8 years ago
May 18, 2018
काठमाडौं (हाम्रो खेलकुद) – नेपालको राष्ट्रिय खेल भलिबल भएको एक वर्ष पुगेको अवसरमा भलिबल दिवस मनाउन नैकापस्थित न्यु डायमण्ड एकेडेमीमा प्रथम चन्द्रागिरी उप मेयर कप विद्यालय स्तरीय खुल्ला छात्रा भलिबल प्रतियोगिता हुने भएको छ ।
मदन भण्डारी स्पोर्टस् एकेडेमी चन्द्रागिरी नगर कमिटिको आयोजनामा प्रथम चन्द्रागिरी उपमेयर कप विद्यालय स्तरीय खुल्ला छात्रा भलिबल प्रतियोगिता जेठ ५ देखि ८ गतेसम्म हुन लागेको प्रतियोगिताको प्राविधिक संयोजक कुमार राईले जानकारी गराए । भलिबललाई गत वर्ष जेठ ८ गते नेपालको राष्ट्रिय खेल घोषणा गरिएको थियो ।
‘पछिल्लो समय विद्यालय स्तरका भलिबल प्रतियोगिता भैरहेको छैन । यो प्रतियोगिताको मुख्य उद्देश्य विद्यालय तहमा लुकेर रहेको प्रतिभाको खोजी गर्ने हो ’ संयोजक राईले भने, ‘नेपालका रमिला तण्डुकार, प्रतिभा माली विद्यालय स्तरबाटै आएका खेलाडीहरु हुन् । विद्यालय स्तरमा खेलाडी चिन्न सके सिनियर टिमलाई पनि सहज हुने ठानेका छौं । यो प्रतियोगिता नयाँ खेलाडी उत्पादनको लागि एउटा पुल हुने हामीले विश्वास लिएका छौं ।
प्रतियोगितामा १० वटा विद्यालयले लिग कम नकआउटको आधारमा प्रतिस्पर्धा गर्नेछ । सहभागी टिमलाई ४ समूहमा विभाजन गरिएको छ । हरेक समूहका शीर्ष दुई टोली क्वार्टरफाइनलमा प्रवेश गर्नेछ । लिग र क्वार्टर फाइनलका खेलहरु वेष्ट अफ थ्री को तथा सेमिफाइनल र फाइनल वेष्ट अफ फाइभको आधारमा हुने संयोजक राईले जानकारी गराए ।
समापन भलिबललाई राष्ट्रिय खेल घोषणा गरेको दिन जेठ ८ गते हुनेछ । सबै खेल न्यु डायमण्ड एकेडेमीको खेल मैदानमा हुनेछ । प्रतियोगिताको अन्य संस्करण निरन्तर हुने पनि उनले थपे । प्रतियोगिताको विजेताले ४५ हजार नगदसहित शिल्ड, मेडल र प्रमाणपत्र प्राप्त गर्नेछन् ।
यस्तै दोस्रो र तेस्रो हुनेले क्रमश २५ हजार, १५ हजारनगदसहित शिल्ड, मेडल र प्रमाणपत्र प्राप्त गर्नेछन् । चौथो हुनेले १०हजार रुपैया प्राप्त गर्नेछन् । सर्वोत्कृष्ट खेलाडी र व्यक्तिगत विधातर्फ ९स्पाइकर, ब्लकर, सर्भर, डिफेन्डर, सेटर० लाई नगदसहित ट्रफीको व्यवस्था गरिएको छ । यस प्रतियोगिताको अनुमानित लागत २ लाख ५० हजार रहेको छ ।
प्रतियोगिताको अवसरमा नै ‘भलिबल दिवस सेलिब्रेसन’ गर्ने क्रममा विभागीय टोली सशस्त्र प्रहरी बलको नेपाल एपिएफ क्लब र शिवम् न्यु डायमण्ड एकेडेमीबीच सेलिब्रेसन खेल हुने समेत जानकारी गरादछौं । जसको विजेताले १० हजार रुपैया र उवविजेताले ७ हजार रुपैया प्राप्त गर्नेछन् ।
December 11, 2025
काठमाडौं (हाम्रो खेलकुद) – दोलखा चेस होम्सले आठौं तुल्सीलाल स्मृति राष्ट्रिय क्लब टिम चेस च्याम्पियनसिपको उपाधि जितेको छ। ललितपुर स्पोर्ट्स क्लबको आयोजनामा ललितपुर क्यास्पियन कलेजमा ५ दिन चलेको ७;चरणको राष्ट्रिय चेस टिम प्रतियोगितामा दोलखाले ६ खेलमा जित र १ मा हार बेहोरेको थियो। दोलखा १२ अंक प्रोग्रेसिभ २० प्वाइन्ट जोडेर च्याम्पियन बनेको हो। दोलखा जिल्ला […]
December 9, 2025
हिमाल खरेल, बिर्तामोड भोजपुरको रामप्रसाद राई गाउँपालिकामा चौथो संस्करणको ‘बासिखोरा रन २०८२’ को तयारी सुरु गरिएको छ । प्रतियोगिता यही पुस १९ गते हुनेछ । आयोजक तीन सहिद खेलकुद विकास संस्थाका अनुसार प्रतियोगिता ४ विधामा हुनेछ । बासिखोरामा हुने प्रतियोगितामा पुरुष तथा महिला खुला, पुरुष तथा महिला अन्डर १८, पुरुष तथा महिला अन्डर १३ र […]
December 9, 2025
काठमाडौं (हाम्रो खेलकुद )- विश्व शान्तिका अग्रदुत गौतम बुद्धको जन्मजयन्तीको अवसरमा थाइल्याण्डमा लुम्बिनी नेपाल मिनी म्याराथन हुने भएको छ । गौतम बुद्धको जन्मथलो लुम्बिनीको प्रचारप्रसार गर्ने हेतुले बैशाखको तेस्रो साता १० किमी र ५ किमी रेस आयोजना गर्न लागिएको हो । थाइल्याण्डस्थित नेपाली राजदुतावासको अगुवाईमा थाइल्याण्डमा कार्यरत विभिन्न संघसंस्था र सरोकारवालाबीच बृहत छलफलपश्चात हरेक बर्ष […]
