काठमाडौँ (हाम्रोखेलकुद)- सूर्य नेपाल एनपीजीए म्याच प्लेको फाइनलमा संजय लामालाई पराजित गर्दै रबि खड्काले उपाधि जितेका छन्।सन् २०१५ मा सूर्य नेपाल च्यालेन्जको उपाधि जितेयता यो रविको पहिलो उपाधि हो।
अन्तिम दिनको खेलमा उपाधिको भिडन्त निकै रोमान्चक भएको थियो। २७ होलसम्म ५ अंकको आग्रतामा रहेका रविलाई लगातार ४ होलमा पछि परेपछि खेल थप रोमान्चित भएको थियो। करियरको ११ औ उपाधि जित्नको लागि रविले अन्तिम होल सम्म कुर्न परेको थियो। रविले १ होलटले उपाधि जितेका थिए।
प्रतियोगिताका बिजेता रबि खड्काले ट्रफी सहित ७० हजार, उपविजेता संजय लामाले ३० हजार, तृतीय हुने भुवन नगरकोटीले २८ हजार, चौथो हुने शिव राम श्रेष्ठले २० हजार प्राप्त गरे। क्वार्टर फाईनल पुग्ने अरु ४ खेलाडीले ११-११ हजार प्राप्त गरेका थिए भने पहिलो चरणमै पराजित ८ खेलाडीले पनि ६-६ हजार प्राप्त गरेका थिए।
