default_image

4 years ago

December 13, 2019

विश्व च्याम्पियनसिपमा नेपालको यात्रा समाप्त

काठमाडौं (हाम्रो खेलकुद) – दक्षिण कोरियाको सोलमा जारी ई-स्पोर्ट्स विश्व च्याम्पियनसिप अन्तर्गत डोटा-२ तर्फ नेपालको यात्रा समाप्त भएको छ । नेपालको प्रतिनिधित्व गर्दै माई-रिभेन्जको टोलीले उक्त प्रतियोगितामा सहभागिता जनाएको थियो । नेपालले प्रतियोगितामा ५ खेल खेल्दै ३ जित र २ हार बेहोरेको हो । स्विस लिग पद्दतिमा नेपालले कम्तिमा ४ जित दर्ता गरेको भए प्लेअफ […]

83 views

0 Bookmark

काठमाडौं (हाम्रो खेलकुद) – दक्षिण कोरियाको सोलमा जारी ई-स्पोर्ट्स विश्व च्याम्पियनसिप अन्तर्गत डोटा-२ तर्फ नेपालको यात्रा समाप्त भएको छ । नेपालको प्रतिनिधित्व गर्दै माई-रिभेन्जको टोलीले उक्त प्रतियोगितामा सहभागिता जनाएको थियो ।

नेपालले प्रतियोगितामा ५ खेल खेल्दै ३ जित र २ हार बेहोरेको हो । स्विस लिग पद्दतिमा नेपालले कम्तिमा ४ जित दर्ता गरेको भए प्लेअफ चरणमा प्रवेश गर्ने थियो । तर ३ जित र २ हार बेहोरेपछि नेपाल समूहको नवौं स्थानमा रहेर प्लेअफमा पुग्न सकेन ।

नेपालले पहिलो खेलमा चाइनिज ताइपेइलाई ३४-८ को अन्तरले पराजित गरेको थियो । दोस्रो खेलमा मेक्सिकोसँग ४२-२८ को अन्तरले पराजित नेपालले तेस्रो खेलमा श्रीलंकालाई ३९-२७ ले हरायो । चौथो खेलमा चेक गणतन्त्रसँग २२-१३ ले पराजित भएपछि नेपालको प्लेअफ सम्भावना कम भएको थियो । अन्तिम खेलमा स्लोभाकियासँग जित दर्ता गरेपनि नेपाल अगाडि बढ्न सकेन ।

फिलिपिन्स, फिनल्यान्ड, थाइल्याण्ड र स्विडेनले प्लेअफ यात्रा तय गरे । स्विडेनले फिलिपिन्सलाई २-१ अन्तरले पराजित गर्दै फाइनल यात्रा तय गर्दा थाइल्याण्डले फिनल्याण्डलाई २-० ले हरायो । फाइनल खेल शनिबार हुनेछ ।

नेपाल ई-स्पोर्ट्स संघ (नेसा) को संयोजकत्वमा टोलीले विश्व च्याम्पियनसिपमा सहभागिता जनाएको हो । गत महिना भएको नेपाल ई-स्पोर्ट्स च्याम्पियनसिपको विजेता टोलीको हैसियतले माइ-रिभेन्ज टोलीले नेपालको प्रतिनिधित्व गरेको थियो ।

March 28, 2024

एमेच्योर सदभावलाई उपाधि

काठमाडौं (हाम्रो खेलकुद) – प्रोफेसनल गल्फर भुवन नगरकोटीलाई सात स्ट्रोकले हराउँदै एमेच्योर सदभाव आचार्यले सूर्य नेपाल एनपिजिए टुर च्याम्पियनसिपको उपाधि जितेका छन् । सूर्य नेपाल गल्फ टुर २०२३–२४ अन्तर्गत छैटौं प्रतियोगिताको अन्तिम दिन बिहीबार ३–अन्डर ६९ को स्कोर सहित समग्रमा १४–अन्डर २ सय ७४ सहित सदभावले तेस्रो पटक टुरको प्रो र एमेच्योर दुवैतर्फको उपाधि आफ्नो […]

March 27, 2024

एमेच्योर सदभाव शीर्षस्थानमा

काठमाडौं (हाम्रो खेलकुद)-  एमेच्योर गल्फर सदभाव आचार्यले सूर्य नेपाल गल्फ टुर २०२३-२४ अन्तर्गत छैटौं प्रतियोगिता, सूर्य नेपाल एनपीजीए टुर च्याम्पियनसीपको तेस्रो दिन समग्रमा ११-अन्डर २ सय ५ को उत्कृष्ट स्कोरमा शीर्षस्थानमा रहन सफल भएका छन्।  आज २अन्डर ७० खेलेका सदभावले प्रो भुवन नगरकोटीलाई एक स्ट्रोकले पछि पारेका छन्।भुवनले आज १-अन्डर ७१ मा खेल सकाउँदा समग्रमा १०-अन्डर २ सय ६ सहित दोस्रो स्थानमा छन्। अन्तिम १८ होलको खेल बाँकी रहँदा उपाधि होडमा सदभाव र भुवनबीच कडा प्रतिस्पर्धा हुने भएको छ।समग्रमा ३-अन्डर २ सय १३ को नतिजामा दिनेश प्रजापति र विजय श्रेष्ठ आइन्हाउस संयुक्तरुपमा तेस्रो स्थानमा छन्। आज दिनकै उत्कृष्ट ४-अन्डर ६८ स्कोर कार्ड बनाएका दिनेश नवौं स्थानबाट तेस्रो स्थानमा उक्लिएका हुन्। विजयले आज १-ओभर ७३ मा खेल सकाए।आज १-अन्डर ७१ स्कोर बनाउँदा समग्रमा २-अन्डर २ सय १४ सहित निरज तामाङ पाँचौं स्थानमा छन्। एमेच्योर राहुल विश्वकर्मा समग्रमा १-ओभर २ सय १७ सहित छैटौं स्थानमा उक्लिएका छन्। उनले आज ३-अण्डर ६९ को कार्ड तयार पारे।यसैगरी एमेच्योर टासी छिरिङ र प्रो सञ्जय लामाले समग्रमा २-ओभर २ सय १८ सहित सातौं स्थान बाँडे। टासीले १-अण्डर ७१ र सञ्जयले इभन-पार ७२ मा आजको खेल पुरा गरे। समग्रमा ३-ओभर २ सय १९ सहित युवराज भुजेल र रवि खड्का संयुक्तरुपमा नवौं स्थानमा छन्। दुवैले आज ४-ओभर ७६ मा खेल पुरा गरे।लगातार दुई दिनको संयुक्त लिडर भुवनलाई पछि पार्दै एकल अग्रता बनाउने क्रममा सदभावले फ्रन्ट नाइन २-अन्डर ३४ मा सकाए। तेस्रो र छैंटौं होलमा बर्डी प्रहार गर्दै फ्रन्ट नाइन बोगी रहित खेले। यसपछि १४औं होलमा एक सट बचाए पनि १७औं होलको बोगीले ब्याक नाइन इभन-पार ३६ मा सकाए।भुवनले राम्रो सुरुवात गर्दै फ्रन्ट नाइन ३-अन्डर ३३ मा पुरा गरे। दोस्रो होलमा एक सट खेर फाले। तर यसपछि चौथो, छैटौं, सातौं र नवौं होलमा बर्डी प्रहार गरे। तर यो लयलाई भुवनले निरन्तरता दिन सकेनन्। १५औं र १७औं होलमा बोगी खेप्दै ब्याक नाइन २-ओभर ३८ मा सकाए।दिनेशले फ्रन्ट र ब्याक नाइन दुवै २-अन्डर ३४ मा पुरा गरे। चौथो होलको बोगीका विरूद्ध तेस्रो, सातौं र आठौं होलमा बर्डी प्रहार गरे। यसपछि १०औं र ११औं होलमा पनि एक-एक सट बचाए।विजयले फ्रन्ट नाइन इभन-पार ३६ मा सकाउने क्रममा तेस्रो र सातौं होलमा एक-एक सट बचाए भने पाँचौ र छैटौं होलमा बोगी खेपे। ब्याक नाइन भने १-ओभर ३७ मा पुरा गरे। विजयले दशौं देखि १२औं होलमा लगातार तीन बर्डीको सफलता प्राप्त गरिसकेका थिए। तर ४-पारको १४औं होलमा ट्रीपल बोगीको समाना गर्न बाध्य हुँदा १७औं होलमा एक सट खेर फाले। ८ लाख ४० हजार रुपैयाँ पुरस्कार  रहेको प्रतियोगिताको विजेताले १ लाख ४० हजार रुपैयाँ पाउनेछन्। दोस्रोले ९६ र तेस्रो हुनेले ७२ हजार रुपैयाँ हात पार्नेछन। कट बनाएका २३ प्रो गल्फर मध्ये उत्कृष्ट २१ गल्फरले नगद पुरस्कार प्राप्त गर्नेछन्। 

March 27, 2024

इटहरीमा अर्को महिना ओलम्पियन पुनर्मिलन हुने

काठमाडौं (हाम्रो खेलकुद) – तेश्रो ओलम्पियन्स पुनर्मिलन तथा स्पोर्टस सेलिब्रेटी मिट– २०२४ कोशी प्रदेशमा आयोजना हुने भएको छ। सुनसरीस्थित इटहरीमा हुने कार्यक्रमका लागि प्रदेश खेलकुद विकास बोर्ड, कोशी प्रदेशका सदस्य–सचिव हंशराज वाग्ले र नेपाल ओलम्पियन्स संघका अध्यक्ष दीपक विष्टले सम्झौता पत्रमा हस्ताक्षर गरे । सम्झौता अनुसार खेलकुद विकास बोर्ड कोशी कार्यक्रमको आयोजक रहने छ भने […]

Success

Thank you for your time.