8 years ago
April 22, 2018
पोखरा (हाम्रो खेलकुद) – युवा तथा खेलकुद मन्त्री जगत विश्वकर्माले १८ औ एशियाली खेलकुदमा नेपालले प्याराग्लाइडिङमा पदक जित्ने सम्भावना रहेको बताएका छन् । इण्डोनेशियाको जर्कातामा भदौ २ देखि १६ गते सम्म आयोजना हुने एसियाली खेलकुदका लागि छनोट भएका खेलाडीलाई शुमकामना दिने क्रममा मन्त्रीले विश्वास व्यक्त गरेका हुन् ।
एसियाली खेलकुदमा पहिलो पटक समावेश प्याराग्लाइडिङमा नेपालले पनि भाग लिने तयारी गरिरहेको छ । यो अवसरलाई राष्ट्रको गरिमा बढाउने गरि खेलाडीलाई प्रर्दशन गर्न आग्रह गर्दै मनत्री विश्वकर्माले भने–‘नेपालले प्याराग्लाइडिङ खेल बाट पदक प्राप्त गर्नेमा शत प्रतिशत ढुक्क छौं ।’
नेपालको खेलकुद क्षेत्र समस्या ग्रस्त रहेको बताउँदै मन्त्री विश्वकर्माले खेलमा अनुशासन र विधिको खाँचो भए पनि यस्तो मर्यादित क्षेत्रमा अराजकता, स्वेच्छारी र विवाद बढनु दुःखद भएको बताए ।
उनले १८ औ एसियाली खेलमा जाने अफिसियलहरु लाई कडाईका साथ नियन्त्रण गर्ने बताउँदै भने–‘कुनै पनि अन्तर्राष्ट्रिय खेलमा पदक प्राप्त गरि देशको शान बढाउन जानु पर्नेमा देशको इज्जत प्रतिष्ठालाई समेत बन्धक बनाउँदै खेलकुदलाई घुम्न र मनोरंजन गर्ने विगतको परिपाटीलाई पूर्ण रुपमा निरुत्साहित गर्छौ ।’
१३ औं दक्षिण एसियाली खेलकुद (साग)को पूर्व तयारी स्वरुप १८ औ एसियाली खेलकुदमा २८ खेलमा नेपालको सहभागिता रहने जनाउँदै मन्त्री विश्वकर्माले राष्ट्रले पदक प्राप्त गर्ने सम्भावना रहेका खेलमा लगानी गर्न पछाडी नपर्ने बताए ।
उनले भने –‘मितव्ययी हुने कुरामा मितव्ययी हुन्छौं तर पदकका प्राप्त गर्ने खेलमा खुलेर लगानी गर्छौ र सोही अनुसार खेलाडी छनौट पनि गर्छौ ।’मन्त्री विश्वकर्माले १८ औं एसियन गेम्स लोगो अंकित टिसर्ट खेलाडीलाई प्रदान गरेका थिए ।
कार्यक्रममा मन्त्री विश्वकर्मालाई नेपाल प्याराग्लाइडिङ तथा ह्याङग्लाइडिङ संघका महासचिब शैलेन्द्र रावत, नेपाल हवाई खेलकुद संस्थाका सचिब कृष्ण भण्डारी, संघका सचिव इन्द्र भण्डारी र कोषाध्यक्ष मधुकर सुवेदीले स्वागत गरेका थिए ।
एसियाडमा प्याराग्लाडिङको ३ पदकका लागि नेपालका १० खेलाडी प्रतिनिधित्व गर्नेछन् । यो खेलमा ३० भन्दा बढी राष्ट्रको सहभागिता रहने बताइएको छ ।
December 11, 2025
काठमाडौं (हाम्रो खेलकुद) – दोलखा चेस होम्सले आठौं तुल्सीलाल स्मृति राष्ट्रिय क्लब टिम चेस च्याम्पियनसिपको उपाधि जितेको छ। ललितपुर स्पोर्ट्स क्लबको आयोजनामा ललितपुर क्यास्पियन कलेजमा ५ दिन चलेको ७;चरणको राष्ट्रिय चेस टिम प्रतियोगितामा दोलखाले ६ खेलमा जित र १ मा हार बेहोरेको थियो। दोलखा १२ अंक प्रोग्रेसिभ २० प्वाइन्ट जोडेर च्याम्पियन बनेको हो। दोलखा जिल्ला […]
December 9, 2025
हिमाल खरेल, बिर्तामोड भोजपुरको रामप्रसाद राई गाउँपालिकामा चौथो संस्करणको ‘बासिखोरा रन २०८२’ को तयारी सुरु गरिएको छ । प्रतियोगिता यही पुस १९ गते हुनेछ । आयोजक तीन सहिद खेलकुद विकास संस्थाका अनुसार प्रतियोगिता ४ विधामा हुनेछ । बासिखोरामा हुने प्रतियोगितामा पुरुष तथा महिला खुला, पुरुष तथा महिला अन्डर १८, पुरुष तथा महिला अन्डर १३ र […]
December 9, 2025
काठमाडौं (हाम्रो खेलकुद )- विश्व शान्तिका अग्रदुत गौतम बुद्धको जन्मजयन्तीको अवसरमा थाइल्याण्डमा लुम्बिनी नेपाल मिनी म्याराथन हुने भएको छ । गौतम बुद्धको जन्मथलो लुम्बिनीको प्रचारप्रसार गर्ने हेतुले बैशाखको तेस्रो साता १० किमी र ५ किमी रेस आयोजना गर्न लागिएको हो । थाइल्याण्डस्थित नेपाली राजदुतावासको अगुवाईमा थाइल्याण्डमा कार्यरत विभिन्न संघसंस्था र सरोकारवालाबीच बृहत छलफलपश्चात हरेक बर्ष […]
