काठमाडौं (हाम्रो खेलकुद) – विश्व तेक्वान्दो एसिया स्ट्यान्टिङ कमिटीले आफ्ना विभिन्न उपसमितिमा ओलम्पियन संगिना बैद्य र दीपक विष्टसहित २२ नेपालीलाई मनोनयन गरेको छ ।

आफ्नो विभिन्न जिम्मेवारीमा रहेका खेलाडी, प्रशिक्षक, पदाधिकारीलाई नेपाल तेक्वान्दो संघले गरेको सिफारिसका आधारमा उनीहरु मनोनित भएको संघले जनाएको छ ।
दक्षिण एसियाली खेलकुद (साग) का चार पटकका स्वर्ण पदक विजेता, एसियाली खेलकुदका दुई पटकका कास्य पदक विजेता समेत रहेका दीपक एथलेटिक्स समितिमा चयन भएका छन् । सागमा २ पटककी स्वर्ण पदक विजेता एवंम् एसियन च्याम्पियन संगिना क्याडेट समितिमा मनोनयन भएकी छन् । संघमा विष्ट सचिव र वैद्य सदस्य रहेका छन् ।

सल्लाहाकार समितिमा संघका उपाध्यक्ष सञ्जिव रेग्मी मनोनित भएका छन् । संघका उपाध्यक्ष हरिश्वर पोख्रेल इथिक समितिमा ,उपाध्यक्ष भोज बहादुर शाह शिक्षा समितिमा, उपाध्यक्ष नन्दकुमार राई न्यायिकक समितिमा ,उपाध्यक्ष दिल बहादुर वली नेतृत्व समितिमा र अर्का उपाध्यक्ष भानु बहादुर चन्द मार्केटिङ समितिमा चयन भएका छन् ।

त्यस्तै संघका कोषाध्यक्ष कसिम मिया धोवी पारालम्पिक समितिमा तथा तेक्वान्दोका मुख्य प्रशिक्षक एवंम् संघका सचिव नविन कुमार श्रेष्ठ ग्योरोगी समितिमा चयन भएका छन् । संघका सह कोषााध्यक्ष सुमन कुमार घले आर्थिक समितिमा, डा. सरोजकृष्ण श्रेष्ठ एन्टी डोपिङ चयन भएका छन् ।

त्यस्तै प्रशिक्षक समितिमा श्रीमान थापा मगर,कोलिगेट समितिमा भरत मर्हजन तथा विकास समितिमा कविराज खड्गी चयन रहेका छन् । खेल समितिमा हिरा बहादुर थापा, मिडिया समितिमा हेमन्त डाँगी, पुम्से कमिटीमा मिन न्यौपाने, सस्टेबेनलिटी समितिमा टिका प्रसाद लिम्बू, प्राविधिक समितिमा नोर्बु लामा, महिला समितिमा नन्दा बस्याल र युवा समितिमा कोशिष बहादुर खड्का चयन भए ।

विभिन्न समितिमा चयन भएका संघका अध्यक्ष प्रकाश शम्सेर राणाले सातदोबाटोस्थित संघको कार्यालयमा बिहीबार प्रमाण पत्र वितरण गरे ।