6 years ago
October 21, 2019
काठमाडौं (हाम्रो खेलकुद) – गत साता भुटानमा सम्पन्न भुटान एमेच्योर गल्फ च्याम्पियनसिपको उपाधि जितेका नेपालका नम्बर १ एमेच्योर गल्फर शुक्रबहादुर राईलाई नेपाल गल्फ संघले सोमबार सम्मान गरेको छ ।
गल्फ संघका अध्यक्ष टासी घलेले एक कार्यक्रमबीच शुक्रलाई ५० हजार बराबरको सामग्री उपलब्ध गराएको घोषणा गरे । उनले दक्षिण एसियाली खेलकुदका लागि नेपालले गरेको तयारी राम्रो भइरहेको संकेत पनि यसबाट मिल्ने बताए । नेपालले विगत ३ वर्षदेखि यसको तयारी गरेको घलेले बताए । उनले नेपालले पदक हासिल गर्नेमा आफू विश्वस्त रहेको पनि बताए ।
शुक्रले भुटानमा उपाधि जित्ने क्रममा एकै दिन ९ अन्डर स्कोर गरेका थिए । गल्फ संघका अनुसार नेपालको मात्र नभएर दक्षिण एसियाको एमेच्योर गल्फमा नै यो सर्वाधिक स्कोर हो । शुक्रले उक्त कोर्षकै रेकर्ड पनि कायम गरेका थिए । अध्यक्ष घलेले शुक्रसंगै अन्य गल्फरको प्रदर्शन पनि उच्च रहेकाले सागमा पदक आशा गरिएको बताए ।
शुक्रले पनि सागका लागि लामो समयदेखि तयारी गरिरहेको र पदक दिलाउन सक्दो प्रयास गर्ने बताए । ४ सदस्यीय टोली हाल गोकर्ण गल्फ रिसोर्टमा नियमित प्रशिक्षणमा छ । अर्को साताबाट विदेशी प्रशिक्षक किम बाल्डविन नेपाल आगमन हुने पनि अध्यक्ष घलेले जानकारी दिए । सिंगापुरका बाल्डविनले विगतमा पनि राष्ट्रिय टोलीलाई प्रशिक्षण दिंदै आएका छन् ।
कार्यक्रममा शुक्रसँगै सुवास तामाङलाई १० हजार तथा निरज तामाङ र टंकबहादुर कार्कीलाई ५-५ हजारको सामग्री प्रदान गर्ने जानकारी दिइयो । चारै खेलाडीलाई हाल गोकर्ण गल रिसोर्ट, निर्भाना कन्ट्री क्लब तथा आर्मी गल्फ कोर्षमा प्रशिक्षण दिइएको छ ।
December 5, 2025
हिमाल खरेल,बिर्तामोड नेपाल पुलिस क्लब झापाको अर्जुनधारामा जारी अर्जुनधारा खुला महिला भलिबल प्रतियोगितामा सेमिफाइनलमा प्रवेश गरेको छ । आज भएको समूह चरणको आफ्नो अन्तिम खेलमा कोशी प्रदेश भलिबल संघलाई ३-० को सोझो सेटमा पराजित गर्दै पुलिस अन्तिम चारमा पुगेको हो । पुलिस समूह विजेता भएको छ । पुलिस १६–२५, १७–२५ र ११–२५ को सोझो सेटमा […]
December 5, 2025
हिमाल खरेल, बिर्तामोड त्रिभुवन आर्मी क्लब झापाको अर्जुनधारामा जारी अर्जुनधारा खुला महिला भलिबल प्रतियोगितामा सेमिफाइनलमा प्रवेश गरेको छ । आज भएको समूह चरणको आफ्नो अन्तिम खेलमा एभरेस्ट लुम्बिनी क्लबलाई ३-० को सोझो सेटमा पराजित गर्दै आर्मी अन्तिम चारमा पुगेको हो । आर्मी समूह उपविजेता भएको छ । आर्मीले २१–२५, १८–२५ र १०–२५ को सोझो सेटमा […]
December 4, 2025
हिमाल खरेल,बिर्तामोड झापाको अर्जुनधारामा जारी अर्जुनधारा खुला महिला भलिबल प्रतियोगितामा नेपाल पुलिस क्लब विजयी भएको छ । आजको दोस्रो खेलमा पुलिसले न्यु डायमन्ड क्लबलाई न्यु डायमन्ड क्लबलाई ३–० को सोझो सेटमा पराजित गरेको हो । पुलिसले २५-१९,२५-१४,२५-१७ को सोझो सेटमा विजयी भएको हो । पुलिसकी रिमा कुँवर प्लेयर अफ दि म्याच घोषित भइन् । उनलाई […]
