शीरिष गुरुङ राष्ट्रिय स्तरको एउटा पौडी प्रतियोगितामा सर्वाधिक स्वर्ण पदक जित्ने खेलाडी बनेका छन् । सातदोबाटोस्थित अन्तर्राष्ट्रिय पौडी पोखरीमा शुक्रबार सम्पन्न पााचौं एनएस कप खुला तथा उमेर समूह प्रतियोगितामा उनले भाग लिएका सबै १४ प्रतियोगितामा स्वर्ण पदक जितेका हुन् । उनले प्रतियोगितामा १५ मध्ये एउटा इभेन्ट्समा मात्र भाग लिएका थिएनन् ।
शीरिष गुरुङ र सोफिया शाहले जिते धेरै उपाधि
पहिलो दिन २ सय मिटर ब्याकस्ट्रोकमा राष्ट्रिय कीर्तिमानसहित ७ स्वर्ण जितेका शिरीषले शुक्रबार पनि ७ स्वर्ण पदक जिते । यसअघि करिश्मा कार्कीले २०६८ को पााचौं राष्ट्रिय खेलकुदमा १२ स्वर्ण पदक जितेकी थिइन् ।
शिरीषले शुक्रबार एक सय मिटर ब्रेस्टस्ट्रोक (१ मिनेट १३.९४ सेकेन्ड), ५० मिटर ब्याकस्ट्रोक (३३.०४ सेकेन्ड) र ५० मिटर फ्रिस्टाइल (२६.८८ सेकेन्ड) मा पनि पहिलो स्थान प्राप्त गरे ।
त्यस्तै खुला ४ सय मिटर व्यक्तिगत मिड्ले (६ मिनेट ०१.६३ सेकेन्ड), २ सय मिटर ब्याकस्ट्रोक (२ मिनेट ३९.१० सेकेन्ड), २ सय मिटर फ्रिस्टाइल (२ मिनेट २०.४८ सेकेन्ड), एक सय मिटर बटरफ्लाई (१ मिनेट ०८.९८ सेकेन्ड) मा स्वर्ण पदक जितेका हुन् ।
महिलातर्फ सोफिया शाहले ७ स्वर्ण पदक जितेकी छन् । उनले अन्तिम दिन उनले ४ सय मिटर फ्रिस्टाइल (५ मिनेट ७.९१ सेकेन्ड), २ सय मिटर इन्डिभिज्युल मिड्ले (३ मिनेट ०३.३४ सेकेन्ड), सय मिटर फ्रि स्टाइल (१ मिनेट १३.९४ सेकेन्ड) र ५० मिटर फ्रि स्टाइल (२६.६८ सेकेन्ड) मा स्वर्ण पदक जितेकी हुन् । पहिलो दिन राष्ट्रिय कीर्तिमानसहित उनले तीन स्वर्ण पदक जितेकी थिइन् । सोफियाले बिहीबार ५० मिटर फ्रिस्टाइलको हिटमा २९.३३ सेकेन्डको नयाा राष्ट्रिय कीर्तिमान बनाएकी हुन् ।
महिला खुला २ सय मिटर ब्रेस्ट स्ट्रोकमा सोनिरा विष्ट, सय मिटर ब्याकस्ट्रोकमा ओसिन भारती, ५० मिटर ब्रेस्ट स्ट्रोकमा निहारिका तुलाधार र ५० मिटर ब्याक स्ट्रोकमा दुवाना लामाले स्वर्ण पदक जितेका छन् ।
