8 years ago
April 29, 2018
काठमाडौं (हाम्रो खेलकुद) – दुई वर्षपछि जापानमा टोकियो ओलिम्पक हुदैछ । ओलम्पिक आउन २ वर्ष भन्दा बढी समय बाँकी रहँदा १२ औं दक्षिण एसियाली खेलकुद (साग) की स्वर्णधारी तथा ओलम्पियन जुडो खेलाडी फूपूल्हामू खत्रीले ओलम्पिक अघिसम्म जापान मै प्रशिक्षण मौका पाएकी छिन् ।
ओलम्पिक सोलिडारिटी कोर्ष अन्र्तगत फुपूले उक्त प्रशिक्षणको मौका पाएकी हुन् । नेपाल जुडो संघको पहल, नेपाल ओलम्पिक कमिटी (एनओसी) को सहयोग र अल जापान जुडो फेडेरेसनको समन्वयमा राजधानी टोकियो नजिकै रहेको ताकाओका विश्वविद्यालयमा उनले २ वर्ष ३ महिना (टोकियो ओलम्पिकसम्म) सम्म उनले अध्ययनका साथै जुडो प्रशिक्षण गर्ने जुडो संघका अध्यक्ष दीपकहर्ष ब्रजाचार्यले जानकारी गराए ।
उनको त्यहाँको सबै खर्च अल जापान जुडो फेडेरेसनले नै बेहार्नेछ । २ वर्ष ३ महिना जापानमा रहँदा फुपूले कानून अध्ययनको साथै सोही युनिभर्सिटीमै जुडो प्रशिक्षण गर्नेछिन् । यस्तै जुडो संघका अध्यक्ष बज्राचार्यले जुडोकी अर्का खेलाडी मनिता श्रेष्ठ प्रधानलाई आसन्न एसियाडपछि जापान मै प्रशिक्षणको लागि पठाइने बताए ।
नेपालमै रोमानियाका प्रशिक्षक रहेका कारण र भर्खरै माध्यमिक शिक्षा (एसईई) परीक्षा दिएर बसेका कारण नतिजा आउनुभन्दा अघि नै पठाउन केही समस्या भएका कारण सँगै पठाउन नसकिएको बताए । फुपू सोमबार त्यसतर्फ प्रस्थान गर्नेछिन् । उनलाई सांसद् तथा एनओसीका अध्यक्ष जीवनराम श्रेष्ठ, संघका अध्यक्षले बिदाई गरे ।
विदाईपछि एनओसीका अध्यक्ष जीवनराम श्रेष्ठले रियो ओलम्पिकबाट फर्किसकेपछि नै ओलम्पिकमा नेपाल अब सहभागिता मात्रै नै परिणाममुखी बनाउने तयारीमा रहेको बताए । ‘हामीले यसअघि नै भनिसकेका थियौ ।
ओलम्पिकमा अब नेपालको सहभागिता मात्रै रहँदैन । परिणाममुखी हुनेछ ’ अध्यक्ष श्रेष्ठले भने, ‘पहिले जस्तो अब २/३ महिनाको प्रशिक्षण हुदैन । खेलाडीहरुले अब नियमित प्रशिक्षण गर्ने मौका पाउनेछ । पछिल्लो केही समय केही बाधा अड्चन आएपनि हामीले काम गरिहेका थियौ ।’
फुपूले जापानको तयारीले इण्डोनेशियामा हुने एसियाली खेलकुदमा राम्रो प्रदर्शन तथा साग गेम्समा स्वर्ण रक्षाका लागि फाइदाजनक हुने बताइन् । यसबीचमा फुपु एसियाड र नेपालमा हुने १३ औं सागका लागि नेपाल आउने छिन् ।
१३ औं साग २०१९ को मार्चका नेपालमा आयोजना हुने तय भएको छ । फुपुले रियो ओलम्पिक अघि पनि ओलम्पिक सोलिडारिटी कोर्ष अन्र्तगत नै पाँच महिनासम्म हंगेरीमा विशेष प्रशिक्षणको मौका पाएकी थिईन् । सोही प्रशिक्षणले फुपु रियो ओलम्पिकमा पुरा समय खेल्न सफल थिईन् भने १२ औं सागमा स्वर्ण जित्न सफल भएकी थिईन् ।
December 11, 2025
काठमाडौं (हाम्रो खेलकुद) – दोलखा चेस होम्सले आठौं तुल्सीलाल स्मृति राष्ट्रिय क्लब टिम चेस च्याम्पियनसिपको उपाधि जितेको छ। ललितपुर स्पोर्ट्स क्लबको आयोजनामा ललितपुर क्यास्पियन कलेजमा ५ दिन चलेको ७;चरणको राष्ट्रिय चेस टिम प्रतियोगितामा दोलखाले ६ खेलमा जित र १ मा हार बेहोरेको थियो। दोलखा १२ अंक प्रोग्रेसिभ २० प्वाइन्ट जोडेर च्याम्पियन बनेको हो। दोलखा जिल्ला […]
December 9, 2025
हिमाल खरेल, बिर्तामोड भोजपुरको रामप्रसाद राई गाउँपालिकामा चौथो संस्करणको ‘बासिखोरा रन २०८२’ को तयारी सुरु गरिएको छ । प्रतियोगिता यही पुस १९ गते हुनेछ । आयोजक तीन सहिद खेलकुद विकास संस्थाका अनुसार प्रतियोगिता ४ विधामा हुनेछ । बासिखोरामा हुने प्रतियोगितामा पुरुष तथा महिला खुला, पुरुष तथा महिला अन्डर १८, पुरुष तथा महिला अन्डर १३ र […]
December 9, 2025
काठमाडौं (हाम्रो खेलकुद )- विश्व शान्तिका अग्रदुत गौतम बुद्धको जन्मजयन्तीको अवसरमा थाइल्याण्डमा लुम्बिनी नेपाल मिनी म्याराथन हुने भएको छ । गौतम बुद्धको जन्मथलो लुम्बिनीको प्रचारप्रसार गर्ने हेतुले बैशाखको तेस्रो साता १० किमी र ५ किमी रेस आयोजना गर्न लागिएको हो । थाइल्याण्डस्थित नेपाली राजदुतावासको अगुवाईमा थाइल्याण्डमा कार्यरत विभिन्न संघसंस्था र सरोकारवालाबीच बृहत छलफलपश्चात हरेक बर्ष […]
