काठमाडौं (हाम्रो खेलकुद)– विजेश्वरी ज्ञान मन्दिर सैनिक महाविद्यालयको आयोजनामा दोस्रो प्रधान सेनापति छात्रा तेक्वान्दो प्रतियोगिता आइतबार सुरु भएको छ । तीन दिन सम्म चल्ने प्रतियोगितामा विद्यालय र डोजाङ गरि २८ टोलीका २ सय १ खेलाडीले प्रतिस्पर्धा गरिरहेका छन् ।
प्रतियोगितामा जुनियर र सिनियर गरी जम्मा १३ वटा तौल समुहमा फाईटिङ तथा एकल र ग्रुप पुम्सेमा प्रतिस्पर्धा हुने बताइएको छ । प्रतियोगितामा १७ स्वर्ण, १७ रजत र ३४ कास्य पदकका लागि प्रतिस्पर्धा हुनेछ । पदकका आधारमा टिम च्याम्पियन घोषित गरिनेछ ।
सिनियर र जुनियरबाट एक एक खेलाडीलाई उत्कृष्ट खेलाडी घोषित गरिनेछ । नेपाल तेक्वान्दो संघको प्राविधक सहयोग रहेको प्रतियोगिताको उद्घाटन सैनिक श्रीमती संघकी अध्यक्ष दीपा थापाले गरेकी थिइन् ।
