6 years ago
June 9, 2020
काठमाडौं (हाम्रो खेलकुद)– कोरोना भाइरस कोभिड १९ को समयमा सबै भन्दा अग्रमोर्चामा बसेर काम गरिरहेका स्वास्थ्यकर्मीका लागि नेपाल भलिबल संघले स्वास्थ्य सामग्री प्रदान गरेको छ ।
संघले नेपाल चिकित्सक संघलाई एन ९५ मास्क र फेस सेल्ड मंगलबार हस्तान्तरण गरेको छ । चिकित्सक संघको प्रदर्शनीमार्गस्थित कार्यालयमा राष्ट्रिय खेलकुद परिषद् (राखेप) का सदस्य सचिव रमेशकुमार सिलवाल, नेपाल भलिबल संघका अध्यक्ष मनोरञ्जन रमण शर्माले चिकित्सक संघका अध्यक्ष लोचन कार्कीलाई स्वास्थ्य सामाग्री हस्तान्तरण गरेका हुन् ।
संघले एन ९५ मास्क १ हजार थान प्रदान गरेको थियो । संघले प्रदान गरेका मास्क प्रदेश २ का जिल्लाहरुमा पठाइदिन आग्रह गरेको महासचिव जितेन्द्रबहादुर चन्दले जानकारी दिए । फेस सिल्ड इ–नेवल संस्थाले अन्य दुई संस्था दाँवली मिलन क्लब र नोवेल कलेजको सहकार्यमा आफ्नै ल्यावमा थ्री डी प्रिन्टबाट तयार पारिएको हो ।
यसैगरी पुल्चोक इन्जिनियरिङ कलेज एल्मुनाई एसोसिएसन महासचिव तथा नेपाल भलिबल संघका सदस्य रोशन श्रेष्ठ, लक्ष्मी नारायण श्रेष्ठ र माधवराज आचार्यले सोही अबसरमा चिकित्सक संघलाई ५ सय थान एन ९५ मास्क हस्तान्तरण गरेको छ । उक्त मास्क कर्णाली प्रदेशमा पठाउनका लागि आग्रह गरिएको एल्मुनाई तथा भलिबल संघका सदस्य रोशन श्रेष्ठले जानकारी गराए ।
चिकित्सक संघका अध्यक्ष कार्कीले सहयोगका लागि भलिबल संघ र पुल्चोक एल्मुनाईलाई धन्यवाद दिए । सदस्य सचिव सिलवालले राष्ट्रिय खेल भलिबलले गरेको सहयोगले सकारात्मक सन्देश जाने बताए । भलिबल संघका अध्यक्ष मनोरञ्जन रमण शर्माले संघ आगामी दिनमा पनि सहयोग गर्न तयार रहेको बताए ।
December 11, 2025
काठमाडौं (हाम्रो खेलकुद) – दोलखा चेस होम्सले आठौं तुल्सीलाल स्मृति राष्ट्रिय क्लब टिम चेस च्याम्पियनसिपको उपाधि जितेको छ। ललितपुर स्पोर्ट्स क्लबको आयोजनामा ललितपुर क्यास्पियन कलेजमा ५ दिन चलेको ७;चरणको राष्ट्रिय चेस टिम प्रतियोगितामा दोलखाले ६ खेलमा जित र १ मा हार बेहोरेको थियो। दोलखा १२ अंक प्रोग्रेसिभ २० प्वाइन्ट जोडेर च्याम्पियन बनेको हो। दोलखा जिल्ला […]
December 9, 2025
हिमाल खरेल, बिर्तामोड भोजपुरको रामप्रसाद राई गाउँपालिकामा चौथो संस्करणको ‘बासिखोरा रन २०८२’ को तयारी सुरु गरिएको छ । प्रतियोगिता यही पुस १९ गते हुनेछ । आयोजक तीन सहिद खेलकुद विकास संस्थाका अनुसार प्रतियोगिता ४ विधामा हुनेछ । बासिखोरामा हुने प्रतियोगितामा पुरुष तथा महिला खुला, पुरुष तथा महिला अन्डर १८, पुरुष तथा महिला अन्डर १३ र […]
December 9, 2025
काठमाडौं (हाम्रो खेलकुद )- विश्व शान्तिका अग्रदुत गौतम बुद्धको जन्मजयन्तीको अवसरमा थाइल्याण्डमा लुम्बिनी नेपाल मिनी म्याराथन हुने भएको छ । गौतम बुद्धको जन्मथलो लुम्बिनीको प्रचारप्रसार गर्ने हेतुले बैशाखको तेस्रो साता १० किमी र ५ किमी रेस आयोजना गर्न लागिएको हो । थाइल्याण्डस्थित नेपाली राजदुतावासको अगुवाईमा थाइल्याण्डमा कार्यरत विभिन्न संघसंस्था र सरोकारवालाबीच बृहत छलफलपश्चात हरेक बर्ष […]
