10 years ago
December 23, 2015
नेपाल ब्याडमिन्टन संघले भारतको गुहाटी र सिलोङ्गमा आयोजना हुने १२औं दक्षिण एशियाली खेलकुद प्रतियोगितामा सहभागी हुन जाने खेलाडीहरुको पहिलो चरणको छनोट बुधबार सम्पन्न गरेको छ ।
पुष्पलाल र्याङकीङ्ग प्रतियोगितालाई आधार मानेर पुरुषको सिनियर तर्फका उच्च १६ स्थानमा रहेका मध्ये राष्ट्रिय टिममा रहेका पाँच खेलाडी बाहेक र जुनियर यु–१९ मा पहिलो देखि चौथो स्थानमा रहेका खेलाडीहरु गरि कुल १९ र महिला तर्फ सिनियर उच्च १६ स्थानमा रहेका खेलाडी मध्ये राष्ट्रिय टिममा रहेका पाँच खेलाडी बाहेक र जुनियर यु–१९ तर्फ पहिलो देखि चौथो स्थान हात पार्ने खेलाडी गरि कुल १५ खेलाडीहरुको विच पहिलो चरणको प्रतिस्पर्धा गराईएको थियो ।
पहिलो चरणबाट पुरुष तर्फ ५ र महिला तर्फ ३ खेलाडी दोश्रो चरणको लागि छनोट गरिएको नेपाल ब्याडमिन्टन संघका सदस्य एवं छनोट प्रतियोगिताका संयोजक नविन विक्रम शाहले जानकारी गराए । शाहका अनुसार पहिलो चरण बाट पुरुष तर्फ सुदीप सेंढाई, संजीव खड्का, नविन श्रेष्ठ, दीपक बोहरा र इरफान अन्सारी तथा महिला तर्फ मेघा चन्द, सुनैना मुखिया र अनु राई दोश्रो चरणको लागि छनोट भएका छन् ।
दोश्रो चरणको प्रतियोगितामा राष्ट्रिय टिममा रहेका पुरुष तर्फ पाँच खेलाडी रत्नजित तामाङ्ग, विकास श्रेष्ठ, दिपेश धामी, साजन कृष्ण ताम्राकार, विष्णु कटुवाल र पहिलो चरणमा छनोट भएका पाँच खेलाडीहरु गरि कुल १० का विच प्रतिस्पर्धा गराईने र महिला तर्फ पहिलो चरणमा छनोट भएका तीन खेलाडीहरुका साथै राष्ट्रिय टिममा रहेका पाँच खेलाडी सरादेवी तामाङ्ग, नङ्गशला तामाङ्ग, शिक्षा श्रेष्ठ, अमिता गिरी र जेशिका गुरुङ्ग गरि कुल ८ खेलाडीका विच प्रतिस्पर्धा गराईने छ ।
दोश्रो चरणको प्रतिस्पर्धाबाट पुरुष र महिलाबाट समान पाँच÷पाँच खेलाडी दक्षिण एशियाली खेलकुद प्रतियोगिताको लागि छनोट गरिने नेपाल ब्याडमिन्टन संघका महासचिव रामजीबहादुर श्रेष्ठले जानकारी गराएका छन् । दोश्रो चरणको प्रतिस्पर्धा आईतबारबाट संचालन हुने प्रतियोगिता संयोजक नविन विक्रम शाहले जानकारी गराए ।
December 11, 2025
काठमाडौं (हाम्रो खेलकुद) – दोलखा चेस होम्सले आठौं तुल्सीलाल स्मृति राष्ट्रिय क्लब टिम चेस च्याम्पियनसिपको उपाधि जितेको छ। ललितपुर स्पोर्ट्स क्लबको आयोजनामा ललितपुर क्यास्पियन कलेजमा ५ दिन चलेको ७;चरणको राष्ट्रिय चेस टिम प्रतियोगितामा दोलखाले ६ खेलमा जित र १ मा हार बेहोरेको थियो। दोलखा १२ अंक प्रोग्रेसिभ २० प्वाइन्ट जोडेर च्याम्पियन बनेको हो। दोलखा जिल्ला […]
December 9, 2025
हिमाल खरेल, बिर्तामोड भोजपुरको रामप्रसाद राई गाउँपालिकामा चौथो संस्करणको ‘बासिखोरा रन २०८२’ को तयारी सुरु गरिएको छ । प्रतियोगिता यही पुस १९ गते हुनेछ । आयोजक तीन सहिद खेलकुद विकास संस्थाका अनुसार प्रतियोगिता ४ विधामा हुनेछ । बासिखोरामा हुने प्रतियोगितामा पुरुष तथा महिला खुला, पुरुष तथा महिला अन्डर १८, पुरुष तथा महिला अन्डर १३ र […]
December 9, 2025
काठमाडौं (हाम्रो खेलकुद )- विश्व शान्तिका अग्रदुत गौतम बुद्धको जन्मजयन्तीको अवसरमा थाइल्याण्डमा लुम्बिनी नेपाल मिनी म्याराथन हुने भएको छ । गौतम बुद्धको जन्मथलो लुम्बिनीको प्रचारप्रसार गर्ने हेतुले बैशाखको तेस्रो साता १० किमी र ५ किमी रेस आयोजना गर्न लागिएको हो । थाइल्याण्डस्थित नेपाली राजदुतावासको अगुवाईमा थाइल्याण्डमा कार्यरत विभिन्न संघसंस्था र सरोकारवालाबीच बृहत छलफलपश्चात हरेक बर्ष […]
