एसियाड जुडोः पुनम रेपिचेजमा पराजित

जाकार्ता (हाम्रो खेलकुद) – एसियन गेम्स अन्र्तगतको जुडोको ७८केजी तौल समूहमुनि नेपालकी पुनम श्रेष्ठ रेपिचेजमा पराजित भएकी छन् जेसीसी प्लेनरी हलमा शुक्रबार भएको खेलमा पुनम रेपिचेजमा काजकस्तानकी जरिना राइफोभासँग १०–३ ले पराजित भइन् ।

३ मिनेट २ सेकेन्ड टिकेकी पुनमले ३ सिदो पाइन् । पुनमले पनि विपक्षी खेलाडीमाथि १ सिदो लिन सफल भएकी थिइन् ।
यसअघि क्वाटरफाइनलमा युजिन पार्कसँग १०–२ ले पराजित भएपनि युजिन फाइनलमा पुगेका कारण पुनमले रेपिचेजको मौका पाएकी थिइन् । पुनम पार्कसँगको खेलमा २ मिनेट ४४ सेकेन्ड टिकिन् ।

पुरुष ९० केजी तौल समूहमुनि श्रीराम मकाजु प्रि–क्वाटरफाइनलमा ताजिकिस्तानका कोमरोनसोख उट्सोपिरियोनसँग ११–२ ले पराजित भए । मकाजु विपक्षी खेलाडीसँग मात्रै १ मिनेट ५३ सेकेन्ड मात्रै टिक्न सफल भए ।

पुरुष १०० केजीमुनिको प्रि–क्वाटरफाइनलमा रविन श्रेष्ठ उज्वेकिस्तानका शेराली जुरेभसँग १०–२ ले निराश बने । श्रेष्ठ ३ मिनेट २ सेकेन्डमा इप्पोन (नकआउट) भए ।