6 years ago
May 29, 2018
‘खेलकुद बजेट उत्साहजनक’ -मन्त्री विश्वकर्मा काठमाडौं (हाम्रो खेलकुद)– सरकारले युवा तथा खेलकुद मन्त्रालयलाई चालु आर्थिक बर्षको तुलानामा आगामी आर्थिक वर्षका लागि झन्डै दोब्बर बढी रकम विनियोजना गरेको छ । अर्थमन्त्री युवराज खतिवडाले मंगलबार आर्थिक वर्ष २०७५ ७६ का लागि बजेट प्रस्तुत गर्दा युवा तथा खेलकुद मन्त्रालयका लागि ४ अर्ब १८ करोड ९५ लाख रुपैयाँ विनियोजन […]
‘खेलकुद बजेट उत्साहजनक’ -मन्त्री विश्वकर्मा
काठमाडौं (हाम्रो खेलकुद)– सरकारले युवा तथा खेलकुद मन्त्रालयलाई चालु आर्थिक बर्षको तुलानामा आगामी आर्थिक वर्षका लागि झन्डै दोब्बर बढी रकम विनियोजना गरेको छ ।
अर्थमन्त्री युवराज खतिवडाले मंगलबार आर्थिक वर्ष २०७५ ७६ का लागि बजेट प्रस्तुत गर्दा युवा तथा खेलकुद मन्त्रालयका लागि ४ अर्ब १८ करोड ९५ लाख रुपैयाँ विनियोजन गरेका हुन् ।
गत वर्षको तुलानामा झन्डै दोब्बर बृद्धि हो । आर्थिक वर्ष २०७४र०७५ मा युवा तथा खेलकुद मन्त्रालयका लागि २ अर्ब २४ करोड रुपैयाँ विनियोजन भएको थियो । मन्त्रालयको ठूलो बजेट राष्ट्रिय खेलकुद परिषद् (राखेप) मार्फत खेलकुदका लागि खर्च गर्दै आएको छ । यसपटकको बजेटलाई युवा तथा खेलकुद मन्त्री जगत विश्वकर्माले निकै सकारात्मक र उत्साहजनकको भएको बताएका छन् ।
‘समग्रतामा हेर्ने हो भने अघिल्लो वर्षको तुलनामा दोब्बरले बृद्धि भएको छ । यसले पक्कै खेलकुद क्षेत्रलाई उत्साहित बनाउने खालको छ,’ मन्त्री विश्वकर्माले हाम्रो खेलकुदलाई भने, ‘खेलकुदको चुनौति र आवश्यकताका हिसाबले अझै कम हो । तर विगतको हिसाबमा तुलाना गर्ने हो भने आशा लाग्दो बजेट हो ।’ मन्त्री विश्व कर्माका अनुसार राखेपअन्तर्गत खेलकुदका लागि मात्र ३ अर्ब ३५ करोड रुपैयाँ विनियोजन भएको छ । गत वर्ष १ अर्ब ६१ करोड छुट्टाइएको थियो, उनले थपे, त्यसको तुलनामा हेर्ने हो भने यो दोब्बर भन्दा बढी हो ।
भदौंमा इन्डोनेसियामा आयोजना हुने १८ औं एसियाली खेलकुदको सहभागिता तथा १३ औं दक्षिण एसियाली खेलकुद (साग) र आठौं राष्ट्रिय खेलकुद आयोजनाका लागि पनि बजेटमा समावेश गरिएको मन्त्री विश्वकर्माले जानकारी दिए । ‘एसियाडको सहभागिता , साग, राष्ट्रिय खेलकुद आयोजनाका लागि आवश्यक भौतिक पूर्वाधार निर्माणका लागि भने यो बजेट आवश्यक थियो,’ उनले भने, ‘त्यति मात्र होइन खेलाडीका लागि पनि यो बजेट उत्साहजनक छ ।’
मन्त्री विश्वकर्माका अनुसार अब देखि सबै ओलम्पियनले मासिक ३ हजार रुपैयाँ भत्ता प्राप्त गर्नेछन् । यसअघि सागका स्वर्ण पदक विजेताले मासिक भत्ता पाउँदै आएका थिए । ‘अब ओलम्पियनले पनि पाउने बाटो खुलेको छ,’ उनले भने, ‘आउने दिनमा यसको आकार अझै बढ्दै जानेछ । अर्को तीन खेलाडीको दुर्घटना र जीवन विमाका विषयमा समेटिएको छ ।’ सरकारले सबै प्रदेशमा सुविधा सम्पन्न रंगशाला बनाउने बजेटमा उल्लेख गरेको छ ।
April 25, 2024
काठमाडौं (हाम्रो खेलकुद)- भुवन नगरकोटी समग्रमा ७-अन्डर १ सय ९७ सहित ६ स्ट्रोकको अग्रता सहित सूर्य नेपाल काठमाडौं ओपनको तेस्रो दिन शीर्षस्थानमा रहेका छन्। आज भुवनले ५-अन्डर ६३ को उत्कृष्ट प्रदर्शन गर्दा दिनेश प्रजापतिलाई ६ स्ट्रोकले पछि पार्दै एकल अग्रता सहित उपाधि जित्ने संभावनालाई बलियो बनाएका छन्। भुवनले उत्कृष्ट दिनको सुरूवात सानदार गरे। पहिलो, दोस्रो, […]
April 25, 2024
काठमाडौं (हाम्रो खेलकुद) – साविक उपविजेता विभागीय नेपाल एपिएफ क्लबले सातौं केएनपी नेरोलेक राष्ट्रिय महिला भलिबल प्रतियोगितामा अर्काे विभागीय टोली त्रिभुवन आर्मी क्लबमाथि रोमाञ्चक जित निकाल्दै फाइनल पुग्ने सम्भावना बलियो बनाएको छ । एपिएफले आर्मीलाई ३–२ को सेटमा पराजित गर्दै फाइनल पुग्ने सम्भावना बलियो बनाएको हो । सुरुवाती दुई सेट जितेको एपिएफले त्यसपछि लगातार दुई […]
April 25, 2024
काठमाडौं (हाम्रो खेलकुद) – सातौं केएनपी नेरोलेक महिला भलिबल प्रतियोगिताको दोस्रो दिन बुधबार पनि दुई खेल हुँदैछन् ।त्रिपुरेश्वरस्थित राष्ट्रिय खेलकुद परिषद्को कभर्ड हलमा दिउँसो १ः०० बजे सुरु हुने खेलमा दुई विभागिय टोली साविक उपविजेता नेपाल एपिएफ क्लब र त्रिभुवन आर्मी क्लबबीच हुनेछ । एपिएफल लगातार दोस्रो खेल जित्ने योजनामा हुनेछ भने आर्मी फाइनल प्रवेशको सम्भावनालाई […]