काठमाडौं (हाम्रो खेलकुद) – पाँचौं केएनपी राष्ट्रिय महिला भलिबल प्रतियोगिताले दि रिगल इंकको साथ पाएको छ ।
बुधवार द रिगल इंकका निर्देशक आशुतोष अग्रवाल र प्रतिष्ठानकी उपाध्यक्ष सिता खड्काबीच सम्झौता भएको छ । सम्झौतासंगै दरवारमार्गमा रहेको द रिगल इंकले उपाधि बिजेता टिमका सदस्यलाई ४ लाख ५६ हजार बराबरको १६ जोर सुटपिस उपलब्ध गराउने सम्झौता पत्रमा उल्लेख छ ।
द रिगल इंकका निर्देशक अग्रवालले खेलाडीकोे हौसला बढाउने उद्देश्यले सस्थाबाट सानो प्रयास गरेको बताउदै राष्ट्रिय खेल भलिबलसँग जोडिन पाउदा हाम्रो संस्था गौरान्बित भएको थपे ।
शेरवहादुर खड्का स्मृति प्रतिष्ठानका अध्यक्ष रन्जन खड्काले प्रतियोगिता बैशाख १४ देखि १७ सम्म सञ्चालन हुनेछ ।
प्रतिस्ठानका अध्यक्ष खड्काले आठौं राष्ट्रिय खेलकुदको मितिसँग मेल खाएकाले पूर्व घोषित मिति परिवर्तन गरिएका हौं । जाउलाखेल भलिबल प्रशिक्षण केन्द्रमा हुने प्रतियोगिता बिजेताले २ लाख, उपबिजेताले १ लाख र तेश्रो हुनेले ५० हजार नगद प्राप्त गर्ने छन् ।
प्रतियोगिताको सर्वोकृष्ट खेलाडी र शेरवहादुर खड्का स्पेशल अवार्ड बिजेताले जनही १५÷१५ हजार प्राप्त गर्नेछन् । विधागततर्फ वेष्ट स्पाईकर, वेष्ट सेटर, बेष्ट ब्लक, बेष्ट डिफेन्स, बेष्ट क्विकर, बेष्ट सर्भर र बेष्ट कोचले जनहि ७ हजार नगद प्राप्त गर्नेछन् । पाँचौ संस्करणमा प्रतियोगिताको प्रत्येक खेलको वमन अफ द म्याचले नगद ५ हजार प्राप्त गर्नेछन् ।
