6 years ago
April 12, 2018
काठमाडौं (हाम्रो खेलकुद)– विश्वको सर्वोच्च शिखर सगरमाथा आरोहण गर्न तयारीमा रहेकी न्यु २४ टेलिभिजनकी कार्यरत नेपाल खेलकुद पत्रकार मञ्चकी सदस्य प्रियालक्ष्मी कार्कीलाई राष्ट्रिय खेलकुद परिषद् (राखेप) ले आफ्नो झण्डा हस्तान्तरण गर्दै सफल आरोहणका शुभकामना दिएको छ ।
राखेपले सातदोबाटोस्थित अन्तर्राष्ट्रिय खेलकुद परिसरमा बिहीबार आयोजना गरिएको नव वर्ष २०७५ सालको शुभकामना आदान प्रदान कार्यक्रममा प्रियालाई सफल आरोहणको शुभकामनासहित झण्डा हस्तान्तरण गरिएको हो ।राखेपले प्रियालाई ३० हजार रुपैयाँको चेक सोही अवसरमा हस्तान्तरण गर्यो ।
युवा तथा खेलकुद मन्त्री जगतबहादुर सुनार (विश्वकर्मा) ले प्रियालाई सफल आरोहणका लागि शुभकामना दिदै झण्डा हस्तान्तरण गरे । सो अवसरमा सांसद एवं नेपाल ओलम्पिक कमिटी (एनओसी) का अध्यक्ष जीवनराम श्रेष्ठ, राखेपका उपाध्यक्ष एवं एनओसी उपाध्यक्ष लामा टेन्डी शेर्पा, राखेपका सदस्य–सचिव केशवकुमार विष्ट, युवा तथा खेलकुद मन्त्रालयका सचिव मोहनकृष्ण सापकोटालगायतले पनि प्रियालाई सफलताको शुभकामना दिदै मायाको चिनो प्रदान गरेका थिए ।
प्रिया आफ्नो अभियान पूरा गर्ने सिलसिलामा सोमबार काठमाडौंबाट गन्तब्यतर्फ प्रस्थान गर्नेछिन् । प्रिया महिला पत्रकार आरोहण दलकी सदस्य हुन् । शुभकामना आदन प्रदान कार्यक्रममा खेलाडीले नृत्य, गीतलगायत विभिन्न मनोरञ्जनात्मक प्रस्तुती प्रस्तुत गरेका थिए ।
May 16, 2024
काठमाडौं (हाम्रो खेलकुद) – मलेसियाको क्वालालम्पुरमा हुने सेपाकताक्रो विश्व कपमा सहभागी हुने नेपाली राष्ट्रिय सेपाकताक्रो टोलीलाई युवा तथा खेलकुद मन्त्री विराज भक्त श्रेष्ठले बिदाई गरेका छन् । देशको प्रतिनिधित्व गर्ने टोलीलाई आत्मविश्वासी प्रदर्शन सहित उच्च प्रदर्शन गर्न मन्त्री श्रेष्ठले शुभकामना दिएका छन् । रोशन तामाङको कप्तानीमा रहेको टोलीमा दीपेश जङ्ग थापा, उमेश बहादुर महतो, अनिल […]
May 16, 2024
काठमाडौं (हाम्रो खेलकुद) – नवौं एसियाली पारा तेक्वान्दो च्याम्पियनसिप (जी– ४) २०२४ मा सहभागी हुन ३ खेलाडीसहित ४ सदस्यीय नेपाली टोली शुक्रबार भियतनामको दनाङ जाने भएको छ । प्रतियोगितामा पेरिस पारालिम्पिकका लागि छनोट भइसकेकी पलेशा गोवर्धनले महिला ५७ केजीमुनि, भरतसिंह महताले पुरुष ५८ केजीमुनि र अमिर भ्लोनले पुरुष ६३ केजीमुनि तौलसमूहमा प्रतिस्पर्धा गर्ने छन् । […]
May 16, 2024
सुमन अधिकारी,बुटवल त्रिभुवन आर्मी क्लबका राजन रोक्काले दोस्रो राष्ट्रिय हाफ म्याराथनको उपाधि जितेका छन् । राजनलेले निर्धारित २१ किलोमिटर दुरी १ घण्टा ९ मिनेट २४ सेकेन्डमा पूरा गर्दै उपाधि जितेका हुन् । नेकपा एमालेका तत्कालिन महासचिव मदन भण्डारीको ३१ औं स्मृति दिवसको अवसरमा मदन भण्डारी स्पोर्ट्स एकेडेमीले बिहीबार बुटवलमा आयोजना गरेको दोस्रो राष्ट्रिय हाफ म्याराथनको […]