काठमाडौं (हाम्रो खेलकुद )– रियो ओलम्पिक खेल्नुअघि नै इतिहास बनाइसकेकी नेपाली पौडी खेलाडी गौरिका सिंह आज पौडीको १ सय मिटर ब्याक स्ट्रोकको हिटमा प्रतिस्पर्धा गर्दैछिन् । रियो ओलम्पिकको सबै भन्दा कान्छी खेलाडी भएको अन्तर्राष्ट्रिय सञ्चारमाध्यम चर्चा पाएकी प्रतिस्पर्धाको दिन १३ बर्ष २ सय ५५ दिन पुगेकी छिन् । शुक्रबार सुरु भएको रियो ओलम्पिकमा १० हजार बढी खेलाडी सहभागी छन् ।

गौरिकाले ६ महिनाअघि १२ औं सागमा नेपालाई एक रजतसहित ४ कास्य पदक जितेकी थिइन् । सागमा नेपाललाई व्यक्तिगत पदक दिलाउने गौरिका पहिलो खेलाडी हुन् । उनले दुइ सय मिटर इन्डिभिजुअल मिड्लेमा रजत, ५०, १ सय र २ सय मिटर ब्याक स्ट्रोकमा कास्य जितेकी थिइन् ।
रियो ओलम्पिकमा पौडीका गौरिका र शीरिष गुरुङ तथा एथलेटिक्सका हरिकुमार रिमाल र सरस्वती भट्टराई युनिभर्सियालिटी प्लेससका आधारमा रियो पुगेका हुन् । त्यस्तै जुडोकी फुपुल्हामु खत्री, तेक्वान्दोकी निशा रावल र आर्चरीका जीतबहादुर मोक्तानले वाइल्र्ड कार्ड पाएका हुन् ।