6 years ago
November 15, 2017
काठमाडौं (हाम्रो खेलकुद)– नेपाल तेक्वान्दो संघले संघियताको अभ्यास सुरु गरेको छ । अघिल्लो महिना केन्द्रिय अधिवेशन सकेको संघको पहिलो प्रदेश संघका रुपमा प्रदेश नं ३ को तदर्थ समिति गठन भएको छ । केशव पुरीको अध्यक्षतामारहेको २५ सदस्यीय तदर्थ समितिलाई आज राजधानीमा आयोजित भेलाले अनुमोदन गरेको थियो । प्रदेश संघको उपाध्यक्षमा राजन सिंह भण्डारी, माधव नेपाल, […]
काठमाडौं (हाम्रो खेलकुद)– नेपाल तेक्वान्दो संघले संघियताको अभ्यास सुरु गरेको छ । अघिल्लो महिना केन्द्रिय अधिवेशन सकेको संघको पहिलो प्रदेश संघका रुपमा प्रदेश नं ३ को तदर्थ समिति गठन भएको छ । केशव पुरीको अध्यक्षतामारहेको २५ सदस्यीय तदर्थ समितिलाई आज राजधानीमा आयोजित भेलाले अनुमोदन गरेको थियो ।
प्रदेश संघको उपाध्यक्षमा राजन सिंह भण्डारी, माधव नेपाल, दीपक मलहोत्रा, प्रकाश खड्गी, मिनबहादुर थापा छन् । त्यस्तै महासचिव मा रमेश खड्का, सचिवमा राजेश प्रजापति, कोषाध्यक्षमा किरण थापा र सह कोषाध्यक्षमा हरिहर ढुंगाना छन् । प्रदेश संघको सदस्यमा बसन्ती डंगोल तामाङ, सुवास श्रेष्ठ, श्रवणकुमार जिसी, सुमन पराजुली, निर्मल लामा, टोनिल कर्माचार्य, नरेन्द्र थापा सदस्य छन् ।
त्यस्तै दिल महर्जन, मनोज खड्गी, सोभितमान गिरी, आयषा शाक्य, विक्रम खड्गी, राजेन्द्र खत्री, रकविराज नेगी लामा र विरमान स्याङ्तान सदस्य छन् । मन्त्रीपरिषद्का पूर्व अध्यक्ष खिलराज रेग्मीको उपस्थितिमा तदर्थ समितिका पदाधिकारी एवंम् सदस्यको नाम घोषणा गरिएको थियो । तेक्वान्दो संघका महासचिव दीपराज गुरुङका अनुसार अघिल्लो महिना सम्पन्न संघको साधारण सभाले नयां संविधान अनुसार प्रदेश सभाको संघ गठन गर्ने निर्णय गरेको जानकारी दिए ।
‘देश नयाँ संरचनामा गइसकेकोले अब हामीले पनि संघलाई पनि त्यसै गरि सञ्चालन गर्न आवश्यक छ’ गुरुङले भने, ‘त्यहि अनुसार हामीले पहिलो प्रदेश संघका रुपमा आज गठन गरेका छौं । अब केही समय भित्र सातै प्रदेशमा संघ गठन हुनेछ ।’ प्रदेश तेक्वान्दोको विकासका लागि योजना बनाउने र कार्यान्वयनको काम संघ आफ्नैले गर्ने बताइएको छ । अब केन्द्रले वैदेशिक सम्बन्ध, राष्ट्रिय टोलीको तयारी र राष्ट्रिय प्रतियोगिता मात्र हेर्ने गुरुङले जानकारी दिए ।
‘अबको नयाँ प्रणालीमा स्थानिय खेलको विकास प्रदेश संघकै जिम्मामा हुनेछ’ उनले थपे, ‘तेक्वान्दोको विकासका लागि यो अवधारणा अझै प्रभाकारी हुने विश्वास लिएका छौं ।’घोषणापछि मन्त्रीपरिषद्का पूर्व अध्यक्ष रेग्मी, युवा तथा खेलकुद मन्त्री राजेन्द्रकुमार केसी र पूर्व सांसद मदनलाल अमात्यले सफल कार्यकालको शुभकामना दिएका थिए । नेपाली तेक्वान्दो इतिहासका बारेमा बोल्दै संघका महासचिव गुरुङले तेक्वान्दो नेपालको सर्वाधिक सफल भएको उल्लेख गर्दै आउने दिनमा अझै विकास र विस्तार गर्नुपर्नेमा जोड दिए ।
April 11, 2024
काठमाडौं (हाम्रो खेलकुद)– लन्डन म्याराथनमा भाग लिने तयारीमा रहेका धावक गोपीचन्द्र पार्कीलाई केएल दुगडले १ लाख रुपैयाँ उपलब्ध गराउने भएको छ । गापीको विदाईमा बिहीबार नेपाल ओलम्पिक कमिटी (एनओसी) मा राखिएको विदाईमा केएल दुगडका प्रबन्ध निर्देशक कुमुद दुगडले उनको तयारीका लागि १ लाख रुपैयाँ दिने घोषणा गरेका हुन् । प्रबन्ध निर्देशक दुगड, एनओसीका जीवनराम श्रेष्ठ, […]
April 10, 2024
काठमाडौं (हाम्रो खेलकुद)– पेरिस पारालिम्पिक गेम्सको तयारीका लागि पलेशा गोबद्र्धन अर्को साता स्वदेश फर्कने भएकी छिन् । अध्ययनको सिलसिलामा चीनमा रहेकी पलेशा आइतबार स्वदेश आइपुग्ने उनका प्रशिक्षक कविराज नेगी लामाले जानकारी दिए । सन् २०२४ अगस्ट २८ देखि सेप्टेम्बर ८ सम्म हुने पारालिम्पिकका लागि पलेशाले छनोट चरण पार गरिसकेकी छिन् । पलेशाको तयारीका लागि नेसनल […]
April 10, 2024
काठमाडौं (हाम्रो खेलकुद)- फाल्डो जुनियर टुर नेपाल च्याम्पियनसिपको पहिलो दिन बुधबार सदभाव आचार्य, ईदान्त सिंह साउद र अवानी राई आ-आफ्नो उमेर समूहको शीर्षस्थानमा रहेन सफल भएका छन्। नेपाल गल्फ संघको आयोजनामा रोयल नेपाल गल्फ क्लबमा सुरु भएको च्याम्पियनसिप अन्तर्गत पुरूष १७ देखि २१ वर्ष उमेर समुहमा राष्ट्रिय टिमका सदस्य सदभाव ५-अन्डर ६३ को उत्कृष्ट स्कोर […]