1 year ago
April 16, 2023
काठमाडौं (हाम्रो खेलकुद)– नेपाल बुद्धिचाल महासंघ र लुम्बिनी इभेन्ट म्यानेजमेन्टको संयुक्त आयोजनामा यहि साता नेसनल चेस च्याम्पियनसिप सुरु हुने भएको छ । काठमाडौ लाजिम्पाट स्थित होटल ले हिमालयमा मंगलबार सुरु हुने च्याम्पियनसिप ६ दिनसम्म आइतबार आयोजित पत्रकार सम्मेलनमा महासंघका अध्यक्ष विदुर गौतमले बताए ।
च्याम्पियनसिप अन्र्तगत २२ औं ओपन एवं सातौैं वुमन गरी दुई विधामा च्याम्पियनसिप संचालन हुने बताइएको छ । राउन्ड रोविन प्रणालीमा हुने च्याम्पियनसिप दुवै विधामा समान १० जना खेलाडीको सहभागिता रहनेछ । नेशनल बी च्याम्पियनसिपबाट छनोट भएका ८ जना, उच्च रेटिङ भएका एक र वर्तमान च्याम्पियन एकको सहभागिता रहनेछ ।
खुला तर्फ उच्च वरियता प्राप्त क्यान्डिडेट मास्टर विवेक थिङ हाल अस्ट्रेलिया भएका कारण च्याम्यिनसिपमा सहभागी नहुने बताइएको छ । २१ औं नेशनल च्याम्पियनसिपपका विजेता क्यान्डिडेट मास्टर पुरुषोत्तम चौलागाईं हुन् भने छैठौं वुमन नेशनल च्याम्पियनसिपकी विजेता फिडे मास्टर सुजना लोहनी हुन् ।
यसपटक उपाधिका लागि वर्तमान च्याम्पियन पुरुषोतमसहित नेशनल बी बाट छनोट भएका फिडे मास्टर रुपेश जैसवाल, फिडे मास्टर क्षितिज भण्डारी, पूर्व विजेता क्यान्डिडेट मास्टर केशव श्रेष्ठ, पूर्व विजेता सूरविर लामा, झापाका प्रकाशचन्द्र नेपाल एवं राजन सुवेदी, काठमाडौका पुरुषोत्तम सिलवाल र दोलखाका राजिव कार्कीबीच प्रतिस्पर्धा हुनेछ । वैकल्पिक खेलाडीको रुपमा ललितपुरका राजन पुरी एवं सजिन महर्जन छन् ।
त्यसैगरी महिलातर्फ वर्तमान च्याम्पियन सुजनासहित नेशनल बी बाट छनोट भएका पूर्व विजेता सिन्दिरा जोशी, झापाका कृतिसारा अधिकारी एवं पुनम प्रसाईं, मोरङका खुश्बु थापा एवं शान्ति धिमाल, कास्कीका पूजा भण्डारी, काठमाडौका विनिता कपाली, रिया श्रेष्ठ एवं मार्सल तामाङले प्रतिस्पर्धा गर्नेछन् । वैकल्पिक खेलाडीको रुपमा चितवनका लक्ष्मी कँडेल र पर्साका सुशिला गुरुङ छिन् ।
च्याम्पियनसिपका विजेताले वैशाख १८ गतेदेखि २७ गते सम्म बंगलादेशको ढाकामा आयोजना हुने फिडे जोन ३.२ चेस च्याम्पियनसिपमा तथा कजकस्तानको आस्थानामा जेठ २२ देखि ३२ गते सम्म हुने एशियन कन्टिनेन्टलमा सहभिागता जनाउनेछन् । त्यसैगरी २०२४ मा हंगेरीको बुढापेस्टमा हुने ४५ औं चेस ओलम्पियाडमा समेत सहभागिता सुनिश्चित गर्नेछन् ।
प्रत्येक वर्ष आयोजना हुने नेसनल च्याम्पियनसिपमा शीर्ष ३ मा रहने खेलाडीले आगामी वर्ष हुने २३ औं नेशनल तथा आठौं वुमन नेसनल च्याम्पियनसीपमा सहभागिता सुनिश्चित गर्नेछन् । अन्य खेलाडीले नेसनल बी मा प्रतिस्पर्धा गर्नुपर्नेछ महासंघका अध्यक्ष गौतमले जनाएका छन् । च्याम्पियनसिपमा ९ लाख ५० हजार रुपैयाँ खर्च हुने महासंघको अनुमान छ ।
May 2, 2024
हिमाल खरेल,इटहरीतेस्रो ओलम्पियन्स रियुनियन (पुनर्मिलन) तथा सेलिब्रेटी खेलाडी भेट कार्यक्रमअन्तर्गत सुनसरीको इटहरीमा वाकाथन (पैदल यात्रा) सँगै स्वागत कार्यक्रम सम्पन्न भएको छ । कोशी प्रदेशको खेलकुदसँगै आन्तरिक पर्यटन प्रवर्धनका लागि ओलम्पिकमा सहभागिता जनाएका खेलाडी तथा खेलकुदका चर्चित अनुहारलाई पुनर्मिलन गराउने कार्यक्रमको सुरुवात कोशी प्रदेशका उद्योग, कृषि तथा सहकारीमन्त्री रामकुमार मन्त्री खत्रीले गरेका थिए । आज बिहीबार […]
May 1, 2024
हिमाल खरेल,मोरङ ओलम्पियन रियुनियन (पुनर्मिलन) तथा सेलिब्रेटी खेलाडी भेटमा सहभागी हुन ओलम्पिक खेलाडीहरू मोरङको विराटचोक आइपुगेका छन् । कोशी प्रदेशका विभिन्न सहरमा हुने चार दिने ओलम्पियन पुनर्मिलन कार्यक्रममा सहभागी जनाउन अस्ट्रिया, मलेसियाका साथै नेपालका खेलाडीहरु ओलम्पियन कार्यक्रमस्थल आइपुगेका हुन् । विराटनगर विमानस्थलमा बुधबार दिउँसो कोशी प्रदेश खेलकुद विकास बोर्डकी उपाध्यक्ष बिन्दिया कार्कीले ८ जना ओलम्पियनलाई […]
April 11, 2024
काठमाडौं (हाम्रो खेलकुद)– लन्डन म्याराथनमा भाग लिने तयारीमा रहेका धावक गोपीचन्द्र पार्कीलाई केएल दुगडले १ लाख रुपैयाँ उपलब्ध गराउने भएको छ । गापीको विदाईमा बिहीबार नेपाल ओलम्पिक कमिटी (एनओसी) मा राखिएको विदाईमा केएल दुगडका प्रबन्ध निर्देशक कुमुद दुगडले उनको तयारीका लागि १ लाख रुपैयाँ दिने घोषणा गरेका हुन् । प्रबन्ध निर्देशक दुगड, एनओसीका जीवनराम श्रेष्ठ, […]