडीहरु ओलम्पियन कार्यक्रमस्थल आइपुगेका हुन् । विराटनगर विमानस्थलमा बुधबार दिउँसो कोशी प्रदेश खेलकुद विकास बोर्डकी उपाध्यक्ष बिन्दिया कार्कीले ८ जना ओलम्पियनलाई […]