7 years ago
December 3, 2018
काठमाडौं (हाम्रो खेलकुद)– नेपाल ब्याडमिन्टन संघको आयोजनामा मंगलबार सुरु हुने योनेक्स सनराइज नेपाल इन्टरनेसनल सिरिज ब्याटिमन्टनमा नेपालसहित २० देशका खेलाडीले प्रतिस्पर्धा गर्ने भएका छन् ।
हलचोकस्थित सशस्त्र प्रहरी बलको मुख्यालयको कभर्ड हलमा सञ्चालन हुने प्रतियोगितामा १ सय १७ पुरुष र ६१ महिला गरि १ सय ७८ खेलाडीले प्रतिस्पर्धा गर्ने संघले सोमबार पत्रकार सम्मेलनमार्फत जानकारी दिएको छ । नेपालका १६ पुरुष र १३ महिला गरि २९ खेलाडीले प्रतिस्पर्धा गर्ने बताइएको छ ।
१० हजार अमेरिकी डलर (११ लाख रुपैयाँ) पुरस्कार रहेको प्रतियोगितामा नेपालसहित, अमेरिका, जर्मनी, फ्रान्स, अस्ट्रेलिया, थाइल्याण्ड, मलेसिया, भारत, मरिसियस, भुटान, श्रीलंका, बंगलादेश, इरान, मंगोलिया, पाकिस्तान, माल्दिभ्स, भियतनाम, बहराईन, म्यानमार र सिंगापुरका खेलाडीले प्रतिस्पर्धा गर्नेछन् ।
विश्व ब्याडमिन्टन महासंघ (बिडब्लूएफ) को तेस्रो श्रेणीको प्रतियोगिताका रुपमा रहेको सिरिजमा सबै भन्दा धेरै राष्ट्रको सहभागिता रहेको नेपाल ब्याडमिन्टन संघका अध्यक्ष रामजी बहादुर श्रेष्ठले बताए । प्रतियोगितामा ५ इभेन्ट्स समावेश छन् । जसमा मेन्स सिंगल्समा ७७, वुमन्स सिंगलमा ४३, मेन्स डबल्समा ३६ जोडी, वुमन्स डबल्समा १८ जोडी र मिक्स डबल्समा ३२ जोडीले भाग लिनेछन् ।
सबै इभेन्ट्सका अन्तिम १६ स्थान प्राप्त गर्ने खेलाडीले सम्म नगद पुरस्कार जित्नेछन् । मेन्स र वुमेन्स सिंगलका विजेताले समान ७ सय ५० डलर प्राप्त गर्दा अन्य मिक्स डबल्सका विजेताले ७ सय ९० डलर जित्नेछन् ।
झन्डै ४० लाख रुपैयाँ खर्च हुने अनुमान गरिएको प्रतियोगिताका लागि एसियाली ब्याडमिन्टन महासंघले ८ हजार र प्रायोजक योनेक्सले ६ हजार अमेरिकी डलर उपलब्ध गराउने संघका अध्यक्ष श्रेष्ठले जानकारी दिए । त्यस्तै राष्ट्रिय खेलकुद परिषद्ले १० लाख रुपैयाँ दिने र नपुग रकमका लागि प्रायोजन खोजिने अध्यक्ष श्रेष्ठले बताए ।
December 5, 2025
हिमाल खरेल,बिर्तामोड नेपाल पुलिस क्लब झापाको अर्जुनधारामा जारी अर्जुनधारा खुला महिला भलिबल प्रतियोगितामा सेमिफाइनलमा प्रवेश गरेको छ । आज भएको समूह चरणको आफ्नो अन्तिम खेलमा कोशी प्रदेश भलिबल संघलाई ३-० को सोझो सेटमा पराजित गर्दै पुलिस अन्तिम चारमा पुगेको हो । पुलिस समूह विजेता भएको छ । पुलिस १६–२५, १७–२५ र ११–२५ को सोझो सेटमा […]
December 5, 2025
हिमाल खरेल, बिर्तामोड त्रिभुवन आर्मी क्लब झापाको अर्जुनधारामा जारी अर्जुनधारा खुला महिला भलिबल प्रतियोगितामा सेमिफाइनलमा प्रवेश गरेको छ । आज भएको समूह चरणको आफ्नो अन्तिम खेलमा एभरेस्ट लुम्बिनी क्लबलाई ३-० को सोझो सेटमा पराजित गर्दै आर्मी अन्तिम चारमा पुगेको हो । आर्मी समूह उपविजेता भएको छ । आर्मीले २१–२५, १८–२५ र १०–२५ को सोझो सेटमा […]
December 4, 2025
हिमाल खरेल,बिर्तामोड झापाको अर्जुनधारामा जारी अर्जुनधारा खुला महिला भलिबल प्रतियोगितामा नेपाल पुलिस क्लब विजयी भएको छ । आजको दोस्रो खेलमा पुलिसले न्यु डायमन्ड क्लबलाई न्यु डायमन्ड क्लबलाई ३–० को सोझो सेटमा पराजित गरेको हो । पुलिसले २५-१९,२५-१४,२५-१७ को सोझो सेटमा विजयी भएको हो । पुलिसकी रिमा कुँवर प्लेयर अफ दि म्याच घोषित भइन् । उनलाई […]
