default_image

5 years ago

March 26, 2019

स्वर्ण विजेता अजितलाई सम्मानसँगै ५ कर्पोरेट हाउसको प्रायोजन

काठमाडौं (हाम्रो खेलकुद) – नेपाली एथलेटिक्समा ४५ वर्षपछि ऐतिहासिक स्वर्णपदक दिलाएका युवा खेलाडी अजित कुमार यादवलाई नेपाल एथलेटिक्स संघले मंगलबार सम्मान गरेको छ । संघले मंगलबार राजधानीमा एक कार्यक्रममा बीच एक थान टिभीएस मोटरसाइकल र सम्मानपत्रले सम्मानित गरेको हो । यस्तै उनका प्रशिक्षक धनीराम चौधरीलाई पनि संघले १ लाख रुपैयाँसहित सम्मानित गरेको छ । स्वर्ण […]

53 views

0 Bookmark

काठमाडौं (हाम्रो खेलकुद) – नेपाली एथलेटिक्समा ४५ वर्षपछि ऐतिहासिक स्वर्णपदक दिलाएका युवा खेलाडी अजित कुमार यादवलाई नेपाल एथलेटिक्स संघले मंगलबार सम्मान गरेको छ ।

संघले मंगलबार राजधानीमा एक कार्यक्रममा बीच एक थान टिभीएस मोटरसाइकल र सम्मानपत्रले सम्मानित गरेको हो । यस्तै उनका प्रशिक्षक धनीराम चौधरीलाई पनि संघले १ लाख रुपैयाँसहित सम्मानित गरेको छ । स्वर्ण विजेता अजितलाई संघका अध्यक्ष राजीवविक्रम शाहले मोटरसाइकलको चावी हस्तान्तरण गरे ।

उनलाई नेपाल उद्योग वाणिज्य महासंघका अध्यक्ष भवानी राणा, गोल्छा अर्गनाइजेसनका शेखर गोल्छा, नविल बैंकका सिइओ अनिल केशरी शाह, जावलाखेल ग्रुप अफ इन्ड्रष्टिजका प्रतिनिधि, गोल्डस्टारकी विधुशी राणा, राष्ट्रिय खेलकुद परिषदका सदस्य इन्दिरा निरौला उपाध्यय लगायतले बधाई तथा सम्मान व्यक्त गरे ।

अजितले गत आइतबार हङकङमा भएको तेश्रो एसियाली युथ एथलेटिक्स च्याम्पियनसिपमा नेपाललाई ऐतिहासक स्वर्ण दिलाएका थिए । घरेलु प्रतियोगितामा नेपाल एपीएफ क्लबबाट खेल्ने उनले पुरुष ३ हजार मिटर दौडमा स्वर्ण हात पारेका थिए । यो स्पर्धामा खजितसहित १२ राष्ट्रका १५ खेलाडीले प्रतिस्पर्धा गरेका थिए ।

राजविराजका १७ वर्षीय अजितले निर्धारित दुरी ८ मिनेट ३०.३२ सेकेन्डमा पूरा गरे । उनले भारतका अमित जान्गिरलाई ६ सेकेण्डले पछि पारे । यो समयसँगै अजितले आफ्नै नाममा रहेको जुनियर राष्ट्रिय कीर्तिमान पनि सुधार गरेका थिए । यसैवर्ष राष्ट्रिय खेलकुद परिषद्ले आयोजना गरेको केन्द्रीय विद्यालयस्तरीय राष्ट्रपति रनिङ सिल्डमा अजितले ८ मिनेट ४४.९ सेकेन्डको जुनियर राष्ट्रिय कीर्तिमान बनाएका थिए । सिनियर भने यो कीर्तिमान ज्ञानबहादुर बोहराको नाममा छ । उनले १९९९ मा भारतको नयाँ दिल्लीमा भएको एथलेटिक्स च्याम्पियनसिपमा ८ मिनेट २३.५९ सेकेन्डको कीर्तिमान रचेका थिए ।

अन्तर्राष्ट्रिय एथलेटिक्स महासंघ (आईएएएफ) द्वारा मान्यता प्राप्त र एसियाली एथलेटिक्स महासंघले आयोजना गर्ने अफिसियल एसियाली च्याम्पियनसिपमा नेपाली खेलाडीले जितेको यो पहिलो स्वर्ण हो । समग्रमा भने यो दोश्रो पदक हो । ४५ वर्षअघि (१९७३) फिलिपिन्सको मनिलामा भएको एसियाली ट्रयाक एन्ड फिल्ड च्याम्पियनसिपमा जितबहादुर केसीले म्याराथनमा कास्य जितेका थिए । त्यो कांस्य अन्तर्राष्ट्रिय प्रतियोगितामा नेपालले जितेको पहिलो पदक पनि हो ।

अजितलाई ५ कर्पोरेट हाउसको प्रायोजन

नेपाली युवा खेलाडी अजित यादवलाई विभिन्न ५ कर्पाेरेट हाउसहरुले १ वर्षको लागि प्रायोजन गरेको छ । अजितलाई एक वर्षको प्रायोजन गर्ने कर्पोरेट हाउसहरुमा गोल्छा अर्गनाइजेसन, नविल बैंक, रुस्लान, गोल्डस्टार र होटल अन्नपुर्ण रहेका छन् । उनीहरुले मासिक समान १२–१२ हजारका दरले कुल ६० हजार रुपैयाँ उपलब्ध गराउने छन् । यसको घोषणा नबिल बैंकका प्रमुख कार्यकारी अधिकृत अनिल केशरी शाहले गरे । यस्तै अन्नपुर्ण होटेलले १ वर्षको लागि २ लाख बराबरको स्विमिङसँगै जिम र साउना उपलब्ध गराउने बताए ।

March 28, 2024

भलिबल संघ र केल्मीबीचको सम्झौता नविकरण

काठमाडौं (हाम्रो खेलकुद)– अन्तर्राष्ट्रिय खेल पोशाक तथा सामग्री निमार्ण कम्पनी केल्मी स्पोर्टस प्रोडक्ट कम्पनीले राष्ट्रिय खेल भलिबललाई आफ्नो प्रायोजनमा निरन्तरता दिएको छ । केल्मीको नेपालका लागि आधिकारिक विक्रेता कामारु ट्रेडिङ प्राली र नेपाल भलिबल संंघबीच बिहीबार ३ वर्षका लागि सम्झौता नविकरण भएको हो । कामारुका निर्देशक प्रदीप न्यौपाने र संघका अध्यक्ष जीतेन्द्रबहादुर चन्दले सम्झौता पत्रमा […]

March 21, 2024

राइट टु प्रोटिन रनमा ७ हजार बढी दौडने

काठमाडौं (हाम्रो खेलकुद)– राइट टु प्रोटिन रनको हाफ म्याराथनको तेस्रो संस्करण सबै तयारी पूरा भएको आयोजक नेपाल भेटेरिनरी एसोसिएसनले जानकारी दिएको छ । हाफ म्याराथन शनिबार दशरथ रंगशालामा आयोजना हुँदैछ । प्रोटिन माथिको अधिकारको मर्मलाई आत्मसात गर्दै प्रोटिनजन्य पदार्थमा पहुँच बढाउन जनचेतना फैलाउने उद्देश्यले म्याराथन आयोजना गरिएको बिहीबार आयोजित पत्रकार सम्मेलनमा प्रतियोगिताका संयोजक सितलकाजी श्रेष्ठले […]

March 4, 2024

सूर्य नेपाल च्यालेन्ज– पहिलो दिन रामेको अग्रता

काठमाडौं (हाम्रो खेलकुद) – सूर्य नेपाल गल्फ टुर २०२३–२४ अन्तर्गतको पाँचौं प्रतियोगिताका रुपमा रहेको सूर्य नेपाल च्यालेन्जको पहिलो दिन ३–अन्डर ६५ को स्कोरमा भेट्रान प्रो रामे मगर शीर्षस्थानमा रहेका छन् । रामेले एमेच्योर युवा गल्फर तथा साविक विजेता सदभाव आचार्यलाई एक स्ट्रोकले पछि पारे । २–अन्डर ६६ सहित सदभाव दोस्रो स्थानमा रहँदा १–अन्डर ६७ सहित […]

Success

Thank you for your time.