लमजुङ (हाम्रो खेलकुद) – न्यु डायमन्ड एकेडेमी काठमाडौंले दोस्रो संस्करणको दिदी बहिनी कप महिला भलिबल प्रतियोगिताको उपाधि जितेको छ ।

लमजुङ मध्यनेपाल नगरपालिका ६ स्थित भोर्लेटारमा शनिबार भएको फाइनलमा काठामाडौंको न्यु डायमन्डले पोखराको टप्स मावि पोखरा कास्कीलाई ३–० को सोझो सेटमा पराजित गदै उपाधि जितेको हो । डायमन्डले टप्समाथि २५–१७, २५–१५ र २६–२४ को जित हात पारेको हो । डायमन्ड प्रतिभा माली, पनामिका राई र वालमिका आचार्यसहित लमजुङ पुगेको थियो ।

उपाधिसँगै डायमन्डले ५० हजार रुपैयासहति शिल्ड, मेडलर प्रमाणपत्र प्राप्त ग¥यो । दोस्रो भएको टप्सले ३० हजार रुपैया हात पा¥यो । प्रतियोगितामा एपीएफकी पुजा चौधरी, कविता भट्ट र शशी चौधरीसँगै पुलिसकी ओपन स्पाइकर उषा भण्डारीलगायतले खेलेका थिए ।

डायमन्डकी प्रतिभा माली प्रतियोगिताको सर्वाेत्कृष्ट खेलाडी घोषित भइन् । उनले २ हजार रुपैयाँ पाइन् । टप्सकी ममता डगौरा बेस्ट स्पाइकर, टप्सकै ऋषिसरा थापा बेस्ट सेटर, डायमन्डकी एन्जिला प्रधान बेस्ट डिफेन्डर र आयोजककी रस्मिता दुरा बेस्ट सर्भर घोषित भइन् । सबैले समान १–१ हजार रुपैया पाए ।

भोर्लेटार दिदीबहिनी क्लबको आयोजनामा शुक्रबारबाट शुरु भएको प्रतियोगितामा ६ टोलीले लिग कम नकआउटको आधारमा प्रतिस्पर्धा गरेका थिए । प्रतियोगितामा आयोजक भोर्लेटार दिदीबहिनी क्लब, न्यु डायमन्ड काठमाडौं, टप्स पोखरा, दमौली भलिबल क्लब, पुर्वपश्चिम लमजुङ करापुटार गेस्ट हाउस काठमाडौं सँगै बेशीशहर महिला भलिबल टिमले प्रतिस्पर्धा गरेका थिए ।