5 years ago
May 29, 2019
काठमाडौं (हाम्रो खेलकुद)– युवा तथा खेलकुद मन्त्रालयका सचिव कृष्णप्रसाद देवकोटाले आगामी आर्थिक वर्षका लागि विनियोजित खेलकुदको बजेट उत्साहजनक रहेको बताएका छन् । सरकारको तर्फबाट अर्थमन्त्री युवराज खतिवडाले आर्थिक वर्ष २०७६/०७७ को बजेट बुधबार प्रस्तुत गर्ने क्रममा युवा तथा खेलकुद मन्त्रालयका लागि ३ अर्ब ९९ करोड रुपैयाँ विनियोजन गरेको बताएका छन् । १३ औं दक्षिण एसियाली […]
काठमाडौं (हाम्रो खेलकुद)– युवा तथा खेलकुद मन्त्रालयका सचिव कृष्णप्रसाद देवकोटाले आगामी आर्थिक वर्षका लागि विनियोजित खेलकुदको बजेट उत्साहजनक रहेको बताएका छन् ।
सरकारको तर्फबाट अर्थमन्त्री युवराज खतिवडाले आर्थिक वर्ष २०७६/०७७ को बजेट बुधबार प्रस्तुत गर्ने क्रममा युवा तथा खेलकुद मन्त्रालयका लागि ३ अर्ब ९९ करोड रुपैयाँ विनियोजन गरेको बताएका छन् ।
१३ औं दक्षिण एसियाली खेलकुद (साग) र नवौं राष्ट्रिय खेलकुदको पूर्वाधारका लागि समेत मध्ये नजर गर्दै बजेट विनियोजन भएको उल्लेख गर्दै खेलकुद मन्त्रालयका सचिव देवकोटाले भने, ‘सिलिङ भन्दा पनि बढेर बजेट आएको छ । हामीले ३ अर्ब ७५ करोड जतिको बजेट माग गरेका थियौं । त्यो भन्दा बढेर आएको छ । यसलाई हामीले उत्साहजनक र सकारात्मक रुपमा लिएका छौं । सागको सञ्चालनका लागि अलग बजेट आउँछ ।’
सरकारले प्रस्तुत गरेको बजेटमा भने गत वर्षको भन्दा झन्डै १९ करोडले कमी रहेको छ । अघिल्लो वर्ष सरकारले युवा तथा खेलकुद क्षेत्रमा ४ अर्ब १८ करोड ९५ लाख रुपैयाँ बजेट विनियोजन गरेको थियो ।
आर्थिक वर्ष २०७६/०७७ को १५ खर्ब ३२ अर्ब ९६ करोड ७१ लाख बजेटमध्ये युवा तथा खेलकुदको बजेट समग्रमा ०.२६ प्रतिशत हो । विगतमा जस्तै आगामी आर्थिक वर्षका लागि क्रिकेट नै उच्च प्राथमिकतामा परेको छ ।
मुलपानी अन्तर्राष्ट्रिय क्रिकेट मैदानलाई दुई बर्षभित्र सञ्चालनमा ल्याउने लक्ष्यसहित १० करोड रुपैयाँ विनियोजन गरेको छ । निजी क्षेत्रबाट हुने क्रिकेट प्रतियोगितालाई प्रोत्साहन गरिने बजेटमा उल्लेख छ । यस्तै सरकारले पहिलो पटक क्रिकेट एकेडेमी बनाउन पनि बजेट छुट्याएको छ ।
सरकारले काठमाडौंमा अन्तर्राष्ट्रिय खेलकुद परिषद बनाउन बजेट छुट्याएको छ । यस्तै प्रत्येक प्रदेशमा रंगशाला निर्माण, सवै स्थानिय तहमा खेल ग्राम निर्माणका लागि पनि बजेट छुट्याएको छ । यस्तै बजेटमा एक विद्यालय एक खेलकुद शिक्षक नियुक्त गर्न ५ अर्ब रुपैयाँ छुट्याइएको छ ।
स्थानिय तहमा खेलग्राम निर्माण, हरेक विद्यालयमा खेलकुद शिक्षकको प्रावधान सकारात्मक कदम भएको सचिव देवकोटाले बताए । उनले नेपालमा मंसिरमा आयोजना हुने १३ औं सागका लागि आवश्यक रकम दिन सरकार तयार रहेको समेत जानकारी दिए ।
‘बजेटमा भौतिक पूर्वाधार निर्माणका लागि समेटिएको छ,’ उनले भने, ‘साग सञ्चालनका लागि आवश्यक रकम दिन अर्थ मन्त्री राजी हुनुहुन्छ । खेलकुद मन्त्री र अर्थमन्त्रीबीच यो विषयमा सहमति भइसकेको छ । ‘
सचिव देवकोटाले बजेटको पूर्ण विवरणका लागि केहि समय लाग्ने उल्लेख गर्दै भने, ‘ समग्रतामा हेर्ने हो भने बजेट सकारात्मक छ । भौतिक पूर्वाधारका लागि विनोजित रकम पनि उत्साहजनक छ । सागका लागि अलग बजेट आउने भएपछि मलाई लाग्छ यो अहिले सम्मकै राम्रो बजेट हो । ‘
April 26, 2024
काठमाडौं (हाम्रो खेलकुद) – नेपाल एपिएफ क्लब र नेपाल पुलिस क्लब सातौँ केएनपी नेरोलेक राष्ट्रिय महिला भलिबल प्रतियोगिताको उपाधिका लागि भिड्ने भएका छन्। शुक्रबार त्रिपेरेश्वरस्थित राष्ट्रिय खेलकुद कभर्डहलमा भएको दोस्रो खेलमा साविक विजेता चन्द्रागिरी नगरपालिका न्यु डायमण्ड महिला भलिबल क्लबलाई ३–२ को सेटमा पराजित गर्दै एपीएफले फाइनलमा स्थान पक्का गरेको हो। साविक उपविजेता समेत रहेको […]
April 26, 2024
काठमाडौं (हाम्रो खेलकुद) – विभागीय डर्वी भिडन्तमा त्रिभुवन आर्मी क्लबलाई पराजित गर्दै नेपाल पुलिस क्लब सातौं केएनपी नेरोलेक राष्ट्रिय महिला भलिबल प्रतियोगिताको फाइनलमा प्रवेश गरेको छ । राउन्ड रोविन लिगको अन्तिम खेलमा आर्मीलाई ३–१ को सेटमा पराजित गर्दै पुलिसले फाइनलमा स्थान सुरक्षित गरेको हो । पहिलो खेल गुमाएको पुलिसले त्यसपछि दोस्रो खेलमा चन्द्रागिरि नगरपालिका न्यु […]
April 26, 2024
काठमाडौं (हाम्रो खेलकुद )- केएनपी नेरोलेक सातौ राष्ट्रिय महिला भलिबल प्रतियोगिताको तेस्रो दिन शुक्रबार लिग चरणका अन्तिम दुई हुँदैछन्। नेपाल पुलिस क्लब र त्रिभुवन आर्मी क्लबबीच पहिलो खेल दिउँसो १ः०० बजे सुरु हुनेछ। साविक विजेता चन्द्रागिरी नगरपालिका न्यु डायमण्ड महिला टिम र एपिएफबीच ३:०० बजे खेल हुनेछ। पुलिसले बिहीबार न्यु डायमण्डलाई हराएपछि प्रतियोगिता रोचक बनेको […]