काठमाडौं (हाम्रो खेलकुद) – राष्ट्रिय खेलकुद परिषद् (राखेप) को कमजोरीका कारण नेपाल तेक्वान्दो संघ अस्थिरताको शिकार भइरहेको छ । सफल इतिहास बोकेको संघलाई कमजोर बनाउन आफ्नै ऐन विपरित राखेपले केहि वर्षअघि राष्ट्रिय तेक्वान्दो युनियनलाई संघको मान्यता दिएको थियो ।
एउटा खेलको एकमात्र संघ राखेपमा दर्ता गर्न सकिने ऐनमा उल्लेख छ । पछिल्लो समय राखेपले दुई संघलाई मिल्नका लागि भन्दै राखेपले दबाब दिएको छ । यद्दपी दुई संघबीचको एकता भने सम्भावना कम देखिएको छ । यसबीचमा एसियाली तेक्वान्दो युनियन (एटीयू) ले नेपाल तेक्वान्दो संघ अन्तर्गत रहेका २२ जनालाई विभिन्न स्थायी कमिटीमा मनोनय गरेको संघले जनाएको छ ।
कमिटीअन्तर्गत एडभाइसरीमा सन्जिव रेग्मी, एजुकेसनमा भोजबहादुर शाह, इथिक्समा हरिश्वर पोखरेल, जुरीडिकलमा नन्दकुमार राई, लिडर्समा दिलबहादुर वोली, मार्केटिङमा भानबहादुर चन्द, कोलेगियटमा भरत महर्जन, एन्टी डोपिङ तथा मेडिकलमा डा. सरोजकृष्ण श्रेष्ठ, पारालिम्पिक्समा कासिममिया धोबी, ग्योरोगीमा नवीनकुमार श्रेष्ठ, एथलिट्समा दीपक विष्ट छन् ।
त्यस्तै फाइनान्समा सुमनकुमार घले, युथमा टीकाप्रसाद लिम्बू, डेभ्लोप्मेन्टमा श्याम डंगोल, क्याडेटमा हेमन्त डाँगी, कोचेसमा श्रीमान थापा मगर, टेक्निकलमा नोर्बु लामा, गेम्समा बद्रीप्रसाद घिमिरे, सस्टेनेबिलिटिमा संगीना वैद्य, मिडियामा हिराबहादुर थापा, पुम्सेमा कविराज खड्गी र वुमन इन तेक्वान्दोमा नन्दा बस्यालले जिम्मेवारी पाएको संघका सचिव एवं प्रवक्ता दीपक विष्टले जनाएका छन् ।
तेक्वान्दो संघका अध्यक्ष प्रकाशशमशेर राणाले एटीयूबाट प्राप्त पत्र सम्बन्धितहरुलाई मंगलबार सातदोबाटोस्थित संघ कार्यालयमा हस्तान्तरण गरे ।
