ओलम्पिक संग्रहालयको मुख्य कार्यालयको शुभारम्भ ।

भदौ २४ , बिहिवार

नेपाली खेलकुद जगतका ऐतिहासिक तस्बिर, पोशाक, शिल्ड, ट्रफी, पदक लगायत विविध वस्तुहरुको संकलन, संरक्षण र प्रवद्र्धन गर्ने उद्देश्यका साथ दक्षिण एशियाकै एकमात्र ओलम्पिक संग्रहालय नेपाल ओलम्पिक संग्रहालयको आज सातदोबाटोस्थित नेपाल ओलम्पिक कमिटीको भुईतल्लामा विशेष पुजाका साथ मुख्य कार्यालयको संग्रहालयका संरक्षक तथा युवा तथा खेलकुद मन्त्री माननीय पुरुषोत्तम पौडेलको प्रमुख आतिथ्यतामा शुभारम्भ भयो ।

उक्त अवसरमा प्रमुख अतिथि मन्त्री पौडेलबाट संग्रहालय कक्ष, लाइब्रेरी तथा कार्यालय कोठाहरुको निरिक्षण गर्नु भयो । उहा“बाट संग्रहालयको कार्यको प्रंशसा गर्दै यसको विकास विस्तारमा सबै खेल निकायहरुले सहयोग गर्नु पर्ने र आफुले पनि यसको लागि आवश्यक सहयोग गर्ने बारे विचार व्यक्त गर्नु भयो । सो अवसरमा नेपाल ओलम्पिक कमिटीका अध्यक्ष धु्रवबहादुर प्रधान तथा महासचिव जीवनराम श्रेष्ठ (नवनिर्वाचित अध्यक्ष) को पनि उपस्थिति रहेको थियो ।

गत भदौं १६ गते नेपाल ओलम्पिक कमिटी र नेपाल ओलम्पिक संग्रहालयबीच मुख्य कार्यालय, लाइब्रेरी, लगायत संग्रहालयलाई अझ व्यवस्थित गर्न सम्झौता भएको थियो । यस संग्रहालयको त्रिपुरेश्वर, दशरथ रंगशालास्थित कार्यालयमा गैर ओलम्पिक खेलको संग्रहालय कक्ष र तथा साग खेलकुद सूचना केन्द्रको सञ्चालन गरिने छ ।