काठमाडौं (हाम्रो खेलकुद) – भक्तपुरको सैनिक आवासिय महाविद्यालयले विश्वकप फुटबल लक्षित दोस्रो एन. के. सिंह अन्तर विद्यालयस्तरीय हाजिर जवाफ प्रतियोगिता जितेको छ । एन.के.सिंह मेमोरियल इङ्लिस प्रिपरेटरी माध्यमिक विद्ययालयको आयोजना तथा अखिल नेपाल फुटबल संघ (एन्फा)को सहकार्यमा सोमबार सम्पन्न प्रतियोगितामा निर्भाना एकेडेमी दोस्रो, जेम्स स्कुल तेस्रो, युनाइटेड स्कुल चौथो र भानुभक्त मेमोरियल मावि पाँचौं भएको थियो ।

प्रतियोगितामा विश्वकप इतिहास, छनोट प्रक्रिया, सामान्य ज्ञान, हालसम्म बढी गोल गर्ने खेलाडी, औसत गोल गरेका खेलाडी, विश्वकपमा भएको गोल संख्या, रातो/पहेँलो कार्ड, रेफ्री र प्रशिक्षक, प्रतियोगिताको रणनीति, खेलाडीको उपनाम र विश्वकप फुटबल २०१८ र खेलाडीसँग सम्बन्धित श्रव्य/दृश्य, मिड ले लगायत विषयसँग केन्द्रित भएर प्रश्नहरू सोधिएको थियो ।

असार २६ गतेदेखि सुरु भएको प्रतियोगितामा सहभागी २० विद्यालयलाई समूहमा विभाजन गरी अन्तिम चरणका लागि ५ विद्ययालय छनोट गरिएको थियो । सन् २०१४ देखि सुरु भएको उक्त प्रतियोगिता हरेक चार वर्षमा गरिने व्यहोरा कार्यव्रmममा जानकारी गराइयो । विश्वकप खेल र सोसँग सम्बन्धित विषयमा जानकारी गराउने र विद्यार्थी र विद्यालयका बिचमा आपसी सहकार्य र भाइचाराको सम्बन्ध अभिवृद्धि गराउने उद्देश्यले कार्यव्रmम आयोजना गरिएको कुरा प्रिन्सिपल प्रमिला सिंहले जानकारी दिइन् ।

एन्फाका उपाध्यक्ष उपेन्द्रमान सिंहले प्रतियोगिताका विजेता, उपविजेता विद्यालयका खेलाडीलाई पुरस्कृत गरे । कार्यव्रmममा विद्यालय व्यवस्थापन समितिका अध्यक्ष तथा सिम्रिक एयरका सिनियर चिफ पाइलट अनिल श्रेष्ठ, विद्यालयका संस्थापक प्रमिला सिंह, डाइरेक्टर आवश्यक सिंह श्रेष्ठ र ब्राइटफ्युचर एकेडेमीका संस्थापक तथा शिक्षासेवी मोहन कार्की, योङदेन युनिभर्सिटिका प्रोफेसर खोमदेन डियकालगायतको उपस्थिति रहेको आयोजक विद्यालयका मिडिया संयोजक लक्ष्मण प्रधानले जानकारी दिए ।