6 years ago
August 30, 2018
जाकार्ता (एजेन्सी)-जाकार्ता इन्डोनेसियामा जारी एसियन गेम्स अन्तर्गत महिला १५ सय मिटर दौडमा नेपालकी सरस्वती भट्टराई आफ्नो प्रदर्शन सुधार्नबाट १ सेकेन्डले चुकेकी छन् । जिबिके मेन स्टेडियममा भएको स्पर्धामा उनले निर्धारित दुरी ४ मिनेट ३४.२६ सेकेन्डमा पूरा गरिन् । जुन उनैले रियो ओलम्पिकमा राखेको समयभन्दा १ सेकेन्ड कम हो । रियो ओलम्पिकमा सरस्वतीले ४ मिनेट ३३.९४ सेकेन्डको समय निकालेकी थिइन् ।
२० खेलाडीले प्रतिस्पर्धा गरेको यो स्पर्धामा उनी १४औं स्थानमा रहिन् । भारतकी मोनिका चौधरीले दौड शुरुवात गरिनन् । बहराइनका बेफकाडु कल्कीडानले ४ मिनेट ७.७८ सेकेन्डा दुरी पूरा गर्दै स्वर्ण जितिन् । बहराइनकै विले टिगिस्टले ४ मिनेट ९.१२ सेकेन्डमा पूरा गर्दै रजत तथा भारतकी चित्रा पालाकिज उन्नीकृसनानले ४ मिनेट १२.५६ सेकेन्डमा पूरा गर्दै कास्य जितिन् ।
यससँगै एथलेटिक्समा नेपालको चुनौती समाप्त भएको छ । बिहिबार नेपालकी धाविका सरस्वती भट्टराईको प्रतिस्पर्धासंगै नेपालको चुनौती सकिएको हो । यसअघि सरस्वतीले ८ सय मिटर दौडमा आफ्नो प्रदर्शनमा सुधार गरेकी हुन् । हिट चरण पुरा गर्न नसकेपनि सरस्वतीले आफ्नो व्यक्तिगत प्रदर्शनमा सुधार गर्दै निर्धारित दुरी २ मिनेट १२.८५ सेकेन्डमा पुरा गरेकी थिइन् ।
सोमबहादुर कुमालले ८०० मिटर दौडमा २३ वर्ष पुरानो कीर्तिमान तोडेको थियो । उनले ४०० मिटर दौडमा भने दौडन पाएनन् । १०० मिटर दौडमा यामसाजन सुनारले प्रतिस्पर्धा गरेका थिए । २०० मिटरमा चोटका कारण यामले खेल त्योगेका थिए । म्याराथनमा कृष्ण बस्नेत र गोपीचन्द्र पार्कीले प्रतिस्पर्धा गरेपनि दौड पूरा गर्न सकेको थिएन । एथलेटिक्समा नेपालका चार पुरुष र दुई महिला खेलाडीले प्रतिस्पर्धा गरेका थिए ।
टेबलटेनिसः नविताको मिश्रित प्रदर्शन
जेआईई एक्सपो हल बीमा भइरहेको टेबलटेनिसको महिला सिंगल्समा नेपालकी नविता श्रेष्ठले मिश्रित प्रदर्शन गरेकी छन् । पहिलो चरणमा नविताले मकाउकी फेइ सुट तमलाई ११–८, ८–११, ३–११, ११–८, ७–११, ११–६ र ११–७ को सेटमा पराजित गरिन् । अर्कोमा नविताले हङकङकी केम होइ डुलाई ११–५, ११–१, ११–६ र ११–७ ले नतिजा सुम्पिइन् ।
महिला सिंगल्समै मंगोलियाकी दोलीजिन्जु बत्बयरले नेपालकी स्वेच्छा नेम्वाङलाई ११–९, १३–११, ११–६ र ११–६ को सोझो सेटमा हराइन् । पुरुष सिंगल्समा मंगोलियाका इर्डेनबयर चिन्बाटले नेपालका अमरलाल मल्ललाई ११–८, ९–११, ६–११, ११–८, ८–११, ११–२ र ११–५ तथा मकाउका छेन चि छियोङले नेपालका श्यान्टु श्रेष्ठलाई १२–१०, ११–८, ११–९, ७–११, ५–११ र ११–८ को सेटमा पन्छाए । बिहीबारको खेलसंगै टेबलटेनिसमा नेपालको चुनौती समाप्त भएको छ ।
सेपाकताक्रो : पाकिस्तानमाथि जित
पाकिस्तान पराजित सेपाकताक्रोको पुरुष क्वाड स्पर्धामा नेपालले पाकिस्तानलाई २–० को सोझो सेटमा पराजित गरेको छ । नेपाल २१–१६ र २१–८ ले विजयी भयो । इरानसंग भने नेपाल २–० ले पछि प¥यो । नेपालबाट गोविन्द मगर, रविन भट्टराई, रुपेश सुनार र सन्जित धिमालले प्रतिस्पर्धा गरेका थिए ।
May 6, 2024
हिमाल खरेल, बिर्तामोड प्रदेश खेलकुद विकास बोर्ड कोशीको सदस्य सचिवमा अदालतमार्फत पुनर्वहाली भएका कृष्ण बस्नेत (पर्शुराम) सँग मुख्यमन्त्री कार्यालयले स्पष्टीकरण माग गरेको छ । कोशीका मुख्यमन्त्री तथा सामाजिक विकासमन्त्री केदार कार्कीले बैशाख २३ गते बस्नेतलाई पत्र लेख्दै २४ घण्टाभित्र स्पष्टीकरण पेश गर्न आदेश दिएका छन् । बस्नेतलाई तत्कालीन भीम आचार्यको सरकारले २०७८ असोज २४ गते […]
May 6, 2024
पोखरा (हाम्रो खेलकुद) – सहारा क्लब पोखराले उत्कृष्ट खेलकुद संघ संस्था वा क्लबतर्फको अवार्ड पाउने भएको छ । नेपाल खेलकुद पत्रकार मन्च गण्डकीले आठौं पोखरा स्पोर्टस अवार्ड २०८० मा सहारालाई अवार्ड दिने निर्णय गरेको बताइएको छ । अवार्ड शुक्रबार हुँदैछ । अवार्डको छैटौं सस्करणसम्म यो विधामा खेल संघलाई मात्र प्रदान गरिदै आएकोमा सातौँ संस्करणबाट खेल […]
May 6, 2024
सुर्खेत (हाम्रो खेलकुद) – यसै साता आयोजना हुने प्रथम कर्णाली हाफ म्याराथनलाई केएल दुगड ग्रुपको उत्पादन ज्ञान खाद्यान्नले मुख्य प्रायोजन गर्ने भएको छ । हाफ म्याराथन शनिबार आयोजना हुँदैछ । केएल दुगड ग्रुपको सहकार्यसँगै अब ज्ञान कर्णाली हाफ म्याराथन नामाकरण हुने बताइएको छ । केएल दुगड ग्रुपको उत्पादन धारा तेल लामो समयदेखि नेपालगन्ज म्याराथनमा मुख्य […]