default_image

1 year ago

February 20, 2023

सन्तोषी प्रशिक्षणका लागि इथोपिया पुग्दै

90 views

0 Bookmark

काठमाडौं (हाम्रो खेलकुद)– दक्षिण एसियाली खेलकुद (साग) की स्वर्ण पदक विजेता धाविका सन्तोषी श्रेष्ठ सोमबार (आज) इथोपिया पुग्दैछिन् । ग्लोबल स्पोर्टस कम्युनिकेसनको छात्रबृति एक महिना भन्दा लामो प्रशिक्षणका लागि सन्तोषी आइतबार काठमाडौंबाट त्यसतर्फ प्रस्थान गरेकी थिइन् ।

एनआरएनए स्पोर्टस फाउन्डेसनले उनलाई छात्रबृति दिलाउनका लागि पहल गरेको थियो । उनको प्रशिक्षणमा इयर्ली ट्रष्टको आर्थिक सहयोग रहेको बताएको छ । ग्लोबल स्पोर्टसले खेलाडीहरुको व्यवस्थापन हेर्ने संस्था हो । तीन वर्षअघि स्वदेशमा आयोजना भएको १३ औं सागमा सन्तोषीले १० हजार मिटर दौडमा स्वर्ण पदक जितेकी थिइन् ।

झन्डै चार दशक लामो साग इतिहासमा एथलेटिक्सतर्फ सागमा स्वर्ण पदक दिलाउने उनी पहिलो नेपाली खेलाडी हुन् । सागयता सन्तोषीले देश भित्र भाग लिएका अधिकांश प्रतियोगितामा उपाधि जित्दै आएकी छिन् । कात्तिकमा गण्डकी प्रदेशमा भएको नवौं राष्ट्रिय खेलकुदमा उनले ५ हजार र १० हजार मिटर दौडमा स्वर्ण पदक जितेकी थिइन् ।

सन्तोषीले आफू भाग्यमानी रहेको जनाउँदै विदाई कार्यक्रममा भनिन्, ‘यति ठूलो कार्यक्रमको लागि चयन भएकी छु । धेरै नयाँ सिकर जितको मानसिकता बोकेर आउनेछु । यसले व्यक्तिगत प्रदर्शनमा सकारात्मक असर पर्नेछ । नयाँ पुस्तालाई पनि सहयोग गर्न सक्ने हुनेछु । ग्लोबल स्पोर्टस कम्युनिकेसनको कार्यक्रममा छानिने उनी दक्षिण एसियाको पहिलो र एसियाकै दोस्रो खेलाडी भएको बताइएको छ ।’

ओलम्पिक तथा विश्व च्याम्पियनसिपका विजेताहरुलाई प्रशिक्षण दिइसकेका टेसे अब्सहिरोसँग सन्तोषीले ३५ दिने प्रशिक्षण लिने बताइउको छ । त्यसपछि उनी नेदरल्यान्ड्समा आयोजना हुने १६ औं संस्करणको भेनलुप हाफ म्याराथनमा भाग लिन जानेछिन् ।

सन्तोषीलाई राष्ट्रिय खेलकुद परिषद्का सदस्य सचिव टंकलाल घिसिङ, नेपाल ओलम्पिक कमिटीका महासचिव तथा एनआरएन स्पोर्टस फाउन्डेसनका संस्थापक निलेन्द्रराज श्रेष्ठ, उनका प्रशिक्षक रघु वन्तलगायतले विदाई गरेका थिए । सदस्य सचिव घिसिङले भविष्यमा सन्तोषीलाई आवश्यक पर्ने सहयोगका लागि परिष्द तयार रहेको बताए ।

June 22, 2024

अपहिल केडिसी रनमा नरेन्द्र र पूर्णलक्ष्मी पहिलो

काठमाडौं (हाम्रो खेलकुद) – नेपाल आर्मीकाद्वय नरेन्द्रसिंह रावत र पूर्णलक्ष्मी न्यौपाने राष्ट्रिय खुल्ला अपहिल केडिसी रनमा शनिबार पहिलो भएका छन् । २१ किलोमिटर दूरीको दौडमा नरेन्द्र पुरुषतर्फ र पूर्णलक्ष्मी महिलामा पहिलो भएका हुन् । नरेन्द्रले निर्धारित दूरी १ घण्टा १९ मिनेट ५१ सेकेन्डमा पूरा गरे । दोश्रो भएका करण रावलले १ घण्टा २१ मिनेट ५५ […]

June 22, 2024

राजपुरालाई हाफ म्याराथन उपाधि

काठमाडौं (हाम्रो खेलकुद)- नेपाल पुलिस क्लबकी राजपुरा पछाईले राष्ट्रिय खुल्ला महिला हाफ म्याराथन प्रतियोगिताको‌ उपाधि जितेकी छिन् । राजपुरा १ घण्टा १९ मिनेटमा दौड पूरा गर्दै उपाधि जितेकी‌ हुन् । पुलिसकै राममाया बुढा दोस्रो भइन् । १ घण्टा २३ मिनेट १० सेकेण्डमा दौड पूरा गरकी थिइन्।नेपाल एपिएफ क्लब पुष्पा भण्डारी तेस्रो भइन्। १ घण्टा २५ […]

May 18, 2024

कान्तिपुर हाफ म्याराथन – राजपुराको ह्याट्रिक, दीपकलाई उपाधि

काठमाडौं (हाम्रो खेलकुद) – नेपाल पुलिस क्लबकी राजपुरा पछाईं र त्रिभुवन आर्मी क्लबका दीपक अधिकारीले १२ औं कान्तिपुर हाफ म्याराथनको उपाधि जितेका छन् । राजपुराले लगातार तेस्रो पटक उपाधि जितेर ह्याट्रिक गर्दा दीपक पहिलो पटक विजेता बनेका हुन् । महिलातर्फ राजपुराले १ घण्टा २२ मिनेट २५ सेकेन्डको टाइमिङ निकाल्दै उपाधि जितिन् । गत वर्ष उनी […]

Success

Thank you for your time.