default_image

4 years ago

January 26, 2020

एनएनआइपिए स्पोर्ट्स अवार्ड अर्को महिना

काठमाडौं (हाम्रो खेलकुद) – १४औं संस्करणको एनएनआइपिए स्पोर्ट्स अवार्ड २०७५ फागुन पहिलो साता आयोजना हुने भएको छ । आयोजक नेपाल राष्ट्रिय तथा अन्तर्राष्ट्रिय खेलाडी संघ (एनएनआइपिए) ले आइतबार राजधानीमा पत्रकार सम्मेलनको आयोजना गर्दै अवार्डको १४औं संस्करण फागुन ६ गते मंगलबार काठमाडौंको बसन्तपुरमा हुने जानकारी गराएको हो । आयोजकले २०७५ मा इन्डोनेसियामा भएको १८औं एसियन गेम्सलाई […]

27 views

0 Bookmark

काठमाडौं (हाम्रो खेलकुद) – १४औं संस्करणको एनएनआइपिए स्पोर्ट्स अवार्ड २०७५ फागुन पहिलो साता आयोजना हुने भएको छ । आयोजक नेपाल राष्ट्रिय तथा अन्तर्राष्ट्रिय खेलाडी संघ (एनएनआइपिए) ले आइतबार राजधानीमा पत्रकार सम्मेलनको आयोजना गर्दै अवार्डको १४औं संस्करण फागुन ६ गते मंगलबार काठमाडौंको बसन्तपुरमा हुने जानकारी गराएको हो ।

आयोजकले २०७५ मा इन्डोनेसियामा भएको १८औं एसियन गेम्सलाई आधार मानी उत्कृष्ट खेलाडी छनोट गरी अवार्ड प्रदान गरिने जानकारी गराएको छ । एसियन गेम्समा विभिन्न २८ खेल समावेश थियो । हरेक खेलबाट १–१ जना उत्कृष्ट महिला र पुरुष खेलाडी छनोट गरिनेछ । उनीहरुले समान १० हजार रुपैया पाउनेछ ।

यस्तै एनएनआइपिएले यसपटकदेखि पारा खेलकुदतर्फ पनि एक जना छनोट गरिने जनाएको छ । पारा खेलकुदको पनि उत्कृष्ट खेलाडीले १० हजार रुपैया पाउनेछन् । यस्तै अवार्ड कार्यक्रममा विगतको जस्तै पहिलो अन्तर्राष्ट्रिय धावक गजराज जोशीको नाममा रहेको गजराज जोशी आदर्श खेलाडी सम्मानलाई निरन्तरता दिएको छ ।

आदर्श खेलाडीबाट सम्मानति हुने खेलाडीले ३५ हजार रुपैया हात पार्नेछ । एक जना खेलपत्रकार २५ हजार रुपैयासहित पुरस्कृत हुनेछ । गतवर्षदेखि शुरु भएको उत्कृष्ट खेलाडीहरुको पनि उत्कृष्टबाट महिला र पुरुष १–१ जनाले समान १ लाख रुपैया प्राप्त गर्ने एनएनआइपिएले जनाएको छ । गतवर्ष यो पुरस्कारको प्रायोजन जनता बैंकले गरेको थियो ।

यसपटक जनता बैंक ग्लोबल आइएमई बैंकसँग मर्ज भएपनि सो पुरस्कार निरन्तर रहेको छ । ग्लोबल आईएमई बैंकका सिएसआर म्यानेजर छविलाल हुमागाईंले गतवर्ष देखि शुरु भएको यो पुरस्कारले निरन्तरता पाउने बताए । गतवर्ष पुरुषतर्फ भारोत्तोलनका कमल बहादुर अधिकारी र महिलामा कराँतेकी अनु अधिकारी उत्कृष्टबाट पनि उत्कृष्ट भएकी थिइन् ।

बैंकका म्यानेजर हुमागाईले खेलसँग जोडिन पाउँदा खुशी रहेको र संघको आगमी कार्यक्रमको सफलताको शुभकामना व्यक्त गर्दै यसवर्ष भलिबलको महिला र पुरुष भलिबल टोलीलाई जनही १–१ लाख प्रदान गरिने घोषणा गरे ।

काठमाडौं महानगरपालिकाका हेड अफ सोसियल डेभलभमेन्टका सनत थापाले खेलाडी राष्ट्रको गहना रहेको बताए । खेलाडीहरुलाई उत्साह थप्न राज्य र विभिन्न निकाय काठमाडौं महानगरपालिका सहयोग गर्न प्रतिबद्व रहेको थपे ।

एनएनआइपिएका अध्यक्ष दीपक श्रेष्ठले अवार्डबाट खेलाडीहरुलाई थोरै भएपनि खुशी बनाउने प्रयास गरिएको र अवार्डलाई राम्रो बनाउने प्रयास रहने बताए । उनले अवार्डसँग सहयोगी हातहरु समेत जोडिदै आएको बताए । अवार्डमा करिव १७ लाख खर्च हुने आयोजकले अनुमान गरेको छ ।

एनएनआइपिए उत्कृष्ट खेलाडीबाट सम्मानित हुने खेलहरु फुटबल, पौडी, भलिबल, टेबल टेनिस, सुटिङ, बक्सिङ, भारोत्तोलन, पाराग्लाइडिङ, कुराँस, कबड्डी, फेन्सिङ, रोलर स्पोर्ट्स, स्क्वास, सेपाकताक्रो, कुस्ती, स्पोर्ट्स क्लाइम्विङ, बास्केटबल, लन टेनिस, ब्याडमिन्टन, ट्रायथोलन, पेन्काक सिलात, कराँते, जुडो, तेक्वान्दो, उसु, आर्चरी, एथ्लेटिक्स र गल्फ

March 28, 2024

सुष्मा सेमिफाइनलमा

काठमाडौं (हाम्रो खेलकुद)- लुम्बिनी प्रदेशकी सुष्मा तामाङ र कर्णाली प्रदेशकी अस्मिता दुवाल छैटौं वीर गणेशमान सिंह राष्ट्रिय बक्सिङ प्रतियोगितामा सेमिफाइनलमा प्रवेश गरेका छन् । त्रिपुरेश्वरस्थित राष्ट्रिय खेलकुद परिषद्को कभर्डहलमा जारी प्रतियोगितामा बिहिबार महिला ५० केजीमा सुष्माले मधेश प्रदेशकी मनीषा राई तथा अस्मिताले एपीएफकी सन्जुमाया थिङलाई पराजित गर्दै अन्तिम चारको यात्रा तय गरे । महिला ५४ […]

March 28, 2024

भलिबल संघ र केल्मीबीचको सम्झौता नविकरण

काठमाडौं (हाम्रो खेलकुद)– अन्तर्राष्ट्रिय खेल पोशाक तथा सामग्री निमार्ण कम्पनी केल्मी स्पोर्टस प्रोडक्ट कम्पनीले राष्ट्रिय खेल भलिबललाई आफ्नो प्रायोजनमा निरन्तरता दिएको छ । केल्मीको नेपालका लागि आधिकारिक विक्रेता कामारु ट्रेडिङ प्राली र नेपाल भलिबल संंघबीच बिहीबार ३ वर्षका लागि सम्झौता नविकरण भएको हो । कामारुका निर्देशक प्रदीप न्यौपाने र संघका अध्यक्ष जीतेन्द्रबहादुर चन्दले सम्झौता पत्रमा […]

March 28, 2024

राष्ट्रपतिलाई निमन्त्रणा

काठमाडौं (हाम्रो खेलकुद) – राष्ट्रिय खेलकुद परिषद् (राखेप) ले १४ औं केन्द्रस्तरीय राष्ट्रपति रनिङ सिल्ड खेलकुद प्रतियोगिताको उद्घाटन समारोहको प्रमुख अतिथिका लागि राष्ट्रपति रामचन्द्र पौडेललाई बिहीबार निमन्त्रणा गरेको छ । राखेपको आयोजनामा १४ औं केन्द्रस्तरीय राष्ट्रपति रनिङ सिल्ड खेलकुद प्रतियोगिता वैशाख ४ देखि ६ गते काठमाडौंमा हुँदैछ । सदस्य सचिव टंकलाल घिसिङले शितल निवासमा राष्ट्रपति […]

Success

Thank you for your time.