3 years ago
December 17, 2020
पोखरा (हाम्रो खेलकुद)– मदन भण्डारी स्पोर्टस् एकेडेमी गण्डकी प्रदेशले १३ औं दक्षिण एसियाली खेलकुद (साग) का ३ जना स्वर्ण पदक विजेतालाई नगदसहित सम्मान गरेको छ । १३ औं सागमा बक्सिङतर्फ स्वर्ण जितेका खेलाडी भूपेन्द्र थापा, मिनु गुरुङ र सनिल शाहीलाई जनही ५१ हजार ५ सय रुपैयाँसहित सम्मान गरेको थियो । गत वर्ष बक्सिङ टोलीलाई शुभकामना […]
पोखरा (हाम्रो खेलकुद)– मदन भण्डारी स्पोर्टस् एकेडेमी गण्डकी प्रदेशले १३ औं दक्षिण एसियाली खेलकुद (साग) का ३ जना स्वर्ण पदक विजेतालाई नगदसहित सम्मान गरेको छ ।
१३ औं सागमा बक्सिङतर्फ स्वर्ण जितेका खेलाडी भूपेन्द्र थापा, मिनु गुरुङ र सनिल शाहीलाई जनही ५१ हजार ५ सय रुपैयाँसहित सम्मान गरेको थियो । गत वर्ष बक्सिङ टोलीलाई शुभकामना दिने क्रममा बक्सिङतर्फ स्वर्ण जित्नेलाई विशेष सम्मान गरिने घोषणा गण्डकीका संयोजक समेत रहेका राष्ट्रिय खेलकुद परिषद् (राखेप) का सदस्य राजेश गुरुङले जानकारी दिए ।
राखेपका सदस्य सचिव रमेशकुमार सिलवालले सागका स्वर्ण पदक विजेतालाई सम्मान गरेका थिए । सोही कार्यक्रममा भलिबल प्रशिक्षक जीवन चौधरीलाई ७० हजार ७ सय ७० रुपैयाँले सम्मान गरिएको थियो ।
सोही कार्यक्रममा प्याराग्लाडिङ दुर्घटनामा परेका राजु नेपालीको परिवारलाई १ लाख १ हजार १ सय ११ रुपैयाँ प्रदान गरिएको थियो । कार्यक्रमका लागि नेपाल बक्सिङ संघका अध्यक्ष राम अवालेले १ लाख १ हजार १ सय ११ रुपैयाँ सहयोग गरेका थिए ।
राजेशबाबु श्रेष्ठ, रवि क्षेत्री, आशिष थापा, भरत पौडेल, पोखरा लाउरे ट्रेनिङ सेन्टरले सहयोग गरेको संयोजक गुरुङले जानकारी दिए ।
April 23, 2024
काठमाडौं (हाम्रो खेलकुद)– शेरबहादुर खड्का स्मृति प्रतिष्ठानको आयोजना बुधबार सुरु हुने केएनपी नेरोलेक राष्ट्रिय महिला भलिबल प्रतियोगितामा ४ टोलीको मात्र सहभागिता रहने भएको छ । आयोजकले मंगलबार राखेको टेक्निकल मिटिङले प्रतियोगिता भाग लिन नसक्ने जानकारी दिएको प्रतिष्ठानका अध्यक्ष रन्जन खड्काले जानकारी दिए । अब प्रतियोगिता राउन्ड रोविनका आधारमा हुने भएको छ । सहभागी टोलीका प्रतिनिधिको […]
April 23, 2024
काठमाडौं (हाम्रो खेलकुद) : इभन-पार ६८ को स्कोरमा भुवन नगरकोटी सूर्य नेपाल काठमाडौं ओपनको पहिलो दिन मंगलबार एक स्ट्रोकको अग्रता सहित शीर्षस्थानमा रहेका छन्। उनले रवि खड्का, भुवन कुमार रोक्का र निरज तामाङलाई एक स्ट्रोकले पछि पारेका हुन्। रवि, भुवन र निरजले भने पहिलो दिनको खेल १-ओभर ६९ मा सकाउँदै संयुक्तरुपमा दोस्रो स्थान बाँडे। २-ओभर […]
April 22, 2024
काठमाडौं (हाम्रो खेलकुद) – सूर्य नेपाल गल्फ टुर २०२३–२४ अन्तर्गतको सातौं प्रतियोगिताका रुपमा रहेको सूर्य नेपाल काठमाडौं ओपन मंगलबार सुरु हुने भएको छ । रोयल नेपाल गल्फ क्लबमा ७२ होलको ४ दिने प्रतियोगिता शुक्रबारसम्म चल्ने सोमबार आयोजित पत्रकार सम्मेलनमा जानकारी दिइयो । उपाधिको लागि ३२ प्रोफेसनल र ८ एमेच्योर गरी कुल ४० गल्फरहरूले दाबेदारी प्रस्तुत […]