5 years ago
October 22, 2020
काठमाडौं (हाम्रो खेलकुद)–राष्ट्रिय भलिबल खेलाडीद्वय मानबहादुर श्रेष्ठ र दुर्गा महतो गृह जिल्लामा सम्मानित भएका छन् । नवलपुर जिल्ला भलिबल संघले बुधबार मानबहादुर र दुर्गालाई नगद सहित सम्मान गरेको हो ।
राष्ट्रिय भलिबल टोलीमा रहि देशको भलिबल विकासमा योगदान पुर्याएकोमा उनीहरुलाई सम्मान गरिएको हो । समान ५ हजार ५ सय रुपैयाँसहित नवलपुर जिल्ला भलिबल संघका अध्यक्ष तिलबहादुर खण्डलुक मगरलगायतले संयुक्त रुपमा सम्मान गरिएका थिए ।
४ वर्षअघि नेपाली राष्ट्रिय पुरुष टोलीले माल्दिभ्समा एसियन सेन्ट्रल जोन भलिबल च्याम्पियनसिपमा कास्य पदक जित्दा मानबहादुर र दुर्गा दुवै टोलीका सदस्य थिए । ४ दशक लामो अन्तर्राष्ट्रिय भलिबल यात्रामा नेपालको पुरुष टोलीले जितेको त्यो पहिलो पदक थियो ।
मानबहादुर र दुर्गाले इन्डोनेसियामा भएको एसियाली खेलकुदमा पनि नेपालको प्रतिनिधित्व गरेका थिए । गत वर्ष स्वदेशमा आयोजना भएको १३ औं दक्षिण एसियाली खेलकुद (साग) मा मानबहादुरले बीच भलिबलमार्फत देशको प्रतिनिधित्व गरेका थिए । कावासोती नगरपालिका – ३ का दुवै नेपाली सेनाका खेलाडी हुन् ।
यसैबीच, नवलपुर जिल्ला भलिबल संघले मानबहादुर र दुर्गालाई मासिक २ हजार रुपैयाँ प्रोत्साहन स्वरुप उपलब्ध गराउने भएको छ । मानबहादुरका अनुसार यम प्रसाद श्रेष्ठले जिल्ला संघमार्फत उनीहरुलाई प्रोत्साहन स्वरुप रकम उपलब्ध गराउने सम्मान कार्यक्रममा घोषणा भएको थियो ।
भविष्यमा राष्ट्रिय टोलीमा पर्ने अन्य खेलाडीलाई पनि मासिक रुपमा प्रोत्साहन स्वरुप रकम उपलब्ध गराइने घोषणा पनि गरिएको थियो ।
December 18, 2025
काठमाडाैं (हाम्रो खेलकुद)- आयोजक बिआइए इन्स्टिच्युटले पहिलोपटक आयोजना भएको ह्विलचेयर रग्बी मैत्रीपूर्ण प्रतियोगिताको उपाधि जितेको छ। बौद्धस्थित डाउनटाउनमा बिहीवार भएको खेलमा बिआइएले स्पाइनल इन्जरी संघ नेपाललाई ५-३ स्कोरले हराउँदै उपाधि हात पारेको हो। गोकर्णेश्वर नगरपालिका वडा नम्बर ५, नेपाल रग्बी संघ तथा नेपाल स्पाइनल कर्ड इन्जरी संघको सहयोगमा सम्पन्न यो प्रतियोगिता नेपालमा ह्विलचेयर रग्बी खेलको […]
December 11, 2025
काठमाडौं (हाम्रो खेलकुद) – दोलखा चेस होम्सले आठौं तुल्सीलाल स्मृति राष्ट्रिय क्लब टिम चेस च्याम्पियनसिपको उपाधि जितेको छ। ललितपुर स्पोर्ट्स क्लबको आयोजनामा ललितपुर क्यास्पियन कलेजमा ५ दिन चलेको ७;चरणको राष्ट्रिय चेस टिम प्रतियोगितामा दोलखाले ६ खेलमा जित र १ मा हार बेहोरेको थियो। दोलखा १२ अंक प्रोग्रेसिभ २० प्वाइन्ट जोडेर च्याम्पियन बनेको हो। दोलखा जिल्ला […]
December 9, 2025
हिमाल खरेल, बिर्तामोड भोजपुरको रामप्रसाद राई गाउँपालिकामा चौथो संस्करणको ‘बासिखोरा रन २०८२’ को तयारी सुरु गरिएको छ । प्रतियोगिता यही पुस १९ गते हुनेछ । आयोजक तीन सहिद खेलकुद विकास संस्थाका अनुसार प्रतियोगिता ४ विधामा हुनेछ । बासिखोरामा हुने प्रतियोगितामा पुरुष तथा महिला खुला, पुरुष तथा महिला अन्डर १८, पुरुष तथा महिला अन्डर १३ र […]
