काठमाडौं (हाम्रो खेलकुद)– ललितपुर किक बक्सिङ संघको आयोजनामा वीर गणेशमान सिंह स्मृती तेस्रो खुल्ला राष्ट्रिय किक बक्सिङ प्रतियोगिता अर्को महिना आयोजना हुने भएको छ ।

प्रतियोगिता गोदावरी नगरपालिकाका चाागाँउको पाङ्गाचौरमा माघ २ देखि ४ गते सम्म आयोजना हुने बिहीबार पत्रकार सम्मेलनमार्फत आयोजक संघले जनाएको छ ।

प्रतियोगितामा तीन विभाग ( नेपाल प्रहरी क्लब, त्रिभुवन आर्मी क्लब र एपिएफ क्लब) तथा कराते, उसु, बक्सिङ, तेक्वान्दो, आइटिएफ, फुक कन्ट्याक्ट कराते र मुआई थाई टोलीका खोडीको सहभागिता रहनेछ ।

प्रतियोगितामा पुरुष तौल समुहमा ५० केजी, ५५ केजी मुनी, ६५ केजी मुनी, र ६० केजी मुनी र खुल्ला समूहमा प्रतिस्पर्धा हुने छ । महिलातर्फ ५० केजी, ५५ केजी मुनी, ६० केजी मुनी र खुल्ला प्रतिस्पर्धा हुने आयोजकले जनाएको छ ।

प्रतियोगिताको हरेक तौ समूहको प्रथम हुने खेलाडीले ३० हजार, दोस्रो हुने खेलाडीले १५ हजार र तेस्रो हुने दुई खेलाडीले समान ८ हजार रुपैयाँ प्राप्त गर्ने छन् । प्रतियोगिताको उत्कृष्ट पुरुष र महिला खेलाडीले रु २५ हजार नगद प्राप्त गर्ने छन् ।

सर्वाधिक स्वर्ण जित्ने टोलीले च्याम्पियन स्वरुप रु एक लाख रुपैयाँ पाउने आयोजक संघका अध्यक्ष विनोद महर्जनले जानकारी दिए । त्यस्तै प्रतियोगितामा दोस्रो हुने टोलीले ५० हजार पाउने आयोजकले जनाएको छ । प्रतियोगितामा झन्डै ३० लाख रुपैयाँ खर्च हुने संघको अनुमान छ ।