काठमाडौं (हाम्रो खेलकुद)– बंगलादेशको ढाकामा हुने ३१ औं बंगलादेश एमेच्योर ओपन २०१७ मा भाग लिन नेपाली टोली आइतबार त्यसतर्फ प्रस्थान गरेको छ । नेपाल गल्फ संघका महासचिव तासी घलेको प्रशिक्षणमा रहेको टोलीमा शुक्रबहादुर राई, टंकबहादुर कार्की, पृथ्वी मल्ल र तेन्जिङ छिरिङ खेलाडी रहेका छन् ।
टोलीसँगै संघका अध्यक्ष मधुकर याकथुम्बा पनि ढाका प्रस्थान गरेका छन् । ढाकामा हुने दक्षिण एसियाली देशका गल्फसंघका अध्यक्षहरुको बैठक हुँदैछ । बैठकले सार्क गल्फ महासंघ गठन गर्न सक्ने बताइएको छ ।
