default_image

1 month ago

April 6, 2024

तीर्थले जिते लुम्बिनी पिस म्याराथन

624 views

0 Bookmark

लुम्बिनी (हाम्रो खेलकुद)- तीर्थ पुनले शनिबार लुम्बिनी पिस म्याराथनको उपाधि जितेका छन् । रुपन्देहीको लुम्बिनीमा भएको म्याराथनमा‌ तीर्थले दुरी २ घण्टा २० मिनेट ४९ सेकेन्डमा पूरा गरे ।

खड्ग बहादुर खड्का २ घण्टा २० मिनेट ५७ सेकेन्डमा निर्धारित दूरी पार गर्दै दोस्रो बने । दुर्गा बहादुर बुढा तेस्रो बने । उनले निर्धारित दुरी २ घण्टा २२ मिनेट २७ सेकेन्डमा पार गरे ।  तीर्थले ५ लाख, खड्गले ३ लाख र  दुर्गाले २ लाख रुपैयाँ प्राप्त गरेका छन् ।

त्यस्तै लुम्बिनी अन्तर्राष्ट्रिय पिस म्याराथनको महिला हाफ म्याराथन सन्तोषी‌ श्रेष्ठले जितेकी छिन्।
सन्तोषीले २१ किमिको दूरी १ घन्टा १८ मिनेट ४५ सेकेन्डमा पूरा गर्दै दोश्रो सस्करणको  लुम्बिनी पिस म्याराथनको महिला हाफ म्याराथनको उपाधि जितेकी हुन् ।

१३ औं दक्षिण एसियाली खेलकुद (साग) की स्वर्ण पदक विजेता सन्तोषीले चैत १० गते काठमाडौंमा प्रोटिन म्याराथनको हाफ म्याराथनको‌ उपाधि जितेकी थिइन्।
त्रिभुवन आर्मी क्लबकी  पूर्ण राज्य लक्ष्मी न्यौपाने दोस्रो र एपिएफकी पुष्पा भण्डारी तेस्रो भइन् ।

पूर्ण राज्यले १ घन्टा १९ मिनेट २१ सेकेण्ड र पुष्पाले १ घन्टा २५ मिनेट १४ सेकेन्डमा दौड पूरा गरेकी हुन्।
सन्तोषीले २ लाख, पूर्णले १ लाख ६० हजार र पुष्पाले १ लाख रुपैयाँ प्राप्त गर्नेछन्।

खुला ५ किलोमिटर पुरुषतर्फ नागेश्वर ऐर विजयी भए ।, अक्कल बहादुर पाल दोस्रो र गणेश सिंह राउत तेस्रो भए । ५ किलोमिटर दौडको महिला तर्फ सिर्जना पाण्डे विजयी भइन्। आशा राउत दोस्रो र निर्मला केसी तेस्रो भइन् ।

त्यस्तै, ५ किलोमिटरको विद्यालय छात्रा तर्फ अरुणा चौधरी पहिलो, कुसुम ठगुना दोस्रो र भुमा चौधरी तेस्रो भइन् । छात्रतर्फ उमेश बराई विजयी भए भने सन्देश पाण्डे दोस्रो र आशिष कुमार क्षेत्रीले तेस्रो भए ।

५ किलोमिटरको सबै विधाका विजेताले १५, प्रथम, दोस्रोले १० र तेस्रोले ५ हजार रुपैंयाँ प्राप्त गरे ।
नेपाल ओलम्पिक कमिटी (एनओसी ) का अध्यक्ष जिवनराम श्रेष्ठ, चिनियां राजदुत चेन सोङ, लुम्बिनी विकास कोषका सदस्य सचिव शानुराजा शाक्य, नेपाल पर्यटन बोर्डका सदस्य सचिव मणि लामिछाने र प्रदेश खेलकुद परिषद लुम्बिनीका सदस्य सचिव जयप्रकाश भट्टराई, एनओसीका महासचिव निलेन्द्र राज श्रेष्ठले विजेता खेलाडीलाई‌ पुरस्कृत गरे।

म्याराथन, हाफ म्याराथन तथा ५ किमि दौडको सुरु तथा अन्त्य लुम्बिनी स्कवायरमा भएको थियो । विकास र शान्तिको लागि अन्तर्राष्ट्रिय खेलकुद दिवसको दिन अप्रिल ६ को अवसरमा एनओसीको मुल आयोजना तथा नेपाल स्थित चिनिया दुतावास, लुम्बिनी बिकास कोष, नेपाल पर्यटन बोर्ड तथा लुम्बिनी प्रदेश खेलकुद परिषदको सहकार्यमा प्रतियोगिता भएको हो ।

May 18, 2024

कान्तिपुर हाफ म्याराथन – राजपुराको ह्याट्रिक, दीपकलाई उपाधि

काठमाडौं (हाम्रो खेलकुद) – नेपाल पुलिस क्लबकी राजपुरा पछाईं र त्रिभुवन आर्मी क्लबका दीपक अधिकारीले १२ औं कान्तिपुर हाफ म्याराथनको उपाधि जितेका छन् । राजपुराले लगातार तेस्रो पटक उपाधि जितेर ह्याट्रिक गर्दा दीपक पहिलो पटक विजेता बनेका हुन् । महिलातर्फ राजपुराले १ घण्टा २२ मिनेट २५ सेकेन्डको टाइमिङ निकाल्दै उपाधि जितिन् । गत वर्ष उनी […]

May 17, 2024

सन्तोषीले ओलम्पिक खेल्ने पक्का

काठमाडौं (हाम्रो खेलकुद)- तेह्रौं सागकी स्वर्ण पदक विजेता सन्तोषी श्रेष्ठले पेरिस ओलम्पिक २०२४ खेल्ने निश्चित भएको छ। सन्तोषीले पेरिस ओलम्पिकको म्याराथनमा प्रतिस्पर्धा गर्ने भएकी हुन्। युनिभर्सियालिटी कोटामा उनले ओलम्पिक खेल्ने भएकी‌ हुन् । नेपाल ओलम्पिक कमिटी (एनओसी ) र नेपाल एथलेटिक्स संघबाट युनिभर्सियालिटीका लागि सन्तोषीको सिफारिस गरेको थियो। सन्तोषीको‌ नाम ओलम्पिकमा खेल्ने पक्का भएको जानकारी […]

May 16, 2024

राजनलाई हाफ म्याराथनको उपाधि

सुमन अधिकारी,बुटवल त्रिभुवन आर्मी क्लबका राजन रोक्काले दोस्रो राष्ट्रिय हाफ म्याराथनको‌ उपाधि जितेका छन् । राजनलेले निर्धारित २१ किलोमिटर दुरी १ घण्टा ९ मिनेट २४ सेकेन्डमा पूरा गर्दै उपाधि जितेका हुन् । नेकपा एमालेका तत्कालिन महासचिव मदन भण्डारीको ३१ औं स्मृति दिवसको अवसरमा मदन भण्डारी स्पोर्ट्स एकेडेमीले बिहीबार बुटवलमा आयोजना गरेको दोस्रो राष्ट्रिय हाफ म्याराथनको […]

Success

Thank you for your time.