8 years ago
April 10, 2018
काठमाडौं (हाम्रो खेलकुद) – पाँच महिनापछि हुने इन्डोनेसियामा हुने एसियाली खेलकुदको प्रचारका लागि ओलम्पिक काउन्सिल अफ एसियाको कार्यक्रम अनुसार सोमबार बिहान एसियन गेम्स फन रन सम्पन्न भएको छ ।
राष्ट्रिय तथा अन्तर्राष्ट्रिय खेलाडी, विभिन्न संघका पदाधिकारी गरि झन्डै ५ सयको सहभागितामा सातदोबाटोस्थित नेपाल ओलम्पिक कमिटी (एनओसी) को भवनबाट सुरु भएको फन रन सातदोबाटो, जावलाखेल, लगनखेल, पुल्चोक, मंगलबजार हुँदै पुन एनओसी भवन पुगेर टुंगेको थियो । फन रनका लागि ७ किलोमिटर दुरी तय गरिएको थियो ।
एनओसीका अध्यक्ष जीवनराम श्रेष्ठले ओलम्पियन तथा एसियाली खेलकुदका दुई पटकका कास्य पदक विजेता दीपक विष्टलाई ओलम्पिक टर्च हस्तान्तरण गर्दै फन रनको उद्घाटन गरेका थिए । टर्च एसियाली पदक विजेता आयशा शाक्य, मनीता शाहीदीपक महर्जनलगायत अन्य एसियाली खेलाडीले पनि पालै पालो बोकेका थिए ।
यसै बर्ष आयोजना हुने १८ औं संस्करणको एसियन गेम्स आगामी अगस्टमा इन्डोनेसिया हुँदैछ । जार्कर्ता र पालेमबाङमा आयोजना हुने एसियन गेम्सको प्रचार प्रसार र सामाजिक उत्तरदायित्वका लागि फन रनको आयोजना गरिएको एनओसीले जनाएको छ । यसपटक एसियान गम्समा ४० खेलको ४ सय ६२ स्पर्धामा प्रतिस्पर्धा हुनेछ ।
एसियन गेम्स फनको लागि एसियन गेम्स इन्डोनेसिया आयोजक कमिटिका मिडिया तथा पब्लिक रिलेसन उप निर्देशक रत्न इर्सना, ओलम्पिक काउन्सिल अफ एसिया (ओसीए) का मिडिया म्यानेजर जिन् झू जियान र ओसीएका अध्यक्ष अहमद अल फाहदका सचिव विस्सम टार्मनी नेपाल आएका छन् ।
मिडिया मेनेजरले एसियाका विभिन्न राष्ट्रमा फन रनको आयोजना गरिएको उल्लेख गर्दै एसियाली खेलकुदअघि सम्म ३० राष्ट्रमा आयोजना गर्ने लक्ष्य रहेको जानकारी दिएका छन् । पाकिस्तानबाट सुरु भएको फन रनको सोमबार १२ औं संस्करण पुरा भएको छ ।
December 11, 2025
काठमाडौं (हाम्रो खेलकुद) – दोलखा चेस होम्सले आठौं तुल्सीलाल स्मृति राष्ट्रिय क्लब टिम चेस च्याम्पियनसिपको उपाधि जितेको छ। ललितपुर स्पोर्ट्स क्लबको आयोजनामा ललितपुर क्यास्पियन कलेजमा ५ दिन चलेको ७;चरणको राष्ट्रिय चेस टिम प्रतियोगितामा दोलखाले ६ खेलमा जित र १ मा हार बेहोरेको थियो। दोलखा १२ अंक प्रोग्रेसिभ २० प्वाइन्ट जोडेर च्याम्पियन बनेको हो। दोलखा जिल्ला […]
December 9, 2025
हिमाल खरेल, बिर्तामोड भोजपुरको रामप्रसाद राई गाउँपालिकामा चौथो संस्करणको ‘बासिखोरा रन २०८२’ को तयारी सुरु गरिएको छ । प्रतियोगिता यही पुस १९ गते हुनेछ । आयोजक तीन सहिद खेलकुद विकास संस्थाका अनुसार प्रतियोगिता ४ विधामा हुनेछ । बासिखोरामा हुने प्रतियोगितामा पुरुष तथा महिला खुला, पुरुष तथा महिला अन्डर १८, पुरुष तथा महिला अन्डर १३ र […]
December 9, 2025
काठमाडौं (हाम्रो खेलकुद )- विश्व शान्तिका अग्रदुत गौतम बुद्धको जन्मजयन्तीको अवसरमा थाइल्याण्डमा लुम्बिनी नेपाल मिनी म्याराथन हुने भएको छ । गौतम बुद्धको जन्मथलो लुम्बिनीको प्रचारप्रसार गर्ने हेतुले बैशाखको तेस्रो साता १० किमी र ५ किमी रेस आयोजना गर्न लागिएको हो । थाइल्याण्डस्थित नेपाली राजदुतावासको अगुवाईमा थाइल्याण्डमा कार्यरत विभिन्न संघसंस्था र सरोकारवालाबीच बृहत छलफलपश्चात हरेक बर्ष […]
