काठमाडौं (हाम्रो खेलकुद) – शिलापत्र र जनता टेलिभिजन नेपाल आइस आन फुटसल प्रतियोगिताको प्रिक्र्वाटर फाइनलमा पुगेका छन् ।

गोखरापत्र संस्थानबाट वाकओभर पाएपछि शिलापत्र समूह ‘सी’ को विजेताका रुपमा अघि बढेको थियो । सानेपास्थित फिल्ड फुटसलमा त्यसअघि शिलापत्रले जनता टिभीलाई ३–१ र एबीसी टेलिभिजनलाई ५–० ले हराएको थियो ।

अर्को खेलमा एबीसीलाई १–० ले हराएको र गोखरापत्रबाट वाकओभर पाएपछि जनता टिभि समूहको उपविजेताका रुपमा अन्तिम १६ मा पुगेको थियो ।

त्यस्तै समूह ‘डी’ बाट वेलकम एडभरटाईजिङ एण्ड मार्केटिङ र मुक्तिनाथ विकास बैंक अन्तिम १६ मा पुगेका । मुक्तिनाथविकास वैंकलार्ई ७–१ गोलअन्तरले हराएको वेलकमले अर्को खेलमा मेडिसिटी अस्पताललाई १–० पराजित गर्यो ।

अर्को खेलमा वेलकमले अभानीमाथि ६–१ ले हरायो । वेलकम समूह विजेता रुपमा अगाडि बढेको हो । अभानीलाई २–० ले हराएको मुक्तिनाथ बैंकले अर्कोे खेलमा मेडिसिटी अस्पतालसँग गोलरहित बराबरी खेलेको थियो ।

नेपाल विज्ञापन संघ आनको आयोजनामा जारी प्रतियोगितामा बिहीबार समूह ‘ए’ र ‘बी’का खेलहरु हुने छन् । समूह ‘ए’ माहिचहाइकर ट्राभल्स, सगरमाथा टिभी, सफ्ट नेप र सर्वोत्म सिमेन्ट रहेका छन् । समूह ‘बी’मा भोग एड एण्डइभेन्ट, बराहज्वेलर्स, आउटरिच र म्याक्स मिडिया रहेका छन् ।