झापा (हाम्रो खेलकुद) – राष्ट्रिय च्याम्पियन नङ्शलदेवी तामाङ झापाकी जेशिका गुरुङसँग पराजित हुदै सातौ पुष्पलाल स्मृति राष्ट्रिय ब्याडमिन्टन प्रतियोगिताको सेमिफाएनलबाटै बाहिरिएकी छिन् ।

नेपाल नम्वर एक महिला खेलाडीसमेत रहेका नङ्सल जेसिकासँग १४–२१, २१–१५ र २१–१६ ले पराजित हुदै प्रतियोगिताबाट बाहिरिएकी हुन् । जेसिका महिला यु–१९ को पनि फाइनलमा पुग्न सफल भएकी छिन् ।

खेलकुद महासंघ, राष्ट्रिय ब्याडमिन्टन संघको आयोजनामा ईटहरीमा भएको प्रतियोगितामा नवौं स्थानमा रहेकी जेशिकाले अब फाइनलमा सेनाकै रसिला महर्जनसँग प्रतिस्पधर्मा गर्नेछिन् । रसिलाले झापाकी सुनैना मुखियालाई २१–६ र २१–१७ ले पराजित गरिन् ।

१४ बर्षिय खेलाडी रशिलाले प्रतियोगिता जितेमा कम उमेरमा सिनियर खेलमा प्रतियोगिता जित्ने खेलाडी बन्ने राष्ट्रिय ब्याडमिन्टन संघका अध्यक्ष बिरेन्द्र श्रेष्ठले बताए ।

महिला जोडीमा झापाकी जेसिकाले सुनैना मुखियासँग मिलेर सेनाका रशिला महर्जन र अमिता गिरीको जोडीलाई २१–१६, १७–२१ र २१–१७ ले पराजित गर्दै फाईनल यात्रा तय गरिन् । यो जोडीले उपाधिका लागि सेनाका नङ्शल देवि तामाङ र अनुमाया राईको जोडीसँग प्रतिस्पर्धा गर्नेछिन् ।

महिला यु १९ मा जेशिकाले उपाधीका लागि सेनाकी रशिला महर्जनलाई पन्छाउनु पर्नेछ । जेशिकाले बिराज ब्याडमिन्टन क्लबकी रोज पाण्डे माथि २१–९, २१–५ को जित निकाल्दा १४ बर्षिय रशिलाले बिराट ब्याडमिन्टन क्लबकै शिमा राजबंशीलाई २१-११, २१-१६ले पराजित गरिन् ।

ईटहरी काभ्य बाटिकास्थित इटहरी ब्याडमिन्टन क्लबको हलमा भएको प्रतियोगिताको पुरुष एकलतर्फ सेनाका रत्नजित तामाङ्ग र एपिएफका दिपेश धामी पुन एक पटक फाईनलमा आमने सामने हुने भएका छन् । रत्नले भोजपुरका बिकास श्रेष्ठलाई २१–१८, २१–१५ ले पाखा लगाउंदा उनका प्रतिद्वन्दि धामीले सेनाका नविन श्रेष्ठलाई १४–२१, २१–८ र २१–१५ ले पन्छाउन सफल भए ।

पुरुष जोडी तर्फ सेनाका रत्न र नविन श्रेष्ठको जोडी फाईनल प्रवेश ग¥यो । सेनाका जोडीले पुलिसका बिष्णु कटुवाल र जीवन आचार्यको जोडीलाई २१–१४, २१–१७ले पराजित ग¥यो ।

यस्तै अर्को सेमिफाईनल खेलमा एपिएफका दिपेश धामी र बिजित थापा मगरको जोडीले सेनाका सुरोज महर्जन र प्रफुल महर्जनको जोडीलाई २१–१९, २१–१८ ले पराजित गर्दै फाईनल यात्रा तय गरे । पुरुषको यु १९ तर्फ सेनाका प्रफुल महर्जन र रुकेश फाइनलमा प्रवेश गरेका छन् ।