7 years ago
June 9, 2019
काभ्रे (हाम्रो खेलकुद)– खानीखोला गाँउपालिका ए ले बेथानचोक कप जिल्ला स्तरीय आमन्त्रण भलिबल प्रतियोगिताको उपाधि जितेको छ । बेथानचोक २ ढुंखर्कमा आइतबार भएको फाइनलमा नमुना प्रगति युवा क्लबलाई ३–२ ले हराउँदै खानीखोलाले उपाधि जितेको हो ।
खानी खोलाले २५–२३, १६–२५, २५–१९, २२–२५, १५–१२ को जित दर्ता गर्दै उपाधिसहित ४० हजार, नमुनाले २५ हजार तथा सेमिफाइनलमा पराजित दुई टोलीले समान १० हजार रुपैयाँ प्राप्त गरे ।
आजै भएको सेमिफाइनलमा महाभारत गाँउ पालिकालाई ३–० को सोझो सेटमा हराउँदै खानी खोला उपाधि नजिक पुगेको थियो । खानीखोलाले २५–१८,२५–२१,२५–२१ मा सेमिफाइनल जितेको थियो । नमुनाले भने अघिल्लो दिन महाकांल गाँउ पालिका लागि ३–२ ले हराउँदै अन्तिम दुईको यात्रा तय गरेको थियो । नमुना २६–२४,२३–२५,२६–२८,२५–२१,१५–१२ ले सेमिफाइनल आफ्नो पक्षमा पारेको थियो । खानीखोलाका सुमन थोकर प्रतियोगिताका उत्कृष्ट खेलाडी घोषित भएका थिए ।
विजेता, उपविजेता टोलीका खेलाडीलाई बेथानचोक गाँउपालिकाका अध्यक्ष प्रेमबहादुर तिमल्सिालगायतले पुरस्कृत गरे । बेथानचोक खेलकुद विकास समितिको आयोजना तथा सेन्चुरी बैंकले प्रायोजना गरेको प्रतियोगितामा काभ्रे र ललितपुरका गरि १८ टोलीको सहभागिता थियो ।
December 7, 2025
हिमाल खरेल, बिर्तामोड नेपाल पुलिस क्लब झापामा सम्पन्न अर्जुनधारा खुला महिला भलिबल प्रतियोगिताको च्याम्पियन बनेको छ । आज भएको फाइनल प्रतिस्पर्धामा अर्को विभागीय टोली सशस्त्र प्रहरीको एपिएफ क्लबलाई हराउँदै पुलिसले उपाधि उचालेको हो । प्रतिस्पर्धात्मक खेलमा पुलिसले एपिएफलाई ३–१ को सेटमा पराजित गर्दै उपाधि उचालेको हो । उपाधिसँगै पुलिसले नगद दुई लाख, ट्रफी, मेडल र […]
December 6, 2025
हिमाल खरेल, बिर्तामोड न्यु डायमन्ड क्लबका प्रशिक्षक कुमार राई झापामा १ लाख रुपैयाँसहित सम्मानित भएका छन् । झापाको अर्जुनधारामा जारी अर्जुनधारा खुला महिला भलिबल प्रतियोगिताको दौरान राईलाई सम्मान गरिएको हो । बिर्तामोड तथा अर्जुनधाराका विभिन्न व्यक्ति तथा व्यावसायिक प्रतिष्ठानहरुले राष्ट्रिय यु १९ महिला टोलीका प्रशिक्षक समेत रहेका राईलाई १ लाख रुपैयाँभन्दा बढी धनराशिसहित आज सम्मान […]
December 6, 2025
हिमाल खरेल, बिर्तामोड नेपाल एपिएफ क्लब झापाको अर्जुनधारामा जारी अर्जुनधारा खुला महिला भलिबल प्रतियोगिताको फाइनलमा प्रवेश गरेको छ । आज भएको अन्तिम सेमिफाइनल खेलमा न्यु डायमन्ड क्लबलाई ३–१ को सेटमा पराजित गर्दै एपिएफ उपाधिनजिक पुगेको हो । प्रतिस्पर्धात्मक खेलमा एपिएफले पहिलो, दोस्रो र चौथो सेटमा न्यु डायमन्डलाई हराएको हो । एपिएफ २५–२२, २५–१६ ,२२-२५ र […]
