3 years ago
March 4, 2023
काठमाडौं (हाम्रो खेलकुद)– अर्को साता आयोजना हुने १६ औं एसियन क्रस कन्ट्री च्याम्पियनसिपमा भाग लिन विदेशी खेलाडी आउने क्रम सुरु भएको छ ।
जापानका २ खेलाडी युआ सारुमिडा र डाइची कामिनोसहित ४ सदस्यीय टोली शनिबार काठमाडौं आइपुगेका छन् । सारुमिडाले सिनियर महिला १० र कामिनोले सिनियर पुरुष १० किलोमिटरमा प्रतिस्पर्धा गर्नेछन् ।
नेपाल एथलेटिक्स संघका प्रतिनिधिले त्रिभुवन अन्तर्राष्ट्रिय विमानस्थलमा उनीहरुलाई स्वागत गरेका थिए । जापानी दुई खेलाडी
२२ वर्षपछि नेपालमा हुन लागेको च्याम्पियनसिपमा नेपालसहित १० भन्दा बढी देशका खेलाडीको खेलाडीको सहभागिता रहनेसंघले जनाएको छ । च्याम्पियनसिपमा सबै भन्दा बढी नेपालका १९ खेलाडीको सहभागिता रहनेछ ।
च्याम्पियनसिपमा दक्षिण एसियाका अन्य राष्ट्र भारत,बंगलादेश, माल्दिभ्स र पाकिस्तानले पनि खेलाडी पठाउने निश्चित गरिसकेको बताइएको छ । एसियन एथलेटिक्स एसोसिएसनको तत्वाधान तथा नेपाल एथलेटिक्स संघको आयोजनामा मंगलबार गोकर्ण फरेस्ट रिसोर्टमा च्याम्पियनसिप आयोजना हुन लागेको हो ।
यसअघि नेपालले सन् २००१ मा क्रस कन्ट्रीको छैटौं संस्करण आयोजना गरेको थियो । त्यति बेला नेपालले जुनियर महिलातर्फ कास्य पदक जितेको थियो । यसअघि सन् २०११ मा पनि च्याम्पिसिप आयोजनाको प्रयास भएपनि सफल भएको थिएन ।
च्याम्पियनसिपमा सिनियर पुरुष र महिलातर्फ १० किमि, २० वर्ष मुनिका जुनियर पुरुषतर्फ ८ किमि र २० वर्ष मुनिका जुनियर महिलातर्फ ६ किमि गरी कूल ४ विधामा व्यक्तिगत र टिम ईभेन्टसहरुमा प्रतिस्पर्धा हुने बताइएको छ ।
च्याम्पियनसिपलाई बागमती प्रदेश खेलकुद विकास परिषद, नेसनल लाइफ इन्स्योरेन्स कम्पनी लिमिटेड र एमएडब्ल्यु इन्टरप्राइजेज प्र.लि.सँग सहयोग गरेका छन् ।
December 9, 2025
हिमाल खरेल, बिर्तामोड भोजपुरको रामप्रसाद राई गाउँपालिकामा चौथो संस्करणको ‘बासिखोरा रन २०८२’ को तयारी सुरु गरिएको छ । प्रतियोगिता यही पुस १९ गते हुनेछ । आयोजक तीन सहिद खेलकुद विकास संस्थाका अनुसार प्रतियोगिता ४ विधामा हुनेछ । बासिखोरामा हुने प्रतियोगितामा पुरुष तथा महिला खुला, पुरुष तथा महिला अन्डर १८, पुरुष तथा महिला अन्डर १३ र […]
December 9, 2025
काठमाडौं (हाम्रो खेलकुद )- विश्व शान्तिका अग्रदुत गौतम बुद्धको जन्मजयन्तीको अवसरमा थाइल्याण्डमा लुम्बिनी नेपाल मिनी म्याराथन हुने भएको छ । गौतम बुद्धको जन्मथलो लुम्बिनीको प्रचारप्रसार गर्ने हेतुले बैशाखको तेस्रो साता १० किमी र ५ किमी रेस आयोजना गर्न लागिएको हो । थाइल्याण्डस्थित नेपाली राजदुतावासको अगुवाईमा थाइल्याण्डमा कार्यरत विभिन्न संघसंस्था र सरोकारवालाबीच बृहत छलफलपश्चात हरेक बर्ष […]
December 8, 2025
काठमाडौं (हाम्रो खेलकुद)- सन्तोषी श्रेष्ठले आइतवार भ्यालेन्सिया म्याराथन २०२५ मा महिला म्याराथनमा नयाँ राष्ट्रिय कीर्तिमान बनाएकी छिन्। ४२.१९५ किलोमिटर म्याराथन सन्तोषीले २ घन्टा ४० मिनेट २३ सेकेन्डमा पूरा गर्दै कीर्तिमान बनाएकी हुन् । उनले लण्डन म्याराथन राखेको २ घन्टा ४२ मिनेट ५० सेकेन्डको आफ्नै कीर्तिमान तोडेकी हुन्। लण्डन म्याराथनमा सन्तोषीले आफ्नो डेब्यु बंगलादेशको बंगबन्धु म्याराथन […]
